Maharashtra News Live Updates : मुंबईत विलेपार्ले येथे आठ ते दहा घरे कोसळली, 40 पेक्षा जास्त घरांना तडे
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
मुंबईत विलेपार्ले येथे आठ ते दहा घरे कोसळली आहेत. तर 40 पेक्षा जास्त घरांना तडे गेले आहेत. मेट्रोच्या कामांमुळे घरांना हादरे बसत असल्याचा स्थानिक नागरिकांनी आरोप केलाय.
तुळजापुरातून ज्योत आणण्यासाठी निघालेल्या भाविकांचा अपघातामध्ये एका व्यक्तीचा मृत्यू झाला आहे. तर एक जखमी आहे.
शिवसेनेतून बंडखोरी करत शिंदे सरकार मध्ये सर्वात शेवटी आलेले आमदार संतोष बांगर आज अंजनगांव सुर्जी येथील देवनाथ मठातून दर्शन करुन निघाले असताना शिवसैनिकांनी त्यांची गाडी अडवण्याचा प्रयत्न केला. यावेळी कार्यकर्त्यांनी त्यांच्या वाहनांच्या ताफ्यावर हल्लाबोल करत पन्नास खोके एकदम ओकेचे नारे दिले.
पाकिस्तान जिंदाबाद या घोषणा दिलेल्या व्हिडिओचा फॉरेन्सिक तपास होणार असल्याची माहिती पोलिस उपायुक्त सागर पाटील यांनी दिली.
सोशल मीडिया मधून जे व्हिडिओ उपलब्ध आहेत ते एकत्र करून आम्ही त्याचे फॉरेन्सिक करणार आहोत. बंडगार्डन पोलिस ठाण्याच्या हद्दीत जी घटना घडली त्याबद्दल पोलिस ठाण्यात गुन्हा दाखल करण्यात आला आहे रस्ता अडवणे, riot या सगळ्या बद्दल गुन्हे दाखल करण्यात आलेले आहेत. सोशल मीडिया वरुन जे काही व्हिडिओ आहेत ते तपासातून निष्पन्न होत आहेत त्या अनुषंगाने या गुन्ह्याचा सखोल तपास सुरू आहे.
ज्या गोष्टी तपासात निष्पन्न होतील जे काही कलम असतील ते आम्ही अड करणार आहोत. पोलिसांची कडक भूमिका आहे जे लोक निष्पन्न होतील त्यांच्यावर कारवाई होईल.
समाजातील सर्व घटकांना न्याय देणारे हे सरकार आहे. माथाडी कामगाराच्या घरांचा, त्यांच्या मुलांच्या शिक्षणाचा तसेच वैद्यकीय सुविधांचा प्रश्न सोडवण्यासाठी राज्य शासन प्रयत्नशील आहे. मराठा समाजात नव उद्योजक तयार व्हावेत यासाठी स्व. अण्णासाहेब पाटील आर्थिक विकास महामंडळाच्या निधीत वाढ केली जाईल, असे प्रतिपादन मुख्यमंत्री एकनाथ शिंदे यांनी आज येथे केले.
'अंत्योदय' संकल्पनेचे जनक पंडित दीनदयाळ उपाध्याय यांच्या जयंतीनिमित्त त्यांना मुख्यमंत्री एकनाथ शिंदे यांनी आज येथे विनम्र अभिवादन केले. मुख्यमंत्री श्री. शिंदे यांनी 'अंत्योदय' दिनाच्याही शुभेच्छा दिल्या आहेत. नंदनवन निवासस्थानी मुख्यमंत्री श्री. शिंदे यांनी पंडित दिनदयाळ उपाध्याय यांच्या प्रतिमेला पुष्पहार अर्पण करून अभिवादन केले. 'पंडित दीनदयाळ यांनी अंत्योदय संकल्पना मांडून समाजातील शेवटच्या घटकापर्यंत विकास पोहचविण्याचा ध्यास घेतला. त्यांचा हा ध्यास पूर्ण करण्यासाठी आपण एकजुटीने काम करूया, हेच त्यांना जयंतीनिमित्त अभिवादन ', असेही मुख्यमंत्र्यांनी म्हटले आहे.
शिक्षण, आरोग्य, कृषी, पायाभूत सुविधा आणि रोजगार या पंचसूत्रीवर काम करणार असल्याची चंद्रपूर आणि गोंदिया चे नवनियुक्त पालकमंत्री सुधीर मुनगंटीवार यांनी माहिती दिली आहे. चंद्रपूर आणि गोंदिया हे दोन्ही आदिवासी आणि जंगल बहुल जिल्हे असल्यामुळे या जिल्ह्यांसाठी काही विशेष योजना देखील आखणार असल्याचं ते म्हणाले आहे. पालकमंत्री बाहेरचा देण्यात येतो ही गोंदिया जिल्ह्याची नाराजी काम करूनच दूर करावी लागेल असं सांगतानाच या आधीच्या सरकारने जिल्ह्याच्या विकासासाठी गंभीरतेने प्रयत्न केले नसल्याचाही त्यांनी आरोप केलाय.
