मराठा समाजाकडून नव्या राजकीय पक्षाची स्थापना
रायरेश्वर या ठिकाणी शपथ घेऊन पक्षाच्या बांधणीला सुरुवात करण्यात आली आहे. यावेळी खासदार छत्रपती उदयनराजे भोसले यांचे फोटो असलेले बॅनर्स याठिकाणी पाहायला मिळाले. पक्ष स्थापनेच्या या कार्यक्रमाला शेकडो कार्यकर्ते उपस्थित होते.
सातारा : मराठा समाजाच्या वतीने नव्या राजकीय पक्षाची स्थापना करण्यात आली आहे. 'महाराष्ट्र क्रांती सेना' असं या नव्या पक्षाचं नाव आहे. सुरेश पाटील यांनी पाडव्याच्या मुहुर्तावर रायरेश्वर येथे नव्या पक्षाची घोषणा केली.
रायरेश्वर या ठिकाणी शपथ घेऊन पक्षाच्या बांधणीला सुरुवात करण्यात आली आहे. यावेळी खासदार छत्रपती उदयनराजे भोसले यांचे फोटो असलेले बॅनर्स याठिकाणी पाहायला मिळाले. पक्ष स्थापनेच्या या कार्यक्रमाला शेकडो कार्यकर्ते उपस्थित होते.
मराठा मोर्चा आणि मराठा संघटनांचा विरोध डावलून या पक्षाची स्थापना करण्यात आली आहे. मात्र मराठा मोर्चाने या पक्षाचं नाव मराठा क्रांती मोर्चा किंवा सकल मराठा असं ठेवण्यास विरोध केला. या नावांमध्ये मराठा समाजाची अस्मिता दडली आहे. त्यामुळे आम्ही आमच्या पक्षाचं नाव महाराष्ट्र क्रांती सेना असं ठेवलं, असल्याचं सुरेश पाटील यांनी सांगितलं.
उदयनराजेंचा पक्षाला संपूर्ण पाठिंबा दिला आहे. तसेच आगामी लोकसभेच्या निवडणुकीला उदयनराजे हे आमचे उमेदवार असू शकतात, अशी माहिती सुरेश पाटील यांनी यावेळी दिली. उदयनराजेंनी 'मराठा क्रांती सेना'कडून लोकसभेची निवडणूक लढवावी अशी विनंती त्यांना करणार असल्याचं सुरेश पाटलांनी यावेळी म्हटलं.
या पक्षाच्या माध्यमातून लोकसभा, विधानसभा निवडणूक लढवून मराठा समाजाच्या विविध मागण्या मांडण्याचा प्रयत्न आम्ही करणार आहोत. रघुनाथदादा पाटील यांच्या नऊ संघटनाही आमच्या पाठीशी आहेत. येत्या काळात महाराष्ट्रातील मराठा समाजाच्या सर्व संघटनांना एकत्र आणण्याचा आमचा प्रयत्न असणार आहे, असंही सुरेश पाटील यांनी स्पष्ट केलं.
महत्त्वाच्या बातम्या
ट्रेंडिंग न्यूज
