राज्यात किमान तापमान वाढलं, पुण्यासह उर्वरित महाराष्ट्रात पुढील 2 दिवस हवामान कसे? IMD ने सांगितलं..
महाराष्ट्रात पुढील पाच दिवस कोरड्या वाऱ्यांचा प्रवाह सक्रिय राहणार आहे .
Weather Update:राज्यात गेल्या काही दिवसांपासून पहाटे प्रचंड गारठा आणि दुपारी उन्हाचा चटका अशी हवामान स्थिती नागरिक अनुभवत आहेत . पहाटे 10 अंशांच्या खाली गेलेले तापमान 16 ते 18 अंशापर्यंत जाऊन स्थिरावत असल्याचे चित्र आहे .दरम्यान अनेक भागात किमान तापमान वाढ होत असल्याचं सांगण्यात आलंय .गेल्या दोन दिवसांपासून पुण्यातील तापमान 1 ते 3 अंशांनी वाढलेआहे . तर बहुतांश मध्य महाराष्ट्रात किमान तापमानाचा पारा 11 ते 20 अंशापर्यंत गेल्याची नोंद झाली . हवामान विभागाने दिलेल्या अंदाजानुसार, मध्य महाराष्ट्र मराठवाड्यात येत्या 3 - 4 दिवसात किमान तापमानात हळूहळू 2 ते 3 अंशांची वाढ होणार आहे . त्यानंतर हळूहळू तापमान पुन्हा कमी होईल . विदर्भात पुढील 48 तास तापमानात फारसा बदल होणार नाही .त्यानंतर 2 ते 3 अंशांनी किमान तापमानाचा पारा वाढेल असा अंदाज प्रादेशिक हवामान केंद्राने वर्तवलाय . (IMD Forecast)
हवामान विभागाचा अंदाज काय ?
सध्या चक्राकार वाऱ्यांची स्थिती उत्तर पाकिस्तानासह पश्चिम राजस्थान परिसरात आहे . पश्चिमी चक्रवाताचा सक्रिय प्रभाव असल्याने पंजाब ,हरियाणा, राजस्थान, मध्य प्रदेश या राज्यांना जोरदार पावसाचा इशारा देण्यात आलाय . तर महाराष्ट्रात पुढील पाच दिवस कोरड्या वाऱ्यांचा प्रवाह सक्रिय राहणार आहे .किमान तापमानात दोन ते तीन अंशांची वाढ होणार असल्याचं सांगण्यात आलंय .(Maharashtra Temperature)
राज्यात तापमानाचा पारा किती ?
हवामान विभागाने दिलेल्या अंदाजानुसार मध्य महाराष्ट्रात किमान तापमान 10° ते 19 अंशापर्यंत जाऊन पोहोचलं आहे . मंगळवारी पुण्यात बहुतांश ठिकाणी 12 ते 15 अंश सेल्सिअसची नोंद झाली . नाशिक मध्ये 15.3°,कोल्हापुरात 16 अंश,नगर 11.4°,सातारा 16.2,सोलापूर 16.5अंशांवर गेले होते.मराठवाड्यात बहुतांश ठिकाणी तापमान 14 ते 17 अंशांच्या दरम्यान राहिले.विदर्भात मात्र किमान तापमानाचा पारा चांगलाच घसरला होता.भंडारा गोंदिया, नागपूर जिल्ह्यात 10 ते 13 अंश सेल्सिअस ची नोंद झाली.उत्तर महाराष्ट्रात किमान तापमान वाढ झाली होती. (Weather Update)
मराठवाड्यात हवामान अंदाज काय?
मराठवाडयात पुढील पाच दिवस हवामान कोरडे राहण्याची शक्यता असून दिनांक 22 व 23 जानेवारी रोजी मराठवाडयाच्या उत्तर भागात सकाळी धुके राहण्याची शक्यता आहे. मराठवाडयात पुढील चोवीस तासात कमाल तापमानात फारशी तफावत जाणवनार नाही तर दिनांक 22 व 23 जानेवारी रोजी किंचित घट होऊन त्यानंतर वाढ होण्याची शक्यता आहे. पुढील दोन ते तीन दिवसात किमान तापमानात हळूहळू वाढ होऊन त्यानंतर किंचित घट होण्याची शक्यता आहे.
हेही वाचा:
न्या. आलोक आराधे मुंबई हायकोर्टाचे नवे मुख्य न्यायमूर्ती; राजभवनमध्ये शपथविधी संपन्न
महत्त्वाच्या बातम्या