नवरात्रौत्सव सोमवारपासून सुरू होत आहे.दुर्गेची अनेक रूपे आहेत. प्रत्येक रूपाची ताकद वेगळी, कार्य वेगळे, अनुभूतीही वेगळी असते. त्याला अनुकूल अशा रूपाचे आपण ध्यान करतो, पूजा करतो. याच दुर्गेचे प्रतीक स्वरूप असलेल्या स्त्रिया जेव्हा समाजासाठी झटताना दिसतात, मात्र त्याच स्त्रीयांना अन्यायाचा सामना करावा लागत आहे. एसटीच्या माध्यमातून प्रवाशांची सेवा करणाऱ्या महिला कर्मचारी बालसंगोपन रजेपासून वंचित आहेत. त्यामुळे त्यांना अनेक अडचणींना सामोरे जावे लागत आहे. एसटीमध्ये महिला कर्मचाऱ्यांच्या अनेक मागण्या आहेत. त्यातील एक महत्वाची मागणी म्हणजे एस. टी. महामंडळातील महिला कर्मचारी तसेच अधिकारी यांना त्यांच्या मुलांच्या संगोपनासाठी सहा महिन्यांची बालसंगोपन रजा मंजूर करण्याचा निर्णय तत्कालीन परिवहनमंत्री आणि एसटी महामंडळाचे अध्यक्ष दिवाकर रावते यांनी 2018 मध्ये जाहीर केला होता. पण त्याची अंमलबजावणी नीट होत नसल्याची खंत महाराष्ट्र एस टी कर्मचारी काँग्रेसचे सरचिटणीस श्रीरंग बरगे यांनी व्यक्त केली आहे.
गोंदिया जिल्ह्यातील आदिवासी विकास विभागाच्या शासकीय आश्रमशाळा मजितपुर येथील आदिवासी विद्यार्थ्यांना क्रीडा स्पर्धांसाठी एका वाहनात कोंबुन निल्याचा धक्कादायक प्रकार समोर आला होता. यातील काही मुले प्रवासा दरम्यान बेशुद्ध देखील झाल्याचे निदर्शनास आले होते. या प्रकरणी आदिवासी विकास मंत्री डॉ. विजयकुमार गावितांनी नाराजी व्यक्त करत या करण्याचे आदेश दिले आहे. विद्यार्थ्यांना अशा पद्धतीने घेवुन जाणे चुकीचे असुन अशा प्रकार पुन्हा खपवुन घेतला जाणार नसल्याचे संकेत देत या प्रकरणी कठोर कारवाईचे निर्देश आदिवासी विकास मंत्री डॉ विजयकुमार गावितांनी दिले आहे.
पीएफआयच्या कालच्या पुण्यातील आंदोलनात पाकिस्तानच्या समर्थनार्थ घोषणाबाजी झाल्यानंतर भारतीय जनता युवा मोर्चाचे कार्यकर्ते नागपुरात आक्रमक झाले आहे... आज नागपूरात भारतीय जनता युवा मोर्चाच्या कार्यकर्त्यांनी भारत माता चौकावर पी एफ आय तसेच त्यांच्या पाठीराख्यांना गद्दार संबोधत जोरदार आंदोलन केलं... यावेळी भारतीय जनता युवा मोर्चाच्या कार्यकर्त्यांनी पाकिस्तान विरोधात जोरदार घोषणाबाजी करत पाकिस्तानचा झेंडा ही जाळला..एनआयए ने देशात 97 ठिकाणी छापे मारले आणि त्यामधून पीएफआय कसं देश विघातक गोष्टींमध्ये गुंतला आहे, हे समोर आले आहे... आणि त्याच पीएफआय साठी आंदोलन करणारे पाकिस्तान जिंदाबाद चे नारे लावतात... पीएफआय ला पाठिंबा देऊन काही लोक काय सिद्ध करू पाहतात... आम्ही अशा गद्दारांना सोडणार नाही...
महसूल, पशुसंवर्धन, दुग्धव्यवसाय विकास मंत्री राधाकृष्ण विखे-पाटील नांदेड दौऱ्यावर आले आसता नांदेडच्या चैतन्य नगर परिसरातील कार्यकर्त्यांच्या सदिच्छा भेटी दरम्यान मन की बात हा कार्यक्रम विखे पाटील यांनी कार्यकर्त्यांसह बसून पाहिला आहे.या वेळी नांदेडचे खासदार प्रतापराव पाटील चिखलीकर यांच्या यांच्या सह अन्य पदाधिकारी मोठ्या संख्येने उपस्थित होते ..
बारामती तालुका सहकारी खरेदी- विक्री संघाची 59 वी वार्षिक सर्वसाधारण सभा आज पार पडली. या सभेला विरोधी पक्षनेते अजित पवारांनी हजेरी लावली..यावेळी अजित पवारांनी उपस्थितांना मार्गदर्शन केलं. काळ वेळ थांबत नाही. मी पूर्वी खरेदी विक्री संघात बसायचो. पूर्वी खरेदी विक्री संघाच्या मुख्य कार्यालयात सभा व्हायची.. आज भाद्रपद पोळा.. मला समजतं तेव्हापासून आम्ही पोळ्याचा सण साजरा करतोय.. अनेक बाबतीत संस्थांना अडचणी, असं अजित पवार यांनी म्हटलंय.
