शेतकरी कर्जमाफी दोन टप्प्यात होणार : सूत्र

Background

आज दिवसभरात या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

राज्यातील आणि देशभरातील महत्त्वाच्या बातम्यांचा आढावा

1. जामिया विद्यापीठातल्या कारवाईविरोधात गल्लीपासून दिल्लीपर्यंत जनप्रक्षोभ, प्रियंका गांधींचा ठिय्या, ममत बॅनर्जींचा लाँग मार्च, मुंबईसह देशभरात विद्यार्थ्यांची आंदोलनं

2. नागपुरातल्या शिवसेना कार्यकर्ता मेळाव्यात मुख्यमंत्री उद्धव ठाकरेंकडून कर्जमाफीचे संकेत, युती तुटली तरी धर्मांतर केलं नसल्याचं म्हणत भाजपलाही चिमटे

3. स्वातंत्र्यवीर सावरकरांच्या मुद्यावरुन हिवाळी अधिवेशनाची वादळी सुरुवात, आक्रमक भाजपची घोषणाबाजी, मुख्यमंत्री उद्धव ठाकरेंना टोमणे

4. शिवस्मारकाच्या कामात भाजपने भ्रष्टाचार केल्याचा काँग्रेस राष्ट्रवादीचा गंभीर आरोप, तर निविदेची किंमत कमी करुनही घोटाळा कसा? चंद्रकांतदादांचा प्रतिसवाल

5. उन्नाव बलात्कारप्रकरणी भाजपचा निलंबित आमदार कुलदीप सेंगर दोषी, आज शिक्षा सुनावण्याची शक्यता, उशीरा आरोपपत्र दाखल करणाऱ्या अधिकाऱ्यांना फटकारलं

6. लष्करप्रमुख पदी मराठमोळ्या मनोज नरवणेंची नियुक्ती होणार, पीटीआयच्या हवाल्याचं वृत्त, 1 जानेवारीपासून नरवणे पदभार स्वीकारण्याची शक्यता

21:41 PM (IST)  •  17 Dec 2019

शेतकरी कर्जमाफी दोन टप्प्यात होणार आहे. पहिला टप्पा एक आर्थिक वर्ष संपायच्या आत मार्च 2020 च्या आधी आणि दुसरा टप्पा एप्रिल 2020 मध्ये होणार आहे. कर्जमाफीचा आढावा घेण्यातही सरकारने एक टीम नियुक्त केली. बँकांकडून सरकारने शेतकरी कर्जमाफी बाबत मागवली माहिती मागवली असून हे पथक नियमित आढावा घेत आहे, अशी माहिती सूत्रांनी दिली आहे.

19:11 PM (IST)  •  17 Dec 2019

महाविकासआघाडीच्या मंत्रीमंडळाचा विस्तार जानेवारीत करा, अजित पवार यांची मागणी

21:32 PM (IST)  •  17 Dec 2019

घाटकोपर पूर्व येथील राजावाडी रुग्णालय जवळ असलेल्या श्रीजी टॉवर या तेरा मजली इमारतीच्या पाचव्या मजल्यावर संध्याकाळी साडेपाच वाजताच्या दरम्यान भीषण आग लागली. या आगीत कोणतीही जीवितहानी झाली नसली तरी लाखो रुपयांचे घरातील साहित्य जळून खाक झाले. घटनेची माहिती अग्निशमन दलाला मिळताच पाच अग्निशामक गाड्या, स्वयंचलित शिडी घटनास्थळी दाखल झाले. परंतु अतिउत्साही लोकप्रतिनिधीनमुळे या ठिकाणी अग्निशमन दलाच्या जवानांना मोठा त्रासाला सामोरे जावे लागत होते.तर इमारतीची अग्निशमन यंत्रणा हि काम करीत नसल्याचे समोर आले . मात्र अग्निशमन दलाच्या जवानांनी दोन तासाच्या अथक प्रयत्नानंतर आगीवर नियंत्रण मिळवले. तर 15 महिला आणि पाच पुरुष यांना अग्निशमन डाळ आणि पोलिसांनी सुरक्षित बाहेर काढले.

19:07 PM (IST)  •  17 Dec 2019

राष्ट्रवादी काँग्रसचे अध्यक्ष शरद पवार नागपुरात; राष्ट्रवादीच्या आमदारांना भेटून करणार चर्चा - सुत्र

17:26 PM (IST)  •  17 Dec 2019

यावर्षी साखरेची उच्चांकी निर्यात; 50 लाख टनांचं उदिष्ट गाठण्याची शक्यता