Maharashtra Breaking News 01 July 2022 : राज्यातील घडामोडीची प्रत्येक अपडेट फक्त एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
pimpri chinchwad : सायलेन्सर मधून फटाक्याचे आवाज काढत बेफाम होऊन बुलेट राजांना महाग पडणार आहे. पिंपरी चिंचवडमध्ये अशा बुलेट राजांवर आता थेट गुन्हे दाखल केले जातायेत. या सहा महिन्यात वीस हजार बुलेट चालकांवर दंडात्मक कारवाई झाली, वीस लाखांचा दंड ही त्यांच्याकडून वसूल करण्यात आला. मात्र तरीही बुलेट राजांमध्ये सुधारणा होईना, म्हणून थेट गुन्हे दाखल करण्याची मोहीम वाहतूक पोलिसांनी हाती घेतलीये. पुढं वाहन जप्ती आणि लायसेन्स रद्द करण्याच्या दृष्टीने ही पिंपरी चिंचवड वाहतूक पोलीस पावलं उचलत आहेत. या कारवाईचा आढावा घेतलाय नाजिम मुल्ला यांनी.
CM Eknath Shinde : मुख्यमंत्री एकनाथ शिंदे यांच्या उपस्थितीत आज आपात्कालीन यंत्रणांची बैठक होणार आहे. मुंबईसह इतर ठिकाणी अतिवृष्टीमुळे नुकसान होऊ नये यासाठी सरकारकडून खबरदारी घेण्याचे प्रयत्न सुरू.
महाराष्ट्राचे नवे मुख्यमंत्री एकनाथ शिंदे यांनी कोकणातील रत्नागिरी जिल्ह्यात वैद्यकीय महाविद्यालय सुरु करण्याच्या प्रस्तावित निर्णय़ाची अंमलबजावणी करण्याचे निर्देश दिले आहेत. अधिकृत ट्वीटरवरुन त्यांनी ही माहिती दिली.
Sindhudurg News : सिंधुदुर्ग जिल्ह्यातील दोडामार्गमधील तिलारी खोऱ्यातील मोर्ले गावात हत्तींनी धुमाकूळ घातला आहे. मोर्ले गावात गेले तीन दिवस हत्तीचा मुक्काम असून गावातील केळी, काजू बागाचे मोठे नुकसान केले आहे. उर्जेवर कुंपण तोडून हत्तींनी केळीच्या आणि काजू बागेत येत नुकसान केले. काही ठिकाणी तर नारळ, पोफळीचे मोठ्या प्रमाणात नुकसान केले. तिलारी खोऱ्यात गेले तीन चार महिने हत्ती नुकसान करत आहेत. वन विभाग फक्त पाहत आहे. हत्तीग्रस्त भागातील लोकांनी जगायचे कसे? हत्तीच्या भीतीने ग्रामस्थ घराबाहेर पडत नाहीत. घरात राहून संसाराचा गाडा कसा हाकायचा असे अनेक प्रश्न स्थानिकांना पडले असून वनविभाग मात्र बघ्याची भूमिका घेत आहे.
Share Market Update : सेन्सेक्स 450 अंकांनी घसरला तर
डाॅलरच्या तुलनेत रुपया ऐतिहासि
सोने आयात होणार महाग, सोन्या
Neeraj Chopra Sets Record : टोकियो ऑलिम्पिकमध्ये मेहनत दाखवून सुवर्णपदक जिंकणारा नीरज चोप्रा एकापाठोपाठ एक विक्रम करत आहे. नुकत्याच झालेल्या पावो नूरमी ऍथलेटिक्स मीटमध्ये रौप्य पदक जिंकून राष्ट्रीय विक्रम केल्यानंतर त्याने पुन्हा एकदा 89.94 मीटरचा राष्ट्रीय विक्रम केला आहे. तसेच, त्याने डायमंड लीगमध्ये रौप्य पदक जिंकले आहे.