नाशिकमध्ये लष्करी हद्दीत ड्रोनच्या माध्यमातून केली जातीय का रेकी ? - आडगाव जवळील संरक्षण संशोधन आणि विकास संस्थेच्या (DRDO) परिसरात अज्ञात ड्रोनच्या भिरक्या
- शुक्रवारी सायंकाळी सात वाजेच्या सुमारास DRDO च्या चौकी नंबर दोनच्या भिंतीजवळ एका स्थानिक नागरिकाने बघितला ड्रोन
- DRDO चे ५०० मीटर क्षेत्र हे अति प्रतिबंधित आणि नो फ्लाईंग झोन
- DRDO तिल एका हवालदाराने काल दिलेल्या तक्रारीनंतर आडगाव पोलिस ठाण्यात कोणतीही परवानगी न घेता ड्रोन उडवणे, धोकेदायक कृत्य करणे आणि विमान अधिनियम १९३४ चे कलम ११ नूसार गुन्हा दाखल
- लष्करी परिसरात ड्रोनने भिरक्या घेतल्याची एक महिन्यातीलच नाशिकमधील ही दुसरी घटना
- २५ ऑगस्टला रात्री दहा वाजेच्या सुमारास आर्टिलरी सेंटर मधील कॉम्बॅक्ट आर्मी एव्हिएशनवर ८०० फूट उंचीवर ड्रोन उडाला होता
- या गुन्ह्याचा तपास लागलेला नसतांनाच ही दुसरी घटना समोर आल्याने खळबळ
ठाणे जिल्ह्याच्या पालकमंत्र्यांचा घोषनेनंतर भाजप माजी नगरसेवकानी नाराजी व्यक्त केली. रस्त्याच्या कामावरून मंत्री रवी चव्हाण आणि शिंदे गटातील वाद समोर आल्यानंतर आता ठाणे जिल्ह्याचे पालकमंत्री शंभूराजे देसाई यांच्या नावाची घोषणा झाल्यानंतर भाजपच्या माजी नगरसेवकाने फेसबुकवर पोस्ट करत बोचरी टीका केली आहे. मुख्यमंत्र्यांना मिस्टर गुवाहाटी म्हणत काही तरी सोडा, भूमिपुत्रांनी नाही तर परत लढावं लागेल आमच्या अस्मितेसाठी, अशी फेसबुक पोस्ट केली आहे. त्यामुळे शिंदे गट विरुध्द भाजप अस सुरू असलेलं शीतयुद्ध काही थांबायचं नाव घेत नसल्याचे दिसून येतेय. याबाबत माजी नगरसेवक मंदार टावरे याच्याशी संपर्क साधला संपर्क होवू शकला नाही.
नवराञ उत्सव उद्यापासून सुरू होत असून राज्यभरातील विविध गावातून युवक तुळजापूर, माहूरगड,मोहटादेवी याठिकाणी जाऊन ज्योत आणत आहेत.आष्टी तालुक्यातील पाटण सांगणी येथील तरूण ज्योत आणण्यासाठी तुळजापूर येथे जात असतांना येरमाळा जवळ मोटार सायकलवर असलेल्या दोन तरूणांचे अपघाती निधन झाले. अमोल सुरेशराव खिलारे उपसरपंच (वय 38) व महेश भास्करराव भोसले आरोग्य सेवक (वय 31) असे या मयत तरूणांचे नाव आहे.
ऊसतोड मुकादम वाहतूकदारांच्या बैठकीसाठी काल पंकजा मुंडे बीड वरून मांजरसुंबा या ठिकाणी आल्या आणि यावेळी येत असताना धुळे सोलापूर राष्ट्रीय महामार्गावर झालेले नवीन हॉटेल्स तसेच निसर्गरम्य असे वातावरण पाहून पंकजा मुंडे यांनी सुद्धा काय डोंगर काय हॉटेल असा डायलॉग मारला आणि हे सांगूनच माझ्या ऊसतोड कामगारांच्या आयुष्यात सुद्धा असेच दिवस आले पाहिजे अशी अपेक्षा सुद्धा व्यक्त केली
भारतात राहून 'पाकिस्तान झिंदाबाद'च्या घोषणा देणाऱ्यांना पाकिस्तानात पाठवायला हवे, कठोर कारवाई केली पाहिजे, असं वक्तव्य मंत्री गुलाबराव पाटील यांनी केलंय. पुण्यात ज्यांनी 'पाकिस्तान जिंदाबाद'ची घोषणाबाजी केली त्यांच्यावर थेट देशद्रोहाचे गुन्हे दाखल केले पाहिजेत. त्यांना जेलमध्ये टाकले पाहिजे. शेवटी देश महत्वाचा आहे. तो कोणत्याही जाती धर्माचा असेल मात्र सरकार म्हणून देशाच नागरिक म्हणून अशी प्रवृत्ती ठेवली पाहिजे. अशा कडक शब्दात मंत्री गुलाबराव पाटील यांनी यावर प्रतिक्रिया दिली आहे. सरकार सुध्दा यात कुचराई करणार नाही, असेही मंत्री गुलाबराव पाटील यांनी स्पष्ट केले.
पाथर्डी महामार्गावरील करंजी घाटात मळी घेऊन मुंबईला जात असलेला टँकर खोल दरीत कोसळलाय...या अपघातात टँकरचे मोठ्या प्रमाणात नुकसान झालंय... सुदैवाने टँकरचालक बचावलाय...नगर पाथर्डी महामार्गावरील करंजी घाटात अतिशय चढ असलेल्या ठिकाणी मराठवाड्यातील सेलू,पाथरी येथून मुंबईला मळी घेऊन जाणारा टँकरचा ब्रेक फेल झाल्याने मागे येऊन घाटाचा कठडा तोडून टँकर खोल दरीत कोसळला... राजकुमार पाल हा टँकर चालक या अपघातात बचावला... टँकर 3-4 पलट्या खाऊन दरीतील मोठ्या दगडला अडकला... घटनेची माहिती मिळताच पोलिसांनी पंचनामा करून गुन्हा दाखल केला...
