Indurikar Maharaj Daughter Engagement: दुसऱ्यांना अक्कल शिकवणाऱ्या इंदुरीकर महाराजांकडून लेकीच्या साखरपुड्यावर लाखोंची उधळपट्टी; डबेवाला संघटनेच्या अध्यक्षांचा घणाघात
Indurikar Maharaj Daughter Engagement: मुंबई डबेवाला संघटनेचे अध्यक्ष सुभाष तळेकर यांनी इंदुरीकर महाराजांवर जोरदार टीका केली आहे.
Indurikar Maharaj Daughter Engagement: आपल्या नर्मविनोदी आणि थेट शैलीतून समाजातील विविध प्रश्नांवर प्रबोधन करणारे प्रसिद्ध कीर्तनकार निवृत्ती महाराज इंदुरीकर (Indurikar Maharaj) हे सध्या त्यांच्या कन्येच्या साखरपुड्याच्या सोहळ्यामुळे चर्चेत आले आहेत. ज्ञानेश्वरी आणि साहिल यांचा साखरपुडा नुकताच संगमनेर (Sangamner) येथील वसंत लॉन्स येथे मोठ्या थाटामाटात पार पडला. या सोहळ्याचे व्हिडिओ आणि छायाचित्रे समाज माध्यमांवर प्रचंड व्हायरल होत असून, यावरून समाजातील विविध स्तरांतून प्रतिक्रिया उमटत आहेत.
या पार्श्वभूमीवर मुंबई डबेवाला संघटनेचे (Mumbai Dabewala Sanghatana) अध्यक्ष सुभाष तळेकर (Subhash Talekar) यांनी इंदुरीकर महाराजांवर तीव्र टीका केली आहे. “दुसऱ्यांना अक्कल शिकवणारे इंदुरीकर महाराज आपल्या मुलीच्या साखरपुड्यासाठी लाखो रुपयांचा खर्च करतात, असे तळेकर यांनी स्पष्ट शब्दांत म्हटले.
Indurikar Maharaj Daughter Engagement: तर त्यांनी खऱ्या अर्थाने आदर्श निर्माण केला असता
तळेकर पुढे म्हणाले, “इंदुरीकर महाराज कीर्तनातून लोकांना नेहमी सांगतात की मुलांची लग्नं व साखरपुडे साध्या पद्धतीने करा, कर्ज काढू नका, अनाठायी खर्च टाळा. पण त्यांनी स्वतःच जर अशा थाटामाटात साखरपुडा केला, तर ते समाजासमोर चुकीचा संदेश देणारे आहे. ‘बोले तैसा चाले त्याची वंदावी पाऊले’ या म्हणीप्रमाणे वागले असते, तर त्यांनी खऱ्या अर्थाने आदर्श निर्माण केला असता.”
Indurikar Maharaj Daughter Engagement: तर लग्नसमारंभात करोडो रुपयांची उधळपट्टी होईल
जर साखरपुड्यातच एवढा खर्च झाला असेल, तर लग्नसमारंभात नक्कीच करोडो रुपयांची उधळपट्टी होईल. समाजाला कीर्तनातून उपदेश करताना आपण एक बोलता परंतु त्याचा जीवनात अवलंब करत नाही, याचा खेद वारकरी सांप्रदायाला आहे. निवृत्ती महाराज जसे उपदेश करतात तसे जर वागले असते तर सांप्रदायाला नक्कीच अभिमान वाटला असता, असेही सुभाष तळेकर म्हणाले.
Indurikar Maharaj Daughter Engagement: इंदुरीकर महाराजांचे प्रबोधनकार्य
अहिल्यानगर जिल्ह्यातील संगमनेर तालुक्यातील मूळ रहिवासी असलेले कीर्तनकार निवृत्ती महाराज इंदुरीकर देशमुख हे गेल्या दोन दशकांपासून कीर्तनाच्या माध्यमातून समाजप्रबोधनाचे कार्य करत आहेत. समाजातील वाईट रूढी-परंपरा, व्यसनाधीनता, अंधश्रद्धा, तसेच युवकांमधील गुन्हेगारी वृत्तीवर ते नेहमीच प्रखर शब्दांत प्रहार करतात. त्यांच्या कीर्तनांतील विनोदी शैली आणि थेट भाष्य यामुळे ते महाराष्ट्रभर लोकप्रिय आहेत. तथापि, त्यांच्या काही विधानांवरून वेळोवेळी वाद उद्भवले असून, यावेळी त्यांच्या वैयक्तिक आयुष्यातील सोहळ्यामुळे पुन्हा एकदा ते चर्चेच्या केंद्रस्थानी आले आहेत.
राज्य आणि देश-विदेशातील महत्त्वाच्या बातम्या; पाहा व्हिडीओ
आणखी वाचा
इंदुरीकर महाराजांच्या लेकीचा राजेशाही थाटात साखरपुडा, व्हिडिओ व्हायरल; काय करतो होणारा जावई?
महत्त्वाच्या बातम्या
