एक्स्प्लोर

Maharashtra Budget 2023 : महात्मा ज्योतिराव फुले जनारोग्य योजनेत आता 5 लाखांपर्यंत उपचार करता येणार

या योजनेतून आता पाच लाखांपर्यंत उपचार करता येणार आहेत. त्यामुळे आता सर्वसामान्य खासगी दवाखान्यातील लाखोंची बिले अदा करण्यापेक्षा या योजनेच्या माध्यमातून पाच लाख रुपयांपर्यंत उपचार करून घेता येणार आहे.

By : एबीपी माझा ब्युरो | Edited By: परशराम पाटील | Updated at : 09 Mar 2023 05:18 PM (IST)

mahatma jyotiba phule jan arogya yojana

Maharashtra Budget 2023 : राज्याचा राज्याचा अर्थसंकल्प उपमुख्यमंत्री तथा अर्थमंत्री देवेंद्र फडणवीस यांनी सादर केला. या अर्थसंकल्पामधून अनेक लोकप्रिय घोषणा करण्यात आल्या आहेत. दरम्यान, जाहीर करण्यात आलेल्या घोषणांमध्ये सर्वात महत्त्वाची घोषणा योजना सामान्यांसाठी सर्वात 'आरोग्यदायी' राहिलेल्या महात्मा फुले जन आरोग्य योजना (Mahatma Jyotiba Phule Jan Arogya Yojana) संदर्भातील आहे. या योजनेतून आता पाच लाखांपर्यंत उपचार करता येणार आहेत. त्यामुळे आता सर्वसामान्य खासगी दवाखान्यातील लाखोंची बिले अदा करण्यापेक्षा या योजनेच्या माध्यमातून पाच लाख रुपयांपर्यंत उपचार करून घेता येणार आहे. जन आरोग्य योजनेचं विमा संरक्षण दीड लाखांहून पाच लाख रुपये करण्यात आलं आहे.

या योजनेमध्ये आणखी 200 नव्या रुग्णालयांचा समावेश करण्यात येणार आहे. त्यामुळे या योजनेची व्याप्ती मोठ्या प्रमाणात वाढली जाणार आहे. दुसरीकडे, मूत्रपिंड प्रत्यारोपण शस्त्रक्रियाचा लाभही अडीच लाखांवरून 4 लाखांपर्यंत नेण्यात आला आहे. त्यामुळे यासंदर्भात जे कोणी लाभ घेऊ इच्छित असतील किंवा जे प्रतीक्षेत आहेत त्यांना या योजनेचा लाभ होईल.

अर्थसंकल्पातील अन्य महत्त्वपूर्ण योजना

निराधार योजनांमध्ये वाढीव अर्थसहाय्य

अंत्योदयाचा विचार
संजय गांधी निराधार/श्रावणबाळ योजनेत अर्थसहाय्य आता 1000 हून 1500 रुपये
राज्य सरकार अतिरिक्त 2400 कोटी रुपयांचा भार उचलणार
प्रत्येक महिन्यात पहिल्याच आठवड्यात नियमित प्रदान

नमो शेतकरी महासन्मान निधी योजना

प्रधानमंत्री कृषी सन्मान निधी योजनेत राज्य सरकारची भर
नमो शेतकरी महासन्मान निधी योजना
प्रतिशेतकरी, प्रतिवर्ष 6000 रुपये राज्य सरकार देणार
केंद्राचे 6000 आणि राज्याचे 6000 असे 12,000 रुपये प्रतिवर्ष मिळणार
1.15 कोटी शेतकरी कुटुंबांना लाभ
6900 कोटी रुपयांचा भार राज्य सरकार उचलणार

‘लेक लाडकी’ योजना

मुलींच्या सक्षमीकरणासाठी ‘लेक लाडकी’ योजना आता नव्या स्वरूपात
पिवळ्या आणि केशरी रेशनकार्डधारक कुटुंबांतील मुलींना लाभ
जन्मानंतर मुलीला 5000 रुपये
पहिलीत 4000 रुपये, सहावीत 6000 रुपये
अकरावीत 8000 रुपये
मुलगी 18 वर्षांची झाल्यावर 75,000 रुपये

महिलांना एसटी प्रवासात सरसकट 50 टक्के सुट

राज्य परिवहन महामंडळाच्या बससेवेत तिकिट दरात महिलांना 50 टक्के सवलत
चौथे सर्वसमावेशक महिला धोरण जाहीर करणार
महिला बचत गटांच्या माध्यमातून लातूर जिल्ह्यात बांबू क्लस्टर
कोल्हापूर जिल्ह्यात कोल्हापुरी चप्पल क्लस्टर
मुंबईत महिला युनिटी मॉलची स्थापना
महिला सुरक्षा, सुविधाजनक प्रवासासाठी महिला केंद्रीत पर्यटन धोरण
माता सुरक्षित तर घर सुरक्षित अभियानात 4 कोटी महिला-मुलींची आरोग्य तपासणी, औषधोपचार

आशा स्वयंसेविका, अंगणवाडी सेविकांच्या मानधनात भरीव वाढ