यवतमाळ जिल्ह्यात अवैध व्यावसायिकांकडून सामान्य नागरिकांना मोठा त्रास होतो. मात्र त्यांच्या दादागिरीमुळे तक्रार करण्यास कोणीही पुढे येण्यास धजावत नाही. या उलट पोलीस विभागाकडून जुगार, मटका आदी व्यवसायांना जिल्ह्यात थारा नाही, असा दावा केल्या जात असतानाच मटका तेजीत सुरू असल्याचा एक व्हिडीओ व्हायरल झाला. त्यामुळे पोलिस विभागाच्या कर्तव्यावरच प्रश्न चिन्ह निर्माण झाले. हा व्हिडीओ महागाव तालुक्याच्या हिवरा संगम येथील आहे. या ठिकाणी हा अवैध व्यवसाय तेजीत सुरू आहे. काही जण ऑटोमध्ये बसूनच व्यवसाय करतात. तर काहींनी पोलिसांच्या नाकावर टीचून खुलेआम उघड्या जागेवर आपले दुकान थाटले आहे. या ठिकाणी होत असलेल्या गर्दीमुळे सामान्य लोकांना मोठा त्रास होतो. मात्र या मटका बहाद्दराच्या दादागिरी मुळे कोणीही आवाज काढत नाही. मात्र पैशाच्या कारणावरून वाद झाल्याने हे अवैध धंद्याचे व्हिडीओ चांगलेच वायरल होत आहे. हा सगळा प्रकार महागाव पोलिसांच्या आशिर्वादामुळेच सुरू असल्याचा आरोप सामान्य नागरिकांकडून होत आहे.
अण्णासाहेब पाटील आर्थिक विकास महामंडळाच्या अध्यक्षपदी नरेंद्र पाटील, एकनाथ शिंदे यांच्याकडून घोषणा, माथाडी मेळाव्यात केली घोषणा.
पालघर - वाडा तालुक्यातील कोंढले दिनकर पाडा येथे जुन्या टायरची राख व ऑइल काढणाऱ्या कंपनी असून रात्री दहाच्या सुमारास R.R. कंपनीतल्या कामगारांनी बॉयलर उघडण्याचा प्रयत्न केला यामुळे आतून आलेल्या गरम वाफेमुळे चौघेजण गंभीर भाजले होते. यातील एकाचा रुग्णालयात नेताना रस्त्यात मृत्यू झाला. इतर तिघांना मुंबई येथील रुग्णालयात दाखल केले आहे. त्यानंतर घटनास्थळी वाडा पोलिसांना माहिती मिळताच धाव घेतली आहे.
पुण्यातील पर्वती मतदार संघाच्या आमदार माधुरी मिसाळ यांच्या आणि त्यांचे दीर दीपक उर्फ बाबा मिसाळ यांच्या मोबाईल नंबरवर मेसेज करून दोन ते पाच लाख रुपयांची मागणी करण्यात आली. पैसे न दिल्यास जीवे ठार मारण्याची धमकी देण्यात आल्याचा प्रकार उघडकीस आला आहे. याप्रकरणी बिबवेवाडी पोलिसांनी आयपीसी 386, आयटी ॲक्ट कलम 66 (सी) यानुसार गुन्हा दाखल केला आहे.
Mumbai Angadia Theft : दक्षिण मुंबईतील अगंडिया व्यापारी कार्यालयावर चोरट्यांचा डल्ला मारला आहे. भरदिवसा एक कोटी रुपयांची चोरी करण्यात आल्याची धक्कादायक बाब समोर आली आहे. दक्षिण मुंबईतील अगंडिया व्यापाऱ्याच्या कार्यालयातून भरदिवसा एक कोटी रुपयांची चोरी करण्यात आली आहे. अंगडिया व्यापाऱ्याच्या कार्यालयात शनिवारी दोन अज्ञात व्यक्तींनी घुसून चोरी केली. शनिवारी दुपारी दोन अज्ञात व्यक्ती अंगडिया व्यापाऱ्याच्या कार्यालयात घुसले. त्यानंतर चोरांनी तिजोरीचे कुलूप तोडून त्यामधील एक कोटी रुपये घेऊन पलायन केल्याची घटना घडली आहे.
वर्धा जिल्ह्यातील सेलू पोलीस ठाणे अंतर्गत येणाऱ्या आकोली मसाळा येथील चार मुले काल दुपारपासून बेपत्ता झाल्याची घटना उघडकीस आली. या घटनेमुळे वर्धा जिल्ह्यात एकच खळबळ निर्माण झाली आहे..या संदर्भात सेलू पोलीस ठाण्यात गुन्हा नोंदविण्यात आला असून पोलीस पथक बेपत्ता मुलांचा शोध घेत आहेत. काल मध्यरात्रीपर्यंत पोलिसांनी श्वान पथकासह मुलांचा जंगल परिसरात शोध घेतला मात्र मुले सापडले नाहीत.. आज परत पोलिसांकडून मुलांचा शोध घेणे सुरू आहे.
अमरावतीच्या जिल्हा स्त्री रुग्णालयात लागली आग..
लहान मुलांच्या बालक अतिदक्षता कक्षातील व्हेंटिलेटर मशीनला लागली अचानक आग.
अग्निशामक दल रुग्णालयात दाखल.
सुदैवाने कुठलीही जीवित हानी झाली नाही..
लहान मुलांना तातडीने केले दुसऱ्या वार्डात शिफ्ट..
दोन बालके किरकोळ जखमी.. तातडीने त्यांना पंजाबराव देशमुख रुग्णालयात हलविले..
