Eknath Shinde : बाळासाहेबांच्या चरणी नतमस्तक, शपथविधीपूर्वी एकनाथ शिंदेंनी डीपी बदलला

एकनाथ शिंदे आता महाराष्ट्राचे नवे मुख्यमंत्री होणार हे स्पष्ट झाले असून काही वेळात ते शपथ घेतील, पण याच पूर्वी त्यांनी शिवसैनिकांना भावनिक साद घालण्याचा प्रयत्न केला आहे.

Eknath shinde

Eknath Shinde Facebook Profile Photo : शिवेसेनेचे बंडखोर नेते  एकनाथ शिंदे (Eknath Shinde) यांनी केलेल्या बंडामुळे राज्यातील महाविकास आघाडीचं सरकार कोसळलं आणि आता शिंदे गटासोबत मिळून भाजपने सरकार स्थापन केलं आहे. शिवसेनेचे अनेक आमदार घेऊन एकनाथ शिंदे यांनी थेट उद्धव ठाकरेंविरुद्ध बंड केल्यामुळे बऱ्याच शिवसैनिकांची मनं दुखावली गेली. पण आता मुख्यमंत्री पदाची शपथ घेण्यापूर्वी एकनाथ शिंदे यांनी त्यांचा सोशल मीडिया हँडलवरी प्रोफाईल फोटो बदलून बाळासाहेंबाच्या चरणी बसलेले असतानाचा एक फोटो प्रोफाईल फोटो म्हणून ठेवला आहे. शिंदे यांनी त्यांच्या आयुष्यातील या मोठ्या दिवशी बाळासाहेबांना आठवत नाराज शिवसैनिकांना भावनिक साद घालण्याचा प्रयत्न देखील केला आहे.

एकनाथ शिंदे यांनी काही वेळापूर्वीच हा फोटो प्रोफाईल फोटो म्हणून ठेवला असून अवघ्या काही मिनिटांमध्ये या फोटोंवर अनेक लाईक्स आणि कमेंट्स होताना दिसत आहे. अनेकजण आपआपली मतं या फोटोवर कमेंट्च्या रुपात मांडताना दिसत आहेत.

एकनाथ शिंदे यांची राजकीय कारकीर्द :
1997 व 2002 दोन वेळा नगरसेवक, तीन वर्षे स्थायी समिती सदस्य, चार वर्षे सभागृह नेता, महानगरपालिका ठाणे.
2004, 2009,2014,2019 चार वेळा आमदार;
2014 ते 2019 विधीमंडळ शिवसेना पक्षाचे गटनेते;
12 नोव्हेंबर 2014 ते 5 डिसेंबर 2014 विधानसभा विरोधी पक्ष नेता,
5 डिसेंबर ते नोव्हेंबर 2019 सार्वजनिक बांधकाम (सार्वजनिक उपक्रम) मंत्री; तसेच जानेवारी 2019 सार्वजनिक आरोग्य खात्याचा कार्यभार व ठाणे जिल्ह्याचे पालकमंत्री;
ऑक्टोबर 2019 मध्ये महाराष्ट्र विधानसभेवर फेरनिवड; डिसेंबर 2019 पासून शिवसेनेचे गटनेते;
नोव्हेंबर 2019 पासून नगर विकास व सार्वजनिक बांधकाम (सार्वजनिक उपक्रम) खात्याचे मंत्री.

सुपरव्हायझर... रिक्षाचालक ते थेट नगरसेवक - 
सुरुवातीच्या काळात ते ठाण्याच्या प्रसिद्ध वागळे इस्टेटमधील एका माशांचा कंपनीत सुपरव्हायझर म्हणून कामाला होते. कालांतराने त्यांनी ही नोकरी सोडत आत्मनिर्भर व्हायचं ठरवलं आणि ठाण्यात ऑटो रिक्षा चालवू लागले. काम करत असताना एकनाथ शिंदे यांच्या आयुष्याला दोन व्यक्तिंमुळे कलाटणी मिळाली. त्या व्यक्ती म्हणजे, शिवसेनाप्रमुख बाळासाहेब ठाकरे आणि ठाण्याचे शिवसेना नेते आनंद दिघे.  वयाच्या अवघ्या अठराव्या वर्षी एकनाथ शिंदे यांनी आनंद दिघे यांच्या नेतृत्वात शिवसेनेत प्रवेश केला आणि पक्षाच्या कामाला सुरुवात केली. पक्षाची कामं करताना शिंदेंना आनंद दिघेंचा सहवास लाभला आणि त्यांच्या प्रति विश्वास वाढू लागला. कालांतरानं एकनाथ शिंदे आनंद दिघेंचे निकटवर्तीय म्हणून ओळखले जाऊ लागलं. पक्षाप्रतिची निष्ठा पाहुन एकनाथ खडसेंना त्यांच्या कामाची पावती मिळालीच. 1984 साली वयाच्या विसाव्या वर्षी एकनाथ शिंदे यांच्यावर आनंद दिघेंनी जबाबदारी सोपवली. ठाण्याच्या किसन नगरचं शाखाप्रमुख पद त्यांना देण्यात आलं. इथूनच खऱ्या अर्थानं एकनाथ शिंदेंच्या राजकीय प्रवासाला सुरुवात झाली. 

 देखील वाचा -