Sanjay Raut : संजय राऊत यांना अटक होण्याची शक्यता - उद्धव ठाकरे

ED Raid On Sanjay Raut : शिवसेना खासदार संजय राऊत यांना अटक होण्याची शक्यता असल्याचं स्वत: उद्धव ठाकरे यांनी सांगितलं आहे.

Sanjay Raut

Sanjay Raut : शिवसेना खासदार संजय राऊत यांना अटक होण्याची शक्यता असल्याचं स्वत: उद्धव ठाकरे यांनी सांगितलं आहे. रविवारी सकाळपासून संजय राऊत यांच्या घरी ईडी तळ ठोकून आहे. आठ ते दहा तासांपासून संजय राऊत यांची चौकशी सुरु आहे. संजय राऊत यांच्या ईडी चौकशीवर शिवसेना पक्षप्रमुख उद्धव ठाकरे यांनी प्रतिक्रिया दिली आहे. संजय राऊत यांना अटक होण्याची शक्यता त्यांनी वर्तवली आहे. राजन विचारे यांच्या नेतृत्वात ठाणे येथून शेकडो शिवसैनिक उद्धव ठाकरे यांना भेटायला मातोश्रीवर आले होते, यावेळी उद्धव ठाकरे बोलत होते. यावेळी त्यांनी संजय राऊत यांना अटक होण्याची शक्यता असल्याचं सांगितलं. 

आज संजय राऊत यांना अटक होण्याची शक्यता आहे. आज त्यांनी रोखठोख लिहिलेलं आहे. त्यामध्ये त्यांनी काही प्रश्न उपस्थित केले आहेत. पण हे सर्व कारस्थान निर्लज्जपणाचा कळस सुरु आहे. लाज, लज्जा, शरम सोडून हे कारस्थान सुरु आहे, असा टीकेचा बाण उद्धव ठाकरे यांनी सोडलाय. शिवसेना नेते खासदार संजय राऊत यांच्या घरी आज सकाळीच ईडीचे ( ED ) पथक दाखल झाले आहे. पत्राचाळ प्रकरणी (Patra Chawl case) संजय राऊत यांची चौकशी सुरू असल्याची माहिती आहे. या कारवाईमुळे मोठ्या संख्येने शिवसैनिक शिवसेना पक्षप्रमुख उद्धव ठाकरे यांच्या मातोश्री या निवास्थानाबाहेर जमा झाले आहेत. सकाळपासूनच शिवसैनिक मातोश्रीबाहेर ठिय्या मांडून आहेत. 

सकाळपासून नेमकं काय झालं?

रविवारी सकाळी सात वाजता दादरमधील गार्डन कोर्ट इमारतीतील संजय राऊत यांच्या फ्लॅटमध्ये ईडीचे अधिकारी दाखल झाले. 

सकाळी 7.15 वाजता ईडीचे पथक संजय राऊत यांच्या भांडुपच्या घरी दाखल झाले. यावेळी संजय   राऊत आणि त्यांचे बंधू सुनिल राऊत घरीच होते. 

सकाळी 8.20 वाजता सुनिल राऊत खिडकीत आले. 

सकाळी 8.40 वाजता शिवसेनेचे कार्यकर्ते संजयर राऊतांच्या घराबाहेर जमले आणि राऊतांच्या समर्थनात घोषणाबाजी केली. 

सकाळी 8.46 ते 8.50 दरम्यान राऊतांचे चार ट्विट, शिवसेना सोडणार नाही, कोणत्याही घोटाळ्याशी काडीमात्र संबंध नाही, खोटी कारवाई, खोटे पुरावे, मी शिवसेना सोडणार नाही असे चार ट्विट संजय राऊत यांकी केले.  

सकाळी नऊ वाजता शिंदे गटाचे नेते संजय शिरसाठ यांची प्रतिक्रीया आली. राऊतांच्या भोंग्यामुळे शिवसेना फुटली, राऊतांच्या आजच अटकेची शक्यता, शिरसाठ यांची प्रतिक्रीया. 

सकाळी 9.30 वाजता संजय राऊतांच्या घरी डीसीपी प्रशांत कदम सुरक्षेचा आढावा घेण्यासाठी पोहोचले. 

सकाळी 10.28 वाजता संजय राऊतांचे वकील विक्रांत साबणे पोहोचले. 

सकाळी 11.07 वाजता स्वत: संजय राऊत घराच्या खिडकीत आले आणि कार्यकर्त्यांना अभिवादन केलं. 

सकाळी 11.25 वाजता आढावा बैठकीसाठी जाताना मुख्यमंत्र्यांनी राऊतांच्या कारवाईवर पहिली प्रतिक्रीया दिली. 

दुपारी एक वाजता औरंगाबादमध्ये आढावा बैठकीनंतर मुख्यमंत्र्यांनी पत्रकार परिषद घेतली. कर नाही तर डर कशाला अशी राऊतांच्या कारवाईवर मुख्यमंत्र्यांनी प्रतिक्रिया दिली. 

दुपारी 1.30 वाजता राजन विचारे दहा बसेस भरून ठाण्यातील शिवसैनिकांना घेऊन मातोश्रीवर दाखल झाले.