पुण्यात "पाकिस्तान जिंदाबाद" या घोषणेचा व्हिडीओ व्हायरल झाल्यानंतर शिवसेना आक्रमक
शिवसेनेकडून पी एफ आय संघटने विरोधात आंदोलन करणार
पुण्यातील जिल्हाधिकारी कार्यालयाबाहेर शिवसेना आंदोलन करणार असल्याकारणाने मोठा पोलिस बंदोबस्त तैनात
कुठला ही अनुचित प्रकार घडू नये यासाठी पोलिस बंदोबस्त तैनात
हिटरची टाकी फुटल्याने उकळते पाणी झोपलेल्या महिलेच्या अंगाखाली आले. गंभीर जखमी महिलेचा उपचारादरम्यान मृत्यू झाला. उषा रंजीत सुरवसे (वय 31 वर्ष) असं मयत महिलेचं नाव असून 19 ऑगस्ट रोजी रात्री 10 वाजेच्या सुमारास हिटर सुरू करून महिला झोपली होती. रात्री तीन वाजेदरम्यान प्लॅस्टिकची टाकी उकळत्या पाण्यामुळे फुटली आणि उकळते पाणी झोपलेल्या महिलेच्या अंगाखाली आल्याने ती गंभीर जखमी झाली. जखमी उषा सुरवसे यांच्यावर आंबेजोगाई येथील स्वाराती शासकीय रुग्णालयात उपचार सुरू असताना रविवारी सकाळी त्यांची प्राणज्योत मालवली. मयत उषा सुरवसे यांच्या पश्चात पती, तीन मुली आणि एक मुलगा असा परिवार आहे.
शिवसेनेत उभी फूट पडल्यानंतर उद्धव ठाकरे गटाला राज्यात रोज धक्क्यावर धक्के बसत आहेत.पालघर जिल्ह्यातील शिवसेनेचे जिल्हाप्रमुख वैभव संखे यांच्यानंतर उपजिल्हाप्रमुख जगदीश धोडी यांनी देखील मुख्यमंत्री एकनाथ शिंदे यांची वर्षा निवासस्थानी भेट घेउन त्यांना आपला पाठींबा दर्शविला. एकामागून एक प्रमुख पदाधिकारी ठाकरे गट सोडून शिंदे गटात जात असल्याने पालघर जिल्ह्यातील शिवसेनेच्या ठाकरे गटाला अखेरची घरघर लागल्याचे चित्र पहावयास मिळत आहे.तर येत्या दोन दिवसात पालघर जिल्हा परिषदे मधील जिल्हा परिषद अध्यक्षासह काही पदाधिकारीही प्रवेश करणार असल्याची माहिती सुत्रांकडून मिळत आहे.
ऊसतोड महामंडळाची मी सदस्य असते तर अशी अवस्था झाली नसती, असं वक्तव्य पंकजा मुंडे यांनी केलंय. भाजपच्या नेत्या पंकजा मुंडे यांच्या प्रमुख उपस्थितीमध्ये बीडमध्ये ऊसतोड मुकादम आणि वाहतूकदारांचा एक बैठक संपन्न झाली आणि या बैठकीत बोलताना पंकजा मुंडे यांनी ऊसतोड महामंडळाच्या कामावर निराशा व्यक्त केली आहे. या मेळाव्यात बोलताना पंकजा मुंडे म्हणाल्या की मी ऊसतोड महामंडळाची सदस्य जरी असते तर ही वेळ आली नसती मला या गोष्टीचं दुःख वाटतं. ऊसतोड महामंडळ हा माझा नफा तोट्याचा भाग नसून तो माझा प्राण आहे असे देखील पंकजा मुंडे म्हणाल्या आहेत
अमरावतीतील जिल्हा स्त्री रुग्णालयाच्या आयसीयूमध्ये आग... बालक अतिदक्षता कक्षाला आग... लहान मुलांना तातडीनं हलवल्याने मोठ अनर्थ टळला
Ahmednagar News Live: अहमदनगर - पाथर्डी महामार्गावरील करंजी घाटात मळी घेऊन मुंबईला जात असलेला टँकर खोल दरीत कोसळलाय...या अपघातात टँकरचे मोठ्या प्रमाणात नुकसान झालंय... सुदैवाने टँकरचालक बचावलाय...नगर पाथर्डी महामार्गावरील करंजी घाटात अतिशय चढ असलेल्या ठिकाणी मराठवाड्यातील सेलू,पाथरी येथून मुंबईला मळी घेऊन जाणारा टँकरचा ब्रेक फेल झाल्याने मागे येऊन घाटाचा कठडा तोडून टँकर खोल दरीत कोसळला... राजकुमार पाल हा टँकर चालक या अपघातात बचावला... टँकर ३-४ पलट्या खाऊन दरीतील मोठ्या दगडला अडकला... घटनेची माहिती मिळताच पोलिसांनी पंचनामा करून गुन्हा दाखल केला...
कोरोनात गेली दोन वर्ष गेली. कोरोनानंतर आता सर्व सण उत्सव उत्साहात साजरे होत आहेत. गणेशोत्सवानंतर नवरात्रौत्सव ही उत्सवात साजरा होणार आहे. मुंबईतील प्रसिद्ध असेलल्या मुंबादेवी मंदिरात देखील नवरात्रौत्सवाची तयारी करण्यात आली आहे. नवरात्र उत्सवात येणाऱ्या भाविकांसाठी रागांची विशेष सोय करण्यात आलीय, वयोवृद्ध, अंध अपंग, गरोदर माता यांच्यासाठी थेट दर्शन दिल जाणार आहे. उद्या सकाळी मुंबादेवी मंदिरात साडे पाच वाजता आरती झाल्यावर भाविकांना दर्शन खुलं होणार आहे.
हवामान विभागाच्या अंदाजानुसार, आज विदर्भ आणि मराठवाड्यात पावसाची शक्यत आहे. उर्वरित महाराष्ट्रामध्ये हलक्या ते मध्यम स्वरुपाचा पाऊस पडण्याची शक्यता वर्तवण्यात आली आहे.
