राज्यात कोरोना रुग्णांचा आलेख चढताच, जेएन1 व्हेरियंटचेही रुग्ण वाढले, ठाण्यात सर्वाधिक रुग्ण
Coronavirus Maharashtra : देशभरासह राज्यात कोरोना रुग्णांची संख्या पुन्हा एकदा वाढत आहे. त्यामुळे आरोग्य व्यवस्था कामाला लागली आहे.
Coronavirus Maharashtra : देशभरासह राज्यात कोरोना रुग्णांची संख्या पुन्हा एकदा वाढत आहे. त्यामुळे आरोग्य व्यवस्था कामाला लागली आहे. त्यातच कोरोनाच्या जेएन 1 या नव्या व्हेरियंटचेही रुग्ण आढळायला लागलेत. एकटा ठाण्यात पाच रुग्ण आढळलेत, त्याशिवाय पुण्यातही जेएन1 व्हेरियंटचे दोन रुग्ण आढळले. त्यामुळे चिंता वाढली आहे. आरोग्य विभाग आणि डॉक्टरांनी खबरदारी घेण्याचे आव्हान केलेय.
राज्यातील कोरोना विषाणूच्या रुग्णसंख्या पुन्हा एकदा वाढताना दिसते आहे. राज्यात काल नव्याने 50 कोरोनाबाधितांची नोंद झाली आहे. सोबतच, जेएन 1 व्हेरीयंटच्या रुग्णांची संख्या 10 वर जाऊन पोहोचली आहे. एकीकडे सणांचे दिवस असताना वाढती रुग्णसंख्या चिंतेचा विषय ठरते आहे.
राज्यात कोरोना रुग्णांचा आलेख कसा वाढला
1 डिसेंबर रोजी
कोरोनाची ॲक्टिव्ह रुग्णसंख्या 12
11 डिसेंबर रोजी
कोरोनाची ॲक्टिव्ह रुग्णसंख्या 22 वर
२० डिसेंबर रोजी
राज्यातली ॲक्टिव्ह रुग्णसंख्या 45 वर
24 डिसेंबर रोजी
राज्यातली एकूण ॲक्टिव्ह रुग्णसंख्या 153 वर जाऊन पोहोचली आहे
राज्यात पुन्हा एकदा कोरोनाच्या रुग्णसंख्येत वाढ झाल्याचं दिसतं आहे. एका महिन्याआधी कोरोना संपूर्णपणे बाजूला होईल असं चित्र आकडेवारीवरुन दिसत होतं. मात्र, जेएन १ व्हेरीयंटचा शिरकाव देशात झाल्यानंतर पुन्हा एकदा कोरोनानं डोकं वर काढल्याचं चित्र आहे. त्यामुळे अनेकांच्या मनात भीतीचं वातावरण दिसतंय. राज्यातल्या कोरोनाच्या आकडेवारीत मागील 10 दिवसात झपाट्याने वाढली आहे. त्याचे मुख्य कारण म्हणजे पुन्हा एकदा वाढलेल्या चाचण्या… एकूण सुरुवातीला जेएन 1 व्हेरीयंटचा शिरकाव केरळ, गोव्यासह राज्यात देखील झाल्याने चाचण्यांमध्ये पुन्हा वाढ करण्यात आली आहे. सोबतच, श्वसनाचे विकार असलेल्यांचे सर्व्हेक्षण देखील केलं जात आहे. त्यामुळे राज्यातल्या ॲक्टिव्ह रुग्णसंख्येचा आकडा मागील दहाच दिवसात तिप्पट गेलाय. सोबतच, जेएन१ व्हेरीयंटच्या रुग्णसंख्या देखील वाढ झाली असून येत्या काही दिवसात यात आणखी वाढ होण्याची शक्यता नाकारता येत नाही.
जेएन१ चा राज्यात वाढता प्रसार!
20 डिसेंबर रोजी सिंधुदुर्गात जेएन 1 व्हेरीयंटच्या रुग्णाची नोंद झाल्याची माहिती आरोग्य विभागाने दिली. 24 डिसेंबर रोजी 9 जेएन1 व्हेरीयंटच्या रुग्णांची राज्यात नोंद झाल्याचं सांगितलं. ठाणे पालिका हद्दीत - 5, पुणे पालिका हद्दी 2, तर पुणे ग्रामीण, अकोला पालिका हद्द आणि सिंधुदुर्गात प्रत्येकी एका रुग्णाची नोंद झालीय. दरम्यान, दिलासादायक बाब म्हणजे हे सर्वच दहाही रुग्ण बरे झाल्याची माहिती आहे.
हिवाळा आला आणि पुन्हा एकदा कोरोनानं डोकं वर काढलं. एकीकडे रुग्णसंख्या वाढत जरी असली तरी कोरोनामुळे होणारे मृत्यू खूप कमी आहेत. त्यामुळे रुग्णसंख्या वाढत जरी असली तरी झालेलं मोठ्या प्रमाणात लसीकरणाचा फायदा देखील होताना दिसतोय. मात्र, जेष्ठ नागरिक असतील किंवा इतर व्याधी असलेल्यांना सतर्क राहण्याची गरज आहे.
महत्त्वाच्या बातम्या
ट्रेंडिंग न्यूज
