MLC Election Result LIVE UPDATE : अमरावतीत अपक्ष किरण सरनाईक विजयी.

विधानपरिषदेच्या तीन पदवीधर आणि दोन शिक्षक मतदारसंघासह (Maharashtra Legislative Council's graduate and teacher constituencies) धुळे नंदुरबार विधानपरिषद मतदारसंघाच्या निवडणकीची मतमोजणी आज होत आहे. पदवीधर आणि दोन शिक्षकनिवडणुकीची मतमोजणी सकाळी आठ वाजेपासून सुरु होणार आहे. कोरोनाच्या पार्श्वभूमीवर पार पडलेल्या या निवडणुकीचा अंतिम निकाल यायला वेळ लागण्याची शक्यता आहे.

Background

मुंबई : विधानपरिषदेच्या पदवीधर आणि शिक्षक मतदारसंघातील पाच जागांसाठी 1 डिसेंबर रोजी मतदान प्रक्रिया पार पडली. विधानसभा निवडणुकीनंतर महाविकास आघाडी आणि भाजप या निवडणुकीच्या निमित्ताने पहिल्यांदा समोरासमोर लढले. राज्यात पुणे पदवीधर आणि शिक्षक मतदारसंघासह, नागपूर पदवीधर, औरंगाबाद पदवीधर आणि अमरावती शिक्षक मतदारसंघात निवडणूक पार पडली. या निवडणुकीची मतमोजणी सकाळी आठ वाजेपासून सुरु होणार आहे. कोरोनाच्या पार्श्वभूमीवर पार पडलेल्या या निवडणुकीचा अंतिम निकाल यायला वेळ लागण्याची शक्यता आहे.

 

पुणे पदवीधरमध्ये भाजपकडून संग्रामसिंह देशमुख आणि राष्ट्रवादीचे अरुण लाड आणि अपक्ष श्रीमंत कोकाटे यांच्यात प्रमुख लढत झाली. या ठिकाणी मनसेच्या रुपाली पाटील देखील मैदानात आहेत. तर औरंगाबाद पदवीधरमध्ये राष्ट्रवादीचे सतीश चव्हाण आणि भाजपचे शिरीष बोराळकर यांच्यात लढत झाली. नागपूर पदवीधरमध्ये भाजपचे संदीप जोशी आणि काँग्रेसचे अभिजित वंजारी यांच्यात थेट लढत झाली.

 

तर पुणे शिक्षक मतदारसंघात काँग्रेसचे जयंत आसगावकर आणि भाजपचे जितेंद्र पवार आणि अपक्ष म्हणून मैदानात असलेले दत्तात्रय सावंत यांच्यात प्रमुख लढत झाली. तर अमरावती शिक्षक मतदारसंघात शिवसेनेचे श्रीकांत देशपांडे आणि भाजपचे नितीन धांडे यांच्यात लढत झाली.

 

महाविकास आघाडीचे उमेदवार
महाविकास आघाडीकडून पदवीधर आणि शिक्षक मतदारसंघासाठी पाच उमेदवार मैदानात आहेत. यामध्ये काँग्रेस आणि राष्ट्रवादी काँग्रेसचे प्रत्येकी दोन तर शिवसेनेचा एक उमेदवार रिंगणात आहे.

 

अमरावती शिक्षक मतदारसंघ - श्रीकांत देशपांडे, शिवसेना
पुणे पदवीधर मतदारसंघ - अरुण लाड, राष्ट्रवादी काँग्रेस
पुणे शिक्षक मतदारसंघ - प्रा. जयंत आसगांवकर, काँग्रेस
औरंगाबाद पदवीधर मतदारसंघ - सतीश चव्हाण, राष्ट्रवादी काँग्रेस
नागपूर पदवीधर मतदारसंघ - अभिजीत वंजारी, काँग्रेस

 

भाजपचे उमेदवार

 

तर भाजपनेही महाविकास आघाडीविरोधात उमेदवार रिंगणात उतरवले आहेत. दरम्यान निवडणुकीच्या आधी भाजपमध्ये बंडखोरी पाहायला मिळाली. औरंगाबाद पदवीधर मतदारसंघात उमेदवारी न दिल्याने रमेश पोकळे यांनी बंडखोरी केली आहे.

