राज्यात दुष्काळ जाहीर, मात्र अंमलबजावणीच्या नावानं बोंबाबोंब

जमीन महसुलात सूट, शेती निगडीत कर्जाच्या वसुलीत स्थगिती, कृषी पंपाच्या चालू बिलामध्ये 33 टक्के यांसारख्या सवलती राज्यातील दुष्काळी पट्ट्यात कुठेच राबवलं जात नसल्याचं समोर येत आहे.

मुंबई : राज्य सरकारनं 31 ऑक्टोबरला राज्यातल्या 151 तालुक्यांत दुष्काळ जाहीर केला आहे. मात्र लोकप्रिय घोषणांच्या गदारोळात सरकार दुष्काळी पट्ट्याकडे दुर्लक्ष करत असल्याचं समोर येत आहे. कारण राज्यात दुष्काळ जाहीर झाला, मात्र त्याची अंमलबजावणी कुठेच होताना दिसत नाही.

जमीन महसुलात सूट, शेती निगडीत कर्जाच्या वसुलीत स्थगिती, कृषी पंपाच्या चालू बिलामध्ये 33 टक्के यांसारख्या सवलती राज्यातील दुष्काळी पट्ट्यात कुठेच राबवलं जात नसल्याचं समोर येत आहे.

याच मुद्द्यावरून विरोधकांनी आता सरकारला धारेवर धरण्यास सुरुवात केली आहे.

दुष्काळी भागांसाठी सवलती - जमीन महसूलातून सूट, सहकारी कर्जाचे पुनर्गठन - शेती निगडीत कर्जाच्या वसुलीस स्थगिती - कृषी पंपाच्या चालू बिलामध्ये 33.5 टक्के सूट - शालेय, महाविद्यालयीन विद्यार्थ्यांच्या परीक्षा शुल्कात माफी - रोहयोअंतर्गत कामाच्या निकषात काही प्रमाणात शिथिलता - आवश्यक तेथे पिण्याचे पाणी पुरविण्यासाठी टँकरचा वापर - टंचाई जाहीर केलेल्या गावांमध्ये शेतकऱ्यांच्या शेती पंपाची वीज जोडणी खंडित करू नये - चारा उपलब्ध आहे का? याचा आढावा घेणे चारा उपलब्ध नसेल तर जनावरांसाठी चारा उपलब्ध करून देणे किंवा चारा तगाई देणे

राज्यातील 26 जिल्ह्यांमधल्या 151 तालुक्यांमध्ये राज्य सरकारकडून दुष्काळ जाहीर करण्यात आला आहे. 112 तालुक्यांमध्ये गंभीर स्वरुपाचा, तर 39 तालुक्यांत मध्यम स्वरुपाचा दुष्काळ जाहीर झाला आहे.

गंभीर स्वरुपाचा दुष्काळ जाहीर झालेले तालुके (112) सांगली (5) : जत, कवठेमहांकाळ, खानापूर-विटा, आटपाडी, तासगांव सातारा (1) : माण-दहीवडी सोलापूर (9) : करमाळा, माढा, माळशिरस, मंगळवेढे, पंढरपूर, सांगोले, अक्कलकोट, मोहोळ, दक्षिण सोलापूर पालघर (3) : पालघर, तलासरी, विक्रमगड धुळे (2) : धुळे, सिंदखेडे जळगाव (13) : अमळनेर, भडगांव, भुसावळ, बोदवड, चाळीसगाव, चोपडा, जळगाव, जामनेर, मुक्ताईनगर, पाचोरा, पारोळा, रावेर, यावल नंदुरबार (3) : नंदुरबार, नवापूर, शहादा नाशिक (4) :  बागलान, मालेगांव, नांदगांव, सिन्नर अहमदनगर (11) : कर्जत, अहमदनगर, नेवासा, पारनेर, पाथर्डी, रहाता, रोहुरी, संगमनेर, शेवगाव, श्रीगोंदा, जामखेड औरंगाबाद (9) : औरंगाबाद, गंगापूर, खुलताबाद, पैठण, फुलंब्री, सिल्लोड,सोयगाव, वैजापूर, कन्नड बीड (11) :  आष्टी, बीड, धारुर, गेवराई, माजलगाव, शिरुर (कासार), वडवणी, केज, आंबेजोगाई, परळी, पाटोदा, जालना (7) : अंबड, बदनापूर, भोकरदन, घनसांगवी, जाफ्राबाद, जालना, परतूर नांदेड (2) : मुखेड, देगलूर उस्मानाबाद (7) : लोहारा, कळंब, उस्मानाबाद, परांडा, तुळजापूर, वाशी, भूम परभणी (6) : मनवथ, पाथरी, सोनपेठ, पालम, परभणी, सेलू हिंगोली (2) :  हिंगोली, सेनगाव अमरावती (1) : मोर्शी बुलडाणा (7) : खामगाव, लोणार, नांदुरा, संग्रामपूर, शेगाव, मलकापूर, सिंदखेड राजा यवतमाळ (6) :  बाभुळगाव, दारव्हा, कळंब, महागाव, उमरखेड, राळेगाव चंद्रपूर (1) : चिमूर नागपूर (2) : काटोल, कळमेश्वर मध्यम स्वरुपाचा दुष्काळ जाहीर झालेले तालुके (39) पुणे (7) - आंबेगाव, पुरंदर, सासवड, वेल्हे, बारामती, दौंड, इंदापूर, शिरुर-घोडनंदी सातारा (2) - कोरेगांव, फलटण धुळे (1) - शिरपूर नंदुरबार (1) - तळोदे नाशिक (4) - देवळा, इगतपुरी, नाशिक, चांदवड नांदेड (1) - उमरी हिंगोली (1) - कळमनुरी लातूर (1) - शिरुर अनंतपाळ अकोला (5) - बाळापूर, बार्शिटाकळी, मुर्तिजापूर, तेल्हारा, अकोला अमरावती (4) - अचलपूर, चिखलदरा, वरुड, अंजनगांव सुर्जी बुलडाणा (1) - मोताळा वाशिम (1) - रिसोड यवतमाळ (3) - केलापूर, मारेगांव, यवतमाळ चंद्रपूर (4) - ब्रम्हपुरी, नागभिर, राजुरा, सिंदेवाही नागपूर (1) - नरखेड वर्धा (2) - आष्टी, कारंजा