राष्ट्रीय कौटुंबिक आरोग्य अहवालानुसार राज्यातील धुळे जिल्ह्यातील महिला सर्वाधिक मद्यापी महिला म्हणून अव्वलस्थानी असल्याचा धक्कादायक अहवाल नुकताच समोर आला आहे, मात्र हा अहवाल चुकीचा असून राष्ट्रीय कौटुंबिक आरोग्य अहवालात ही प्रिंटिंग चूक झाल्याचं समोर आलं आहे. या अहवालाविरोधात आपण मुख्यमंत्री, उपमुख्यमंत्री यांच्याकडे अब्रू नुकसानीचा दावा करणार असल्याचं भाजप महिला मोर्चाच्या प्रदेश उपाध्यक्ष जयश्री अहिरराव यांनी सांगितलं आहे.
आकोली मसाळा जंगल परिसरातून काल दुपारपासून चार मुले बेपत्ता
मध्यरात्री पर्यंत पोलिसांची शोधमोहीम
आज परत पोलीस घेताहेत मुलांचा शोध
अंदाजे 10 ते 12 वर्षे वयोगटातली मुले
Gondia Student : गोंदियामध्ये 120 विद्यार्थ्यांना कोंबून प्रवास, श्वास गुदमरल्याने काही विद्यार्थी बेशुद्ध, मजितपूर शासकी आदिवासी आश्रमशाळेचा बेजबाबदारपणा
पॉपुलर फ्रंट ऑफ इंडियाच्या आंदोलनात कथित स्वरुपात पाकिस्तान जिंदाबादच्या घोषणा दिल्याच्या निषेधार्थ मनसेचे पुण्यात आंदोलन होणार आहे. पुण्यातील अलका चौकात मनसे आंदोलन करणार आहे.
मराठा चेंबर ऑफ कॉमर्स, इंडस्ट्रीज अँड अॅग्रीकल्चर च्या तरुण उद्योजक पुरस्कार वितरण सोहळ्यास उपमुख्यमंत्री देवेंद्र फडणवीस उपस्थित राहणार. संध्याकाळी चार वाजता कार्यक्रमाला सुरुवात होणार आहे.
अल्केम फाउंडेशन आणि अल्झायमर्स अँड रिलेटेड डिसऑर्डर्स सोसायटी ऑफ इंडियाच्या मुंबई शाखेतर्फे आज मुंबई आणििद्यापीठाच्या कलिना कॅम्पसमध्ये अल्झायमर्स जागरूकता अभियानाचे आयोजन करण्यात आले. या अभियानात 500 हून अधिक जणांनी सहभाग घेतला. यांत आणिैद्यकीय आणि्याआणिसायिक, केअरगिआणि्हर्स, कॉर्पोरेट क्षेत्रातील लोक आणि खासगी संस्थांच्या प्रतिनिधींसह समाजाच्या आणििआणििध आणिर्गांतील लोकांचा समाआणिेश होता.या आणिेळी आणििआणििध पारंपरिक नृत्य, खेळ यांच्या मार्फत जागृती करण्यात आली. 2019 मध्ये 3.84 दशलक्ष आणि्यक्ती डिमेन्शियाने ग्रस्त होत्या. हा आकडा 2050 सालापर्यंत 11.44 दशलक्षांपर्यंत जाईल असा अंदाज आहे. अल्झायमर्स या आजारामध्ये रुग्णाची स्मरणशक्ती आणि आणििचार करण्याची क्षमता हळूहळू कमी होऊ लागते आणि आणि्यक्तीच्या दैनंदिन जीआणिनशैलीआणिर आणि स्आणिास्थ्याआणिर परिणाम पर्यंत हा आजार पोहोचतो.ख्यातनाम सायकिएट्रिस्ट, न्युरोलॉजिस्ट आणि न्युरोसर्जन आदी आणिैद्यकतज्ज्ञांनी या कार्यक्रमाची सुरुआणिात केली. त्यानंतर लोकजागृतीच्या उद्देशाने 1.5 किलोमीटर एआणिढ्या अंतराची अआणिेरथॉन चे आयोजन केले होते. फेरी काढण्यात आली.
रसायनयुक्त सांडपाणी खुल्या जागेत सोडल्याने तसेच दूषित पाणी पावसाच्या पाण्यात मिसळल्याने 50 शेतकऱ्यांची 250 एकर जमीन नापीक झाली. याप्रकरणी शेतकऱ्यांनी राष्ट्रीय हरित लवादाकडे दाखल केलेल्या प्रकरणात कंपनीच्या परवान्यातील अटी व शर्ती, तसेच पर्यावरणाच्या नियमांचे उल्लंघन केल्याप्रकरणी 250 कोटी रुपये दंड राष्ट्रीय हरित लवाद न्यायालयाने ठोठावला आहे. दंड तीन महिन्यांच्या आत जमा करण्याचा आदेशही न्यायालयाने दिला आहे. बुलढाण्यातील मलकापूर औदयोगिक क्षेत्रातील या कंपनीला हरित लवादाने मोठा झटका दिला आहे.
लालूप्रसाद यादव आणि नीतीश कुमार आज सोनिया गांधींची भेट घेणार आहेत. 10 - जनपथवर सायंकाळी सहा वाजता चर्चा होण्याची शक्यता आहे. विरोधी पक्ष नेत्यांना एकत्र आणण्यासाठी सोनिया गांधी यांची भेट गेणार असल्याचं लालूप्रसाद यादव यांनी सांगितलं.
आपचे नेते अरविंद केजरीवाल आणि पंजाबचे मुख्यमंत्री भगवंत मान गुजरात दौऱ्यावर आहेत. ते आज तीन टाउनहॉल मीटिंग्सला संबोधित करणार आहेत. गुजरातमध्ये पुढील काही दिवसांत निवडणुका होत आहेत, त्यापार्श्वभूमीवर केजरीवाल अॅक्शन मोडमध्ये आले आहेत.
