Coronavirus UPDATES | खासगी कार्यालयांमध्ये 'वर्क फ्रॉम होम' बंधनकारक, राज्य सरकारचे आदेश

Background

पुणे : पिंपरी-चिंचवडमध्ये आणखी एकाला कोरोना व्हायरसची लागण झाली आहे. त्यामुळे एकट्या पुणे जिल्ह्यातील कोरोनाग्रस्तांची संख्या 16 वर पोहोचली आहे, तर राज्यात कोरोनाग्रस्त रुग्णांंचा आकडा 33 वर पोहोचला आहे. देशभरात कोरोनाबाधितांचा आकडा 107 वर पोहोचला आहे. कोरोनाच्या पार्श्वभूमीवर मुंबईप्रमाणेच पुणे आणि पिंपरी चिंचवडमध्येही जमावबंदी लागू करण्याबाबत हालचाली सुरू झाल्या आहेत. पुणे आणि पिंपरी-चिंचवड दोन्ही पोलीस आयुक्तांकडे प्रस्ताव दिल्याची जिल्हाधिकारी नवल किशोर राम यांनी माहिती दिली आहे.

राज्यात कोरोना बाधितांची संख्या 36 वर

• पुणे - 16

 

• मुंबई - 5

 

• ठाणे - 1

 

• कल्याण- 1

 

• नवी मुंबई -  1

 

• पनवेल - 1

 

• नागपूर - 4

 

• अहमदनगर - 1 

 

• यवतमाळ -2

 

• औरंगाबाद - 1

देशात कोरोनाग्रस्तांची संख्या 107 वर

• महाराष्ट्र -33

 

• केरळ - 22

 

• पंजाब - 1

 

• दिल्ली - 7

 

• जम्मू कश्मीर - 2

 

• लडाख - 3

 

• राजस्थान - 4

 

• उत्तरप्रदेश - 11

 

• कर्नाटक - 6

 

• तामिळनाडू - 1

 

• तेलंगाना - 3

 

• हरयाणा - 14

 

• आंध्रप्रदेश - 1

 

22:51 PM (IST)  •  16 Mar 2020

कोरोना विषाणूच्या पार्श्वभूमीवर खबरदारीचा उपाय म्हणून महापालिका आरोग्य विभागाच्या वतीने घरोघरी जाऊन नागरिकांची माहिती गोळा करून संशयित रुग्णांची माहिती मिळवली जात आहे..

22:48 PM (IST)  •  16 Mar 2020

एकीकडे कोरोना व्हायरस ने धुमाकूळ घातलेल्या असताना याचा फायदा घेत अनेकांनी स्वतःचे खिसे भरण्यास सुरुवात केली आहे. अशाच प्रकारे मुलुंडच्या आरआरटी रोड वर असलेल्या शीतल आयुर्वेदिक भांडारमध्ये चक्क कोरोना वर उपाय म्हणून गोळ्या मिळत असल्याची जाहिरात करण्यात आली होती. माती सारखी चव असणाऱ्या या गोळ्या दीडशे रुपयांना पाकीट अशा विकल्या जात होत्या.कोरोना झालेल्या व्यक्तीने दर दहा मिनिटाला गरम पाण्यासह एक गोळी घ्यावी यामुळे कोरोना बरा होतो असा दावा या आयुर्वेदिक भांडार तर्फे करण्यात येत होता.याची जाहिरात पॉप्लेट, भिंतीपत्रकाद्वारे करण्यात आली होती.या बाबत अन्न व औषध प्रशासनाला माहिती मिळताच त्यांनी मुलुंड पोलिसांच्या मदतीने या दुकानावर छापा मारली.या ठिकाणावरून मोठ्या प्रमाणत अश्या प्रकारच्या गोळ्यांचा साठा हस्तगत करण्यात आला आहे.रात्री उशिरापर्यंत याबाबतची कारवाई सुरू आहे.