पावसामुळे चालकाचे नियंत्रण सुटले, क्रुझर पलटी, चौघांचा मृत्यू, 10 जखमी

Jalgaon Pachora Accident : जळगाव जिल्ह्यात पाचोऱ्यात क्रूझर पलटी होऊन झालेल्या अपघातमध्ये चार जणांचा जागीच मृत्यू झाला तर दहा जण जखमी झाल्याची घटना घडली आहे.

jalgaon_accident

जळगाव :  Jalgaon Pachora Accident : जळगाव जिल्ह्यात पाचोऱ्यात क्रूझर पलटी होऊन झालेल्या अपघातमध्ये चार जणांचा जागीच मृत्यू झाला तर दहा जण जखमी झाल्याची घटना घडली आहे. पावसामुळे चालकाचे गाडीवरील नियंत्रण सुटल्याने भरधाव वेगात जाणारी क्रुझर गाडी पलटी झाली. या दुर्घटनेत त्यात चौघांचा जागीच मृत्यू झाला. तर दहा जण जखमी झाल्याची घटना जळगाव जिल्ह्यातील चाळीसगाव तालुक्यातील हिरापूर गावाजवळ नांदगाव रस्त्यावर घडली आहे. काल रात्रीच्या सुमारास ही भीषण घटना घडली. 

पाचोरा तालुक्यातील डोंगरगाव येथील काही मजूर नांदगावकडे जात असताना चाळीसगाव तालुक्यात असलेल्या हिरापूर गावाजवळ क्रुझर गाडी पलटी झाली. त्यात चौघा मजूरांचा जागीच मृत्यू झाला, तर दहा जण जखमी झाले. जखमींवर चाळीसगाव सरकारी रुग्णालयात उपचार सुरू करण्यात आले आहेत. यातील तिघांची प्रकृती चिंताजनक असल्याने मृतांचा आकडा वाढण्याची शक्यता वर्तविली जात आहे.

जिल्ह्यात अवकाळी पासून सुरू आहे. या पावसात भरधाव वेगात जात असलेल्या क्रुझर गाडीवरील चालकाचे नियंत्रण सुटल्याने गाडी पलटी झाली. यातील चार जण गाडी खाली दबले गेल्याने त्यांचा जागीच मृत्यू झाला. तर काही जण गाडीत अडकून पडले होते. त्यांना परिसरातील नागरिकांनी मदतीला धावून येत रुग्णालयात भरती केले. त्यातील चार ते पाच जण गंभीररित्या जखमी आहेत. त्यांच्यावर चाळीसगाव ग्रामीण रुग्णालयात उपचार सुरू आहेत. एकाच गावातील या मजूरांचा मृत्यू झाल्याने पाचोरा तालुक्यातील डोंगरगाव परिसरात शोककळा पसरली आहे.

पाऊस व अंधार असल्यामुळे मदतकार्याला अडथळा निर्माण झाला होता. चाळीसगावचे आमदार मंगेश चव्हाण यांच्यासह काही नागरिकांनी तातडीने मदत करून रुग्णांना रुग्णालयात दाखल केले. या घटनेबाबत रात्री उशिरापर्यंत चाळीसगाव पोलीस स्टेशनला कुठल्याही प्रकारची नोंद नव्हती.  माहितीनुसार क्रूझर गाडीमध्ये एकूण 14 प्रवासी हे मजूर होते. ते एम.एच १३ ए.सी. ५६०४ या चारचाकीने मनमाडला गेले होते. तेथून परतत असताना चाळीसगाव तालुक्यातील हिरापूरजवळ त्यांची चारचाकी पलटी झाल्याने हा अपघात झाला.