सिंधुदुर्ग : राष्ट्रवादी काँग्रेसचे अध्यक्ष शरद पवार 1 ऑक्टोबरला सिंधुदुर्ग दौऱ्यावर
बॅरिस्टर नाथ पै यांचं आज जन्मशताब्दी वर्ष
यानिमित्ताने 1 ऑक्टोबर ला वेंगुर्ले मध्ये मधुसूदन कालेलकर सभागृहात कार्यक्रमाला शरद पवारांची प्रमुख उपस्थिती
राष्ट्रवादी काँग्रेसचे अध्यक्ष शरद पवार, शालेय शिक्षण मंत्री दिपक केसरकर, उद्योग मंत्री उदय सामंत एकाच व्यासपीठावर
एकेकाळी राष्ट्रवादी काँग्रेस मध्ये असलेले सामंत, केसरकर पुन्हा एकदा एका व्यासपीठावर उपस्थित राहणार
पारंपरिक शेती करणारा शेतकरी नैसर्गिक आपत्तीमुळं नेहमीच अडचणीत येतोय. मात्र, यावर उपाय शोधत पारंपरिक शेतीला फाटा देत नंदूरबार (Nandurbar) जिल्ह्यातील 80 शेतकऱ्यांनी एकत्र येत गवती चहा (लेमन ग्रास) लागवडीचा यशस्वी प्रयोग केला आहे. शहादा (Shahada) तालुक्यातील 80 शेतकऱ्यांनी करार शेती करत अडीचशे एकर क्षेत्रावर लेमन ग्रास (Lemongrass) ची लागवड केली आहे. या माध्यमातून ते शाश्वत उत्पादन घेत आहेत.
पिंपरी चिंचवडमधील भाजप आमदार महेश लांडगेच्या डोक्यावरील मायेचं छत्र हरपलं आहे. अल्पशा आजाराने त्यांची प्राणज्योत मालवली. हिराबाई लांडगे असं त्यांचं नाव होतं. वयाच्या 69व्या वर्षी त्यांनी अखेरचा श्वास घेतला. आज त्यांच्यावर अंत्यसंस्कार होणार आहेत.
शिवसेना, काँग्रेस, राष्ट्रवादी काँग्रेस, वंचित बहुजन आघाडी आणि आपनंतर आता कम्युनिस्ट पार्टी ऑफ इंडिया यांच्याकडून देखील आरे आरशेडच्या विरोधात भूमिका घेतली आहे. मागील तीन महिन्यांपासून दर रविवारी कारशेडविरोधात आंदोलन केलं जातंय. अशात सीपीआय देखील ह्या आंदोलनात उतरणार आहे.
पंतप्रधान नरेंद्र मोदी मन की बात या कार्यक्रमामार्फत सकाळी 11 वाजता देशभरातील जनतेशी संवाद साधणार आहेत. प्रत्येक महिन्याच्या अखेरच्या रविवारी पंतप्रधान मन की बात या कार्यक्रमाद्वारे संवाद साधतात. 25 तारखेला होणरा मन की बात या कार्यक्रमाचा 93 वा भाग आहे.
पार्श्वभूमी
ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो.
पंतप्रधान मोदींची मन की बात -
पंतप्रधान नरेंद्र मोदी मन की बात या कार्यक्रमामार्फत सकाळी 11 वाजता देशभरातील जनतेशी संवाद साधणार आहेत. प्रत्येक महिन्याच्या अखेरच्या रविवारी पंतप्रधान मन की बात या कार्यक्रमाद्वारे संवाद साधतात. 25 तारखेला होणरा मन की बात या कार्यक्रमाचा 93 वा भाग आहे.
विदर्भ मराठवाड्यात पावसाची शक्यता -
हवामान विभागाच्या अंदाजानुसार, आज विदर्भ आणि मराठवाड्यात पावसाची शक्यत आहे. उर्वरित महाराष्ट्रामध्ये हलक्या ते मध्यम स्वरुपाचा पाऊस पडण्याची शक्यता वर्तवण्यात आली आहे.
तानाजी सावंत यांचा लातूर दौरा -
राज्याचे सार्वजनिक आरोग्य व कुटुंब कल्याण मंत्री प्रा.डॉ. तानाजीराव सावंत हे लातूर जिल्हा दौऱ्यावर येत असून त्यांचा दौरा कार्यक्रम पुढील प्रमाणे राहील.
रविवार, दिनांक 25 सप्टेंबर 2022 रोजी सकाळी 9.30 वाजता उस्मानाबाद ( धाराशिव) येथून लातूरकडे प्रयाण. सकाळी 11-00 वाजता लातूर येथे आगमन . सकाळी 11-30 वाजता लातूर येथील पक्षिय कार्यक्रमास उपस्थिती. दुपारी 1-00 वाजता पुणेकडे प्रयाण करतील.
देवेंद्र फडणवीस पुणे दौऱ्यावर -
मराठा चेंबर ऑफ कॉमर्स, इंडस्ट्रीज अँड एग्रीकल्चर च्या तरुण उद्योजक पुरस्कार वितरण सोहळ्यास उपमुख्यमंत्री देवेंद्र फडणवीस उपस्थित राहणार. संध्याकाळी चार वाजता कार्यक्रमाला सुरुवात होणार आहे.
आरे कारशेडविरोधात आंदोलन -
शिवसेना, काँग्रेस, राष्ट्रवादी काँग्रेस, वंचित बहुजन आघाडी आणि आपनंतर आता कम्युनिस्ट पार्टी ऑफ इंडिया यांच्याकडून देखील आरे आरशेडच्या विरोधात भूमिका घेतली आहे. मागील तीन महिन्यांपासून दर रविवारी कारशेडविरोधात आंदोलन केलं जातंय. अशात सीपीआय देखील ह्या आंदोलनात उतरणार आहे.
