गणेश नाईकांच्या वनखात्याचा एकनाथ शिंदेंच्या ड्रीम प्रोजेक्टला धक्का, मुनावळे जल पर्यटन प्रकल्पाचे काम थांबवण्याचे आदेश
Eknath Shinde : उपमुख्यमंत्री एकनाथ शिंदे (Deputy Chief Minister Eknath Shinde) यांच्या ड्रीम प्रोजेक्टचे काम थांबवण्याचे आदेश देण्यात आले आहेत.
Eknath Shinde : उपमुख्यमंत्री एकनाथ शिंदे (Deputy Chief Minister Eknath Shinde) यांच्या ड्रीम प्रोजेक्टचे काम थांबवण्याचे आदेश देण्यात आले आहेत. सातारा (Satara) जिल्ह्यातील मुनावळे इथं आंतरराष्ट्रीय दर्जाचे जल पर्यटन प्रकल्पाचे (Water Tourism Project) काम सुरु होते. मात्र, हे काम थांबवण्याचे आदेश देण्यात आले आहेत. सुशांत मोरे (Sushant More) यांनी याबाबत आंदोलन केलं होतं. 16 परवानग्या मिळाल्या नसल्याने मुनावळे येथील उपमुख्यमंत्र्यांच्या ड्रीम प्रोजेक्टचे काम सुरु करता येणार नाही असे लेखी आदेश मुख्य वनरक्षक महाराष्ट्र राज्य यांनी दिले आहेत.
मागील वर्षी 8 मार्चमध्ये उपमुख्यमंत्री एकनाथ शिंदे मुख्यमंत्री असताना त्यांच्या ड्रीम प्रोजेक्टचे मुनावळे येथे जलपर्यटन प्रकल्पाचे उद्घाटन करण्यात आले. ग्रामीण भागात पर्यटन व्यवसायाला चालना देण्यासाठी राज्य शासनाने मुनावळे येथे आंतरराष्ट्रीय दर्जाचा जल पर्यटन प्रकल्प विकसित करण्याचे काम सुरू केले. मुनावळे हे ठिकाण केंद्रीय वन पर्यावरण मंत्रालयाने माननीय सर्वोच्च न्यायालयाच्या आदेशाप्रमाणे पर्यावरण व जैवविविधतेच्या संरक्षणासाठी इकोसिन्सिव्ह झोन म्हणून जाहीर केला या ठिकाणी कोणतेही पर्यटन प्रकल्प राबवताना वन पर्यावरण आणि हवामान बदल मंत्रालय भारत सरकार, केंद्रीय वन्यजीव मंडळ, राज्य वन्यजीव मंडळ, स्थानिक सल्लागार समिती सह्याद्री व्याघ्र राखीव, महाराष्ट्र रस्ते विकास महामंडळ, महाराष्ट्र प्रदूषण नियंत्रण मंडळ, कोयना जलसंपदा विभाग, स्थानिक ग्रामपंचायत या प्राधिकरणांच्या 16 ना-हरकत परवानग्या मिळवणे गरजेचे असताना सद्य:स्थितीत कोणत्याही विभागाची परवानगी मिळाली नसल्याचे उघड झाले आहे. त्यामुळे न हरकत प्रमाणपत्र प्राप्त झाल्याशिवाय पर्यटन प्रकल्पातील कामे सुरू करू नये असे लेखी आदेश मुख्य वनरक्षक महाराष्ट्र राज्य यांनी दिले आहेत यामुळे उपमुख्यमंत्री एकनाथ शिंदे यांचा ड्रीम प्रोजेक्ट थांबवण्याचे आदेश देण्यात आले आहेत.
कोयना धरणातील शिवसागर जलाशयात मुनावळे येथे जलपर्यटनाच्या प्रकल्पाचे तत्कालीन मुख्यमंत्री एकनाथ शिंदे यांच्या हस्ते शुभारंभ करण्यात आला होता. गोड्या पाण्यातील हा देशातला पहिलाच जल पर्यटन प्रकल्प आहे. याच्या उदघाटनावेळी एकनाथ शिंदे यांनी या प्रकल्पामुळं स्थानिकांना कसा फायदा होईल हे सांगितलं होते. स्थानिक तरुणांना रोजगार तयार होणार असून कामासाठी शहरात गेलेला स्थानिक माणुस या प्रकल्पामुळं परत येईल असं सांगून महाबळेश्वर मध्ये येणाऱ्या पर्यटकांना आता याचा दुहेरी लाभ होईल असं ते म्हणाले होते. .
महत्वाच्या बातम्या:
Eknath Shinde: आम्ही दिलेलं आश्वासन आम्ही पूर्ण करु, कर्जमाफीच्या अजित पवारांच्या वक्तव्यानंतर एकनाथ शिंदेंनी जाहीर केली भूमिका
महत्त्वाच्या बातम्या