 

अमरावती शिक्षक मतदारसंघ - डॉ. नितीन धांडे
पुणे पदवीधर मतदारसंघ - संग्राम देशमुख
पुणे शिक्षक मतदारसंघ - जितेंद्र पवार (भाजप पुरस्कृत अपक्ष)
औरंगाबाद पदवीधर मतदारसंघ - शिरीष बोरनाळकर
नागपूर पदवीधर मतदारसंघ - संदीप जोशी

 

धुळे-नंदुरबार विधानपरिषदेच्या पोटनिवडणुकीचा निकाल आज
धुळे-नंदुरबार विधानपरिषदेच्या पोटनिवडणुकीचा निकाल देखील आज लागणार आहे. काँग्रेसमधून भाजपात आलेल्या अमरीश पटेल तसेच भाजपमधून काँग्रेसमध्ये आलेल्या अभिजीत पाटील यांच्यात ही सरळ लढत झाली आहे. अमरिश पटेल यांनी विधान परिषदेच्या सदस्यत्वाचा 30 सप्टेंबरला राजीनामा दिला होता. त्यांचा विधान परिषद सदस्यत्वाचा कालावधी 14 डिसेंबर 2021 या दिवशी पूर्ण होत होता. मात्र तत्पूर्वीच त्यांनी राजीनामा दिल्यानं केवळ 12 महिन्यांचा कालावधी निवडून येणाऱ्या उमेदवाराला मिळणार आहे. काँग्रेसच्या बालेकिल्ल्यात झालेल्या राजकीय घडामोडींचा या निवडणुकीत भाजपला फायदा होणार कि महाविकास आघाडी सरकारला फायदा होणार हे आज कळणार आहे.

 

21:12 PM (IST)  •  04 Dec 2020

अमरावती विभाग शिक्षक मतदार संघाच्या निवडणुकीमध्ये महाविकास आघाडी आणि भाजपाला धक्का देत वाशीम येथील रहिवासी अपक्ष उमेदवार किरण सरनाईक यांनी बाजी मारली आहे. सरनाईक यांनी महाविकास आघाडीचे उमेदवार विद्यमान आमदार श्रीकांत देशपांडे यांचा पराभव केला. त्यामुळे अमरावती विभागात बलाढ्य पक्षाला धक्का देत एक अनपेक्षित निकाल पाहायला मिळाला. अमरावती विधान परिषद शिक्षक मतदारसंघात महाविकास आघाडीचे श्रीकांत देशपांडे, अपक्ष उमेदवार शेखर भोयर यांनी शेवटपर्यंत लढत दिली.

21:14 PM (IST)  •  04 Dec 2020

12:38 PM (IST)  •  04 Dec 2020

महाराष्ट्राचा अपमान करणाऱ्या भाजपला सुशिक्षित नागरिकांनी जागा दाखवली, आम्ही कसं लढायचं ते आम्ही ठरवू, हे कोण आम्हाला सांगणार, मंत्री हसन मुश्रीफ यांचा भाजपवर हल्लाबोल

09:14 AM (IST)  •  04 Dec 2020

गृहमंत्री अनिल देशमुख यांच्याकडून पदवीधर आणि शिक्षक मतदारसंघातील विजयी उमेदवारांचं अभिनंदन, म्हणाले, स्पष्ट कौल देणाऱ्या महाराष्ट्रापुढं आम्ही नतमस्तक आहोत. सत्तेत राहण्यासाठीचे गणित आम्ही वर्षापूर्वीच जुळवले; आता भरभक्कम लोकसमर्थनही मिळवले. कालही आम्ही जनतेपुढे विनम्र होतो, आजही आहोत आणि सदैव राहु. #महाविकासआघाडी च्या विजयी शिलेदारांचे अभिनंदन.

12:37 PM (IST)  •  04 Dec 2020

नागपूर नागपूर पदवीधर मतदारसंघातून काँग्रेस उमेदवार अभिजित वंजारी आपला विजय निश्चित दिसताच गणेश टेकडी मंदिरात दर्शनाला पोहचले संपूर्ण राज्याचे लक्ष लागलेल्या नागपुर विभाग पदवीधर मतदारसंघात काँग्रेसचे अभिजित वंजारी विजयाच्या समीप आहे. अभिजित वंजारी यांनी आज सहकुटुंब नागपूरातील प्रसिद्ध गणेश टेकडी मंदिरात श्रीगणरायाचे दर्शन घेतले...