Maharashtra Breaking News LIVE Updates: महाराष्ट्रासह देशभरातील महत्त्वाच्या घडामोडी, वाचा एका क्लिकवर...
Maharashtra Breaking News Live Updates: देश-विदेशातील महत्त्वाच्या घडामोडी फक्त एका क्लिकवर...
Background
Maharashtra Breaking News Live Updates : राज्यासह देश-विदेशातील महत्त्वाच्या घडामोडी फक्त एका क्लिकवर...
मग युती कधी? उद्धव ठाकरेंसमोर मिलिंद नार्वेकरांची गुगली, मी सुद्धा या सुवर्णक्षणाची वाट पाहतोय, चंद्रकांत पाटील यांचा सिक्सर
भाजपचे (BJP) विले पार्ले विधानसभा मतदारसंघाचे आमदार पराग अळवणी (Parag Alavani) यांच्या मुलीच्या लग्नसोहळ्यादरम्यान माजी मुख्यमंत्री उद्धव ठाकरे (Uddhav Thackeray) आणि भाजपचे माजी प्रदेशाध्यक्ष राज्याचे उच्च व तंत्रशिक्षण मंत्री चंद्रकांत पाटील (Chandrakant Patil) यांच्यात भेट झाली. या भेटीदरम्यान काय घडलं हे समोर आलं आहे. विधानपरिषद आमदार मिलिंद नार्वेकर (Milind Narvkar) यांनी चंद्रकांत पाटील यांना मग युती कधी असा प्रश्न विचारला. यानंतर चंद्रकांत पाटील यांनी मी सुद्धा या सुवर्णक्षणाची वाट पाहतोय असं उत्तर दिलं. यावेळी उद्धव ठाकरे देखील तिथं उपस्थित होते.
अक्षय शिंदेच्या बोटांचे ठसे पावसात वाहून गेले, फॉरेन्सिक रिपोर्ट उघड करणाऱ्या शिंदे गटाच्या नेत्याला अक्षय शिंदेच्या वकिलांची नोटीस
बदलापूर लैंगिक अत्याचार प्रकरणातील आरोपी अक्षय शिंदे याच्या वकिलांनी शिंदे गटाचे मंत्री संजय शिरसाट आणि योगेश कदम यांना नोटीस पाठवल्याची माहिती समोर आली आहे. हे प्रकरण प्रकरण न्यायप्रविष्ट असताना अक्षय शिंदे (Akshay Shinde Encounter) संदर्भात केलेली वक्तव्य, तसेच फॉरेन्सिक अहवाल जाहीर केल्याचा नोटीसमधून आरोप करण्यात आला आहे. या नोटीसला दोन दिवसांत उत्तर न दिल्यास कायदेशीर कारवाई केली जाईल, असा इशारा दोन्ही नेत्यांना देण्यात आला आहे.
Nashik Crime : देशी बनावटीचे पिस्टल अन् जिवंत काडतुसे बाळगणाऱ्याला बेड्या; नाशिक पोलिसांची कारवाई
नाशिक : शहर पोलिसांच्या गुन्हे शाखा युनिट दोनने मोठी कारवाई केली आहे. विनापरवाना देशी बनावटीचे दोन पिस्टल आणि आठ जिवंत काडतूस बाळगणाऱ्या व्यक्तीला पोलिसांनी ताब्यात घेतले आहे. पोलिसांना मिळालेल्या गुप्त माहितीच्या आधारे सापळा रचून ही कारवाई करण्यात आली आहे. दरम्यान, पोलिसांनी ताब्यात घेतलेला संशयित आरोपी उपकरण चौधरी हा उत्तर प्रदेशातील आहे. त्याच्या ताब्यातून एक चारचाकी देखील हस्तगत केली असून एकूण तीन लाख आठ हजार रुपयांचा मध्यमाल ताब्यात घेतला आहे. अवैध शस्त्र बाळगणाऱ्या या इसमाविरोधात नाशिकच्या इंदिरानगर पोलीस ठाण्यात गुन्हा दाखल करण्यात आला आहे.
Buldhana News : मनसेच्या वाशिम जिल्हाध्यक्षांचा राजीनामा; पक्षांतर्गत कलहाचा आरोप
बुलढाणा : पक्षाच्या वरिष्ठांचे दुर्लक्ष, पक्षांतर्गत कलहाचा आरोप करत मनसेचे वाशिम जिल्हाध्यक्ष मनीष डांगे यांनी राजीनामा दिला आहे. सोबतच विधी विभाग, शेतकरी सेना, महिला सेना, विद्यार्थी सेना शहर, तालुका व जिल्ह्यातील पदाधिकारी व कार्यकर्त्यांसह राजीनामा देत आहे, असं पत्र मनीष डांगे यांनी दिले आहे.
महत्त्वाच्या बातम्या
