धक्कादायक! बारावीचा पेपर अवघड गेल्यानं विद्यार्थिनीने उचललं टोकाचं पाऊल, विहिरीत उडी घेत संपवलं जीवन, हिंगोलीत हळहळ
हिंगोली जिल्ह्यात एक धक्कादाक घटना घडली आहे. बारावीच्या परीक्षेचा पेपर अवघड गेल्याने विद्यार्थिनीने टोकाचं पाऊल उचलल्याची घटना घडली आहे.
Hingoli News : हिंगोली जिल्ह्यात एक धक्कादाक घटना घडली आहे. बारावीच्या परीक्षेचा पेपर अवघड गेल्याने विद्यार्थिनीने टोकाचं पाऊल उचलल्याची घटना घडली आहे. विद्यार्थिनीने विहिरीत उडी घेत आपलं जीवन संपवलं आहे. ही घटना हिंगोलीच्या सुलदरी (खु) गावात घडली आहे. रेणुका गोरे असं आत्महत्या केलेल्या बारावीत शिकणाऱ्या विद्यार्थ्यांचे नाव आहे.
बारावीचे पेपर अवघड जात असल्याने रेणुकाने संपलं जीवन
हिंगोली जिल्ह्यातून एक धक्कादायक घटना समोर आली आहे. बारावीच्या परीक्षेचा पेपर अवघड गेल्याने नैराश्यातून एका विद्यार्थिनी विहिरीत उडी घेऊन आत्महत्या केल्याची घटना घडली आहे. सेनगाव तालुक्यातील सुलदरी गावामध्ये ही घटना घडली असून रेणुका गोरे असं आत्महत्या केलेल्या बारावीत शिकणाऱ्या विद्यार्थ्यांचे नाव आहे. हिंगोली जिल्ह्यातील सुलदरी(खू) गावामध्ये राहणारी रेणुका गोरे ही मुलगी बारावी सायन्स मध्ये शिक्षण घेत होती. दरम्यान, आता बारावीच्या परीक्षा सुरू असून बारावीचे पेपर अवघड जात असल्याने रेणुका ने विहिरीत उडी घेत आत्महत्या केली आहे.
सेनगाव पोलिसांमध्ये अकस्मात मृत्यूची नोंद
ही घटना 26 फेब्रुवारी रोजी उघडकीस आली असून रेणुका गोरे हिचा मृतदेह शेत शिवारातील एका विहिरीमध्ये नागरिकांना आढळून आला. याप्रकरणी रेणुकाचे वडील नागोराव गोरे यांनी दिलेल्या माहितीवरून सेनगाव पोलिसांमध्ये अकस्मात मृत्यूची नोंद करण्यात आलेली आहे.
नांदेडमध्ये वैद्यकीय शिक्षण घेणाऱ्या युवतीने संपवलं जीवन
नांदेड जिल्ह्यातही धक्कादाय घटना घडली आहे. महाविद्यालयात वैद्यकीय शिक्षण घेणाऱ्या युवतीने वसतिगृहातच गळफास घेऊन जीवन संपवल्याची धक्कादायक घटना घडलीय. शुक्रवारी दुपारी हडको परिसरात ही घटना घडली. या घटनेनंतर शहरात खळबळ उडाली असून मुलीच्या पालकांनी राष्ट्रवादी काँग्रेसच्या नेत्यावर गंभीर आरोप केले आहेत. त्यानंतर, नांदेड ग्रामीण पोलीस स्टेशनमध्ये अखेर राष्ट्रवादी काँग्रेसच अजित पवार पक्षाचे नेते तथा महापालिका माजी विरोधी पक्ष नेता जीवन घोगरे (NCP) यांच्याविरुद्ध गुन्हा दाखल (Nanded) करण्यात आला आहे. जीवन घोगरे यांच्याविरोधात आत्महतेस प्रवृत्त केले आणि ॲट्रॉसिटी ॲक्टनुसार त्यांच्यावर गुन्हा दाखल करण्यात आला आहे.
नांदेडमध्ये होमिओपॅथीचे शिक्षण घेणाऱ्या एका 25 वर्षे विद्यार्थीनीने वसतिगृहात आत्महत्या केल्याची घटना घडली. त्यानंतर, मुलीच्या पालकांनी आणि नातेवाईकांनी जीवन घोगरे यांनीच संबंधित विद्यार्थीनीस आत्महत्येसाठी प्रवृत्त केल्याचा आरोप करत पोलिसांत तक्रार दिली. त्यानुसार, दाखल केलेल्या फिर्यादीतही जीवन घोगरे यांने नाव घेतले आहे. मुलीच्या वडिलांनी दिलेल्या जबाबानुसार हा गुन्हा दाखल करण्यात आला आहे. जीवन घोगरे यांच्या वसतिगृहामध्ये आकांक्षा गायकवाड ही विद्यार्थिनी राहत होती, गेल्या 8 ते 10 महिन्यांपासून त्यांना फीस भरा म्हणून जीवन घोगरे त्रास देत होते. त्यामुळेच, माझ्या मुलीने गळफास घेऊन आत्महत्या केल्याची तक्रार मुलीचे वडील मुंजाजी गायकवाड यांनी केली आहे.
महत्त्वाच्या बातम्या
