Devendra Fadnavis : विशेष सरकारी वकील प्रवीण चव्हाणांबद्दल लवकरच गौप्यस्फोट करणार, फडणवीसांचे आव्हान

Devendra Fadnavis : फडणवीस सरकारी वकील प्रवीण चव्हाणांबद्दल लवकरच गौप्यस्फोट करणार असल्याचे सांगितले आहे.

devendra fadnavis pravin chavan

Devendra Fandnavis : गिरीश महाजनांवर (Girish Mahajan) ज्या प्रकरणात गुन्हा नोंद आहे. त्या प्रकरणातील विशेष सरकारी वकील प्रवीण चव्हाण यांचे स्टिंग ऑपरेशनच्या माध्यमातून रेकॉर्ड केलेले व्हिडीओ देवेंद्र फडणवीस यांनी विधानसभेत समोर आणले.  प्रवीण चव्हाण हे गिरीश महाजन यांना बनावट गुन्हात अडकवण्याचा प्रयत्न करत असल्याचा आरोप देवेंद्र फडणवीस विधिमंडळात यांनी केला. यानंतर विशेष सरकारी वकील प्रवीण चव्हाण यांनी त्यांची बाजू एबीपी माझावर मांडली. त्यावर आज फडणवीसांनी पत्रकार परिषद घेतली. ज्यामध्ये ते सरकारी वकील प्रवीण चव्हाणांबद्दल लवकरच गौप्यस्फोट करणार असल्याचे सांगितले आहे. 

सरकारी वकील प्रवीण चव्हाणांबद्दल लवकरच गौप्यस्फोट करणार

विशेष सरकारी वकील प्रवीण चव्हाण यांनी विरोधी पक्षनेते देवेंद्र फडणवीस यांनी विधानसभेत केलेले आरोप फेटाळून लावले. या व्हिडीओंमागे देखील जळगाव कनेक्शन असल्याचं म्हटलं आहे. प्रवीण चव्हाणांच्या आरोपांवर फडणवीसांनी प्रत्युत्तर दिलंय. एवढे दिवस प्रवीण चव्हाण कुठे होते? असा फडणवीसांनी सवाल केलाय. विशेष सरकारी वकील प्रवीण चव्हाणांबद्दल लवकरच गौप्यस्फोट करणार असल्याचे फडणवीस यावेळी म्हणाले. प्राप्त झालेल्या तक्रारीची खातरजामा करून माहिती देईन असं सांगत प्रवीण चव्हाणांनी एबीपी माझाला दिलेल्या मुलाखतीवर फडणवीसांनी उत्तर दिलंय. तसेच प्राप्त झालेल्या तक्रारीची खातरजमा करून माहिती देईन. क्लिप खोट्या ठरवण्याचा कितीही प्रयत्व केला तरी आम्ही पूर्ण तयारी केलीय. असे उत्तर फडणवीसांनी दिले आहे.

माझ्या माहितीचे स्रोत कुणीही मला विचारू शकत नाही,

पत्रकार परिषदेत फडणवीस म्हणाले, विरोधी पक्ष नेत्याच्या अधिकारातून सत्ताधाऱ्यांचे घोटाळे मी बाहेर काढू शकतो आणि माझ्या माहितीचे स्रोत कुणीही मला विचारू शकत नाही, असा नियम आहे. मात्र तरीही महाविकास आघाडी सरकारच्या गृहमंत्रालयातील महाघोटाळ्यासंदर्भात मला चौकशीसाठी बोलावण्यात आले आहे. मी पोलिसांना पूर्ण सहकार्य करणार आहे. उद्या बीकेसी येथील पोलीसांसमोर मी हजर होईन, त्यांच्या प्रश्नांना योग्य ती उत्तरे देईन, असे आश्वासन विरोधी पक्ष नेते देवेंद्र फडणवीस (Devendra Fadanvis) यांनी दिले आहे. 

स्टिंग ऑपरेशनमधील जळगाव कनेक्शन उघड -  प्रवीण चव्हाण

चव्हाण यांनी म्हटलं आहे की, फडणवीसांनी पुढे आणलेल्या व्हिडीओमध्ये वाक्यांची मोडतोड करण्यात आली असून सर्व रेकॉर्डिंग समोर येण्याची गरज आहे, असं प्रवीण चव्हाण यांनी म्हटलं आहे. त्याचबरोबर मूळचा जळगावचा असलेला तेजस मोरे नावाचा तरुण अशील म्हणून आपल्याकडे आला आणि त्याने हे स्टिंग ऑपरेशन केलं आहे. यातून या स्टिंग ऑपरेशनमधील जळगाव कनेक्शन उघड होतं आहे, असंही प्रवीण चव्हाण म्हणालेत.  प्रवीण चव्हाण यांनी म्हटलं की, या प्रकरणात पुरावे आहेत म्हणून कारवाई होतेय.  माझे रेकॉर्डिंग मॅनिप्युलेट करुन वापरण्यात आलं आहे. व्हिडीओ आणि ऑडिओ वेगळे आहेत.  वाक्ये अर्धवट वापरण्यात आली आहेत. माझ्या ऑफिसात अशील म्हणून येणाऱ्या तेजस मोरेने हे स्टिंग ऑपरेशन केले आहे. त्यासाठी त्याने समोरच्या काचेच्या भिंतीवर लावायला घड्याळ भेट दिले आणि त्यात छुपा कॅमेरा बसवला. असे प्रवीण चव्हाण म्हणाले होते.

या प्रकरणाची चौकशी व्हायला हवी

चव्हाण यांनी म्हटलं की, तेजस मोरे हा तुरुंगात होता आणि जामिन मिळवण्यासाठी माझ्याकडे येत होता.  तेजस मोरे हा मूळचा जळगावचा आहे आणि जळगावमधूनच हे सर्व करण्यात आलंय. तेजस मोरेला अनेकांची साथ आहे. मी चालवत असलेल्या केसेसमधे जे आरोपी तुरुंगात आहेत त्यांचीही त्याला साथ आहे.  मी कुणाचेही नाव घेतलेले नाही. या प्रकरणाची चौकशी व्हायला हवी, असं देखील प्रवीण चव्हाण यांनी एबीपी माझाशी बोलताना म्हटलं होतं.