शानदार थ्रोसह 89.30 मीटरचा स्वतःचा राष्ट्रीय विक्रम मोडला
24 वर्षीय नीरज चोप्राने डायमंड लीगमध्ये 89.94 मीटरच्या आपल्या शानदार थ्रोसह 89.30 मीटरचा स्वतःचा राष्ट्रीय विक्रम मोडला. त्याने अलीकडेच जूनच्या सुरुवातीला तुर्कू येथे पावो नुर्मी गेम्समध्ये ही कामगिरी केली. विशेष म्हणजे यावेळीही नीरज चोप्राने रौप्य पदक जिंकले.
Kerala Bomb Attack : केरळमधील (Kerala) तिरुअनंतपुरम (Thiruvananthapuram) येथील CPI(M) मुख्यालयावर बॉम्ब फेकून दुचाकीस्वाराने पळ काढला. सीपीआय (M) मुख्यालयावर बॉम्बहल्ला झाल्याची माहिती मिळाल्यानंतर पोलिसांनी या प्रकरणाचा तपास सुरू केला आहे, तर गुरुवारी रात्री उशिरा कार्यालयात बॉम्ब फेकल्यानंतर सीपीआय कार्यकर्ते पक्षाच्या मुख्यालयाबाहेर जमले होते.
सीसीटीव्ही फुटेजमध्ये घटना कैद
सीपीआय(एम) मुख्यालयावर झालेल्या बॉम्ब हल्ल्यात कोणतीही जीवितहानी झाल्याचे वृत्त नाही. समोर आलेल्या सीसीटीव्ही फुटेजमध्ये, गुरुवारी रात्री एक व्यक्ती सीपीआय पक्षाच्या मुख्यालयासमोर आपली दुचाकी मागे वळवताना दिसत आहे, तो माणूस हातात बॉम्ब घेऊन पक्षाच्या मुख्यालयाच्या इमारतीवर बॉम्ब फेकतो आणि पळून जातो.
ED Summons to Shivsena MP Sanjay Raut : दोन दिवसांपूर्वी संजय राऊत यांना आलेल्या ईडी समन्सनंतर आता ते आज (शुक्रवारी) ईडी चौकशीसाठी (ED Inquiry) जाण्याची शक्यता आहे. काल (शुक्रवारी) संजय राऊत यांनी माध्यमांशी बोलताना, "बहुदा शुक्रवारी दुपारनंतर मी ईडीसमोर हजर होणार आहे. मी माझी भूमिका स्पष्ट करेल. मला पक्षाच्या कामांपासून रोखण्यासाठी, महाराष्ट्राच्या कामापासून रोखण्यासाठी हे सर्व दबाव सुरु आहेत. या दबावांना बळी पडून आमचे काही लोक पळून गेले असले, तरी मी आजच ईडीसमोर हजर राहीन, कोणत्याही प्रकारची कारवाई झाली तरी मी त्याला सामोरं जाईल." , असं स्पष्ट केलं होतं. त्यामुळे आज संजय राऊत ईडीसमोर हजर होणार आहेत.
पार्श्वभूमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी... या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू..
महाराष्ट्राच्या राजकारणात मोठा ट्विस्ट, शिदे मुख्यमंत्री, फडणवीस उपमुख्यमंत्री
ठाकरे सरकार पडल्यानंतर राज्याच्या मुख्यमंत्रीपदी एकनाथ शिंदेंनी काल शपथ घेतली. तर, देवेंद्र फडणवीसांनी राज्याचे उपमुख्यमंत्री म्हणून शपथ घेतली आहे.
उद्धव ठाकरे गटातील आमदारांचं निलंबन होणार?
