Maharashtra Corona Update : कोरोना रुग्णसंख्येत वाढ सुरुच, शुक्रवारी राज्यात 3 हजारांपेक्षा जास्त रुग्ण आढळले
Maharashtra Corona Update : मागील काही दिवसांपासून राज्यातील कोरोना रुग्णांची संख्या वाढत आहे.
Maharashtra Corona Update : मागील काही दिवसांपासून राज्यातील कोरोना रुग्णांची संख्या वाढत आहे. दैनंदिन कोरोना रुग्णांच्या संख्येत वाढ होत असल्यामुळे सक्रिय रुग्ण झपाट्याने वाढत आहेत. आरोग्य विभागाने दिलेल्या माहितीनुसार, शुक्रवारी राज्यात तीन हजारांपेक्षा जास्त रुग्ण आढळले आहेत. दिलासादायक बाब म्हणजे, मागील 24 तासांत एकाही कोरोना रुग्णाचा मृत्यू झाला नाही. तर दिवसभरात 1323 जणांनी कोरोनावर मात केली आहे. राज्यात आजपर्यंत एकूण 77,43,513 करोना बाधित रुग्ण बरे होऊन घरी. यामुळे राज्यातील रुग्ण बरे होण्याचे प्रमाण (Recovery Rate) 97.96% एवढे झाले आहे. सध्या राज्यातील मृत्यूदर 1.87% एवढा आहे.
सक्रिय रुग्णांची संख्या वाढतेय झपाट्याने -
सक्रिय रुग्णांची संख्या 13 हजार 329 इतकी झाली आहे. दैनंदिन कोरोना रुग्णांची संख्या मोठ्या प्रमाणात वाढत असल्यामुळे सक्रिय रुग्णसंख्याही झपाट्याने वाढत आहे. राज्यात सर्वाधिक सक्रिय रुग्ण मुंबईत आहेत. मुंबईमध्ये सक्रीय रुग्णांची संख्या नऊ हजार १९१ इतकी झाली आहे. राज्यातील एकूण सक्रिय रुग्णांपैकी सत्तर टक्के सक्रिय रुग्ण एकट्या मुंबईत आहे. ठाणे २१५७, ठाणे ८८४, पालघर ३१४, रायहज ४११ सक्रिय रुग्ण आहेत.
मुंबईने राज्याची चिंता वाढली -
आज राज्यात ३०८१ नवीन रुग्णांची नोंद झाली. आता राज्यातील करोना बाधित रुग्णांची एकूण संख्या ७९,०४,७०९ झाली आहे. मुंबईमध्ये सर्वाधिक दैनंदिन कोरोना रुग्णांची वाढ झाली आहे. राज्याच्या तुलने मुंबईत जवळपास सत्तर टक्के रुग्ण आढळले आहेत. मुंबईत शुक्रवारी तब्बल १९५६ दैनंदिन कोरोना रुग्ण आढळले आहेत. त्यानंतर ठाणे मनपा २२२, नवी मुंबई मनपा २०१, पुणे मनपा १३५ रुग्ण आढळले आहेत. मुंबईमध्ये दैनंदिन कोरोना रुग्णांची संख्या झपाट्याने वाढत आहे.
देशाची सक्रिय रुग्णांची संख्या 36 हजारांवर -
कोरोनाची संभाव्य चौथी लाट लवकरच धडकणार असल्याचा अंदाज वर्तवण्यात येत आहे. देशात गुरुवारी दिवसभरात 7584 नवीन कोरोना रुग्णांची नोंद झाली आहे. तसेच गेल्या 24 तासांत 24 कोरोना रुग्णांचा मृत्यू झाला आहे. महाराष्ट्र, दिल्ली यासारख्या राज्यांमध्ये कोरोना चांगलाच फोफावताना दिसत आहे. महाराष्ट्रात दिवसागणिक मोठी रुग्णवाढ पाहता राज्य सरकारने पुन्हा एकदा बंदिस्त जागी मास्क सक्ती लागू करत नागरिकांना मास्क वापरण्याचं आवाहन केलं आहे. देशातील कोरोनाबाधितांची एकूण संख्या 36 हजारांच्या पुढे गेली आहे. सध्या 36 हजार 267 रुग्ण कोरोनावर उपचार घेत आहेत. तर रुग्ण सकारात्मकता दर 0.08 टक्क्यांवर पोहोचला आहे. गुरुवारी दिवसभरात 3791 रुग्णांनी कोरोनावर मात केली आहे. आतापर्यंत 4 कोटी 26 लाख 44 हजार 92 रुग्णांनी कोरोना संसर्गावर मात केली आहे.
महत्त्वाच्या बातम्या