मनसेचं आंदोलन -
पॉपुलर फ्रंट ऑफ इंडियाच्या आंदोलनात कथित स्वरुपात पाकिस्तान जिंदाबादच्या घोषणा दिल्याच्या निषेधार्थ मनसेचे आज पुण्यात आंदोलन होणार आहे. पुण्यातील अलका चौकात मनसे आंदोलन करणार आहे.
केसरकरांची पत्रकार परिषद -
राज्याचे शालेय शिक्षण व मराठी भाषा मंत्री दिपक केसरकर आज सांगली दौऱ्यावर आहेत. शिवसेना संपर्क यात्रेसंदर्भात बैठक होणार आहेत. त्यानंतर सायंकाळी साडेचार वाजता केसरकर यांची पत्रकार परिषद होणार आहे.
गुलाम नबी आजाद आपल्या पक्षाची घोषणा करणार?
काँग्रेसचे माजी नेता गुलाम नबी आजाद आज जम्मूमध्ये पोहचणार आहेत. सोमवारपर्यंत ते जम्मू काश्मीरमध्ये असतील त्यानंतर ते श्रीनगरला जाणार आहेत. आज गुलाम नबी आजाद नव्या पक्षाची घोषणा करण्याची शक्यता आहे.
केजरीवाल गुजरात दौऱ्यावर -
आपचे नेते अरविंद केजरीवाल आणि पंजाबचे मुख्यमंत्री भगवंत मान गुजरात दौऱ्यावर आहेत. ते आज तीन टाउनहॉल मीटिंग्सला संबोधित करणार आहेत. गुजरातमध्ये पुढील काही दिवसांत निवडणुका होत आहेत, त्यापार्श्वभूमीवर केजरीवाल अॅक्शन मोडमध्ये आले आहेत.
फतेहाबादमध्ये रॅलीचं आयोजन -
माजी उप पंतप्रधान देवीलाल यांच्या जयंतीनिमित्तर फतेहाबादमध्ये रॅलीचं आयोजन करण्यात आले आहे. या रॅलीवा अनेक विरोधीनेते येण्याची शक्यता आहे. इंडियन नेशनल लोकदल (इनेलो) यांनी रॅलीचं आयोजन केलेय. या रॅलीमध्ये बिहारचे मुख्यमंत्री नितीश कुमार, उपमुख्यमंत्री तेजस्वी यादव, शरद पवार, प्रकाश सिंह बादल यांच्यासह अनेक दिग्गज नेते उपस्थित राहण्याची शक्यता आहे. कांग्रेस, सीपीआई, आम आदमी पार्टी, बसपा या पक्षातील नेतेही उपस्थित राहण्याची शक्यता आहे.
लालू प्रसाद यादव आणि नीतीश कुमार सोनिया गांधींची भेट घेणार -
लालूप्रसाद यादव आणि नीतीश कुमार आज सोनिया गांधींची भेट घेणार आहेत. 10 - जनपथवर सायंकाळी सहा वाजता चर्चा होण्याची शक्यता आहे. विरोधी पक्ष नेत्यांना एकत्र आणण्यासाठी सोनिया गांधी यांची भेट गेणार असल्याचं लालूप्रसाद यादव यांनी सांगितलं.
नितीन गडकरी जयपूर दौऱ्यावर -
केंद्रीय मंत्री नितीन आज जयपूर दौऱ्यावर आहेत. रविवारी ते धानक्या येथे सायंकाळी चार वाजता 106 व्या जंयतीनिमित्त आयोजित कार्यक्रमात सहभागी होणार आहेत.
‘आरोग्य मंथन’चं उद्घाटन -
आयुष्मान भारत-प्रधानमंत्री जन आरोग्य योजनेला (एबी-पीएमजेएवाई) चार वर्ष पूर्ण झाल्याच्या निमित्तानं आणि आयुष्मान भारत डिजिटल मिशनला एक वर्ष पूर्ण झाल्याच्या निमित्तानं ‘आरोग्य मंथन’ या कार्यक्रमाचं केंद्रीय आरोग्यमंत्री मनसुख मांडविया उद्घाटन करणार आहेत. हा दोन दिवसांचा कार्यकर्म आहे.
दिवंगत राजू श्रीवास्तव यांची श्रद्धांजली सभा -
मुंबईतील इस्कॉन मंदिरात दिवंगत राजू श्रीवास्तव यांची श्रद्धांजली सभा होणार आहे. सायंकाळी चार ते 6 यादरम्यान जूहू येथील इस्कॉन मंदिरात सभा होणार आहे. 22 सप्टेंबर रोजी राजू श्रीवास्तव यांचा मृत्यू झाला होता.
उपराष्ट्रपती धनखड बीकानेर दौऱ्यावर
उपराष्ट्रपती धनखड आज जयपूरमधील बीकानेर येथे एक दिवसाच्या दौऱ्यावर येणार आहेत. येथील देशनोक मंदिरात ते दर्शन घेणार आहेत.
भारत आणि ऑस्ट्रेलिया यांच्यात निर्णायक लढत -
भारत आणि ऑस्ट्रेलिया यांच्यामध्ये आज हैदराबाद येथे निर्णायाक सामना होणार आहे. तीन सामन्याची मालिका सध्या 1-1 ने बरोबरीत आहे. हैदराबाद येथील सामना जिंकून टी 20 मालिका जिंकण्याच्या इराद्याने दोन्ही संघ मैदानात उतरणार आहेत.
- - - - - - - - - Advertisement - - - - - - - - -