विधिमंडळाच्या विशेष अधिवेशनात विधानसभा अध्यक्षांची निवड होण्याची शक्यता आहे. त्यानंतर नवनिर्वाचित अध्यक्ष उपाध्यक्षांनी दिलेले निलंबनाचे आदेश मागे घेऊ शकतात. तसेच, एकनाथ शिंदे यांना गटप्रमुख करु शकतात. त्यामुळे त्यांचं निलंबन रद्द होण्याची शक्यता आहे. दुसरीकडे उद्धव ठाकरे गटातील आमदारांवर व्हीप लावून त्यांचे निलंबन होण्याची शक्यता आहे
मुंबई प्रादेशिक हवामान केंद्राकडून मुंबई महापालिकेला अलर्ट, कोकणाला ऑरेंज अलर्ट
कोकण किनारपट्टी भागात कमी दाबाचा पट्टा तयार झाल्याने हवामान विभागाने जोरदार पावसाचा इशारा दिला आहे. मुंबई, मुंबई उपनगरसह कोकणामध्ये पुढील 24 तासांत मुसळधार पावसाची शक्यता वर्तवण्यात आली आहे. सकाळपासूनच मुंबईमध्ये पावसाने जोरदार हजेरी लावली. मुंबईसह नवी मुंबई, ठाणे आणि वसई विरारमध्ये पावसाचा जोर वाढला होता. पुढील चार ते पाच दिवसांमध्ये संपूर्ण राज्यात मान्सून सक्रिय राहण्याची शक्यताही वर्तवण्यात आली आहे.
संजय राऊतांची आज ईडी चौकशी
दोन दिवसांपूर्वी संजय राऊतांना आलेल्या ईडी समन्सनंतर आता ते उद्या ईडी चौकशीसाठी जाण्याची शक्यता आहे. काल महाविकास आघडाीचं सरकार कोसळल्यानंतर आता आम्ही विरोधी पक्षात बसू आणि नवं सरकार पाडण्यासाठी कोणतेही प्रयत्न करणार नाही असंही राऊतांनी सांगितलंय. तसंच शरद पवारांनी साथ आजवर दिली त्यामुळे त्यांची साथ सोडणार नसल्याचंही त्यांनी म्हटलंय.
आजपासून जगन्नाथ रथयात्रेला सुरुवात
आजपासून जगन्नाथ रथयात्रा सुरू होत आहे. यंदा भगवान जगन्नाथ रथयात्रेचे 145 वे वर्ष आहे. दरवर्षी आषाढ महिन्यातील शुक्ल पक्षाच्या दुसऱ्या दिवशी जगन्नाथ रथयात्रेचे आयोजन केले जाते. या रथात सहभागी होण्यासाठी परदेशातून लोक येथे पोहोचतात. जगन्नाथ पुरी मंदिर हे भारतातील प्राचीन आणि प्रसिद्ध मंदिरांपैकी एक आहे.
अमरनाथ यात्रेचा आज दुसरा दिवस
कोरोनामुळे दोन वर्ष रद्द झाल्यानंतर यंदाच्या वर्षी होत असलेल्या बाबा बर्फानी (Baba Barfani) यांच्या यात्रेला सुरूवात झाली आहे. आज यात्रेचा दुसरा दिवस आहे.
काँग्रेस नेते राहुल गांधी वायनाड दौऱ्यावर
काँग्रेस नेते राहुल गांधी वायनाड लोकसभा मतदारसंघाच्या तीन दिवसाच्या दौऱ्यावर जाणार आहेत
मणीपूरमध्ये भूस्खलनात 7 जवान शहीद, 25 जवान बेपत्ता
मणीपूरच्या नोने जिल्ह्यात मोठं भूस्खलन झालं आहे. इंफाळ- जिरिबम रेल्वे लाईनच्या सुरक्षेसाठी तैनात असलेलेल्या टेरेटोरियल आर्मीचे जवान या भूस्खलनात बेपत्ता झाले आहेत. आतापर्यंत 7 जवान शहीद झाल्याची माहिती आहे. 13 सैनिकांना सुखरुप बाहेर काढण्यात आलं आहे. तर, अजूनही 25 सैनिक गायब आहेत. रेस्क्यू ऑपरेशन सुरु आहे.
आज 1 जुलैपासून काय बदल होणार
आजपासून देशात सिंगल यूज प्लास्टीकवर बंदी, वित्तीय वर्षात 20 हजारांहून अधिक उत्पन्न असणाऱ्या डॉक्टर आणि मीडिया इन्फ्ल्युएन्सवर 10 टक्के टीडीएस लागणार, आजपासून आधार- पॅन लिंक करणाऱ्यांना 500 रुपये विलंब शुल्क भरावं लागणार, एसी महागणार अशा अनेक गोष्टींमध्ये आजपासून बदल होणार आहेत.
- - - - - - - - - Advertisement - - - - - - - - -