Coronavirus in Maharashtra Live Update | आरोग्यमंत्री जळगाव दौऱ्यावर, जिल्ह्यातील कोरोनाबाधितांची संख्या आणि मृत्यूदराच्या पार्श्वभूमीवर दौरा

Coronavirus in Maharashtra Live Update : महाराष्ट्रात मंगळवारी (2 जून) 1225 कोरोनाबाधित रुग्णांना यशस्वी उपचारांनंतर घरी सोडण्यात आलंय. दिलासादायक बाब म्हणजे आतापर्यंत राज्यभरात 31 हजार 333 रुग्णांना डिस्चार्ज देण्यात आला आहे. रुग्ण बरे होऊन घरी जाण्याचं प्रमाण राज्यात वाढताना दिसतंय. दरम्यान, आज कोरोनाचे 2287 नवे रुग्ण दाखल झाले आहेत. त्यामुळे सध्या राज्यात 38 हजार 493 कोरोनाबाधित रुग्णांवर उपचार सुरु आहेत,अशी माहिती आरोग्यमंत्री राजेश टोपे यांनी दिली आहे. राज्यातील मुंबई, पुण्यासह आता मालेगाव आणि औरंगाबाद ही कोरोना व्हायरसची हॉटस्पॉट बनली आहेत. या शहरात कोरोनाबाधितांची संख्या झपाट्याने वाढत असून हा सर्वांच्याच चिंतेचा विषय झाला आहे. कोरोना व्हायरसविषयी सर्व महत्वाचे अपडेट आणि घडामोडी आपल्याला या लाईव्ह ब्लॉगमध्ये वाचायला मिळतील.

Background

Coronavirus in Maharashtra Live Update : महाराष्ट्रात मंगळवारी (2 जून) 1225 कोरोनाबाधित रुग्णांना यशस्वी उपचारांनंतर घरी सोडण्यात आलंय. दिलासादायक बाब म्हणजे आतापर्यंत राज्यभरात 31 हजार 333 रुग्णांना डिस्चार्ज देण्यात आला आहे. रुग्ण बरे होऊन घरी जाण्याचं प्रमाण राज्यात वाढताना दिसतंय. दरम्यान, आज कोरोनाचे 2287 नवे रुग्ण दाखल झाले आहेत. त्यामुळे सध्या राज्यात 38 हजार 493 कोरोनाबाधित रुग्णांवर उपचार सुरु आहेत,अशी माहिती आरोग्यमंत्री राजेश टोपे यांनी दिली आहे.

सध्या महाराष्ट्राल आणखी एका संकटाने वेढलं आहे ते म्हणजे निसर्ग चक्रीवादळ, हे वादळ आज मुंबईसह कोकण किनारपट्टीला धडकणार असल्याची माहिती हवामान खात्याने दिली आहे. त्यामुळे बीकेसीतील कोविड रुग्णालयातील रुग्णांना हलवण्यात आल्याचंही त्यांनी सांगितलं.

कोरोना चाचणीच्या आजपर्यंत पाठवण्यात आलेल्या 4 लाख 83 हजार 875 नमुन्यांपैकी 72 हजार 30 जण पॉझिटिव्ह आढळले आहेत. राज्यात 5 लाख 70 हजार 453 लोक होम क्वॉरंटाईन आहेत. तर संस्थात्मक क्वॉरंटाईन (Institutional Quarantine) सुविधांमध्ये 72 हजार 538 खाटा उपलब्ध असून सध्या 35 हजार 097 रुग्ण संस्थात्मक क्वॉरंटाईनमध्ये दाखल आहेत.

कोरोनाच्या प्रादुर्भावाने त्रस्त असलेल्या रुग्णांपैकी 103 कोरोनाबाधित रुग्णांच्या काल मृत्यू झाला.

काल नोंद झालेल्या मृत्यूंपैकी आरोग्य मंडळ निहाय मृत्यू

ठाणे जिल्हा - 74 (मुंबई 49, ठाणे शहर 1, नवी मुंबई 4, पनवेल 4, रायगड 6, मीरा भाईंदर- 10),

नाशिक - 2 ( नाशिक 1, अहमदनगर 1)

पुणे - 21 (पुणे 10, सोलापूर 5, सातारा 6)

कोल्हापूर- 3 (सांगली 3, अकोला ३)

23:25 PM (IST)  •  03 Jun 2020

धुळे शहरात आणखी सहा रुग्ण पॉझिटिव्ह, जिल्ह्यातील कोरोना बाधितांची संख्या 177 वर

00:43 AM (IST)  •  04 Jun 2020

नागपूर : आज कोरोनाचे 16 रुग्ण वाढले असून कोरोना रुग्णांची संख्या 599 झाली आहे. आज सकाळी पॉझिटिव्ह आढळलेले सर्व 16 रुग्ण आधीच संस्थात्मक विलगीकरण कक्षात दाखल होते. आता सर्वांना रुग्णालयात दाखल करण्यात आले आहे. नागपूरात आतापर्यंत 11 जणांचा कोरोनामुळे मृत्यू झाला असून 400 पेक्षा जास्त रुग्ण कोरोनामुक्त ही झाले आहेत.

11:46 AM (IST)  •  03 Jun 2020

जळगाव जिल्ह्यातील कोरोनाबाधितांच्या वाढती संख्या आणि मृत्यूदराच्या पार्श्वभूमीवर राज्याचे आरोग्य मंत्री राजेश टोपे हे आज जळगावच्या दौऱ्यावर आहेत. यावेळी जिल्ह्यातील वरिष्ठ अधिकारी आणि आमदार-खासदार यांच्यासोबत त्यांनी आढावा बैठकीचं आयोजन केलं आहे. बैठक सुरु होण्यापूर्वी जिल्ह्यातील अनेक सामाजिक संस्था आणि व्यक्तींनी त्यांना निवेदन देण्यासाठी गर्दी केल्याचं पाहायला मिळालं. यावेळी निवेदनाचा अक्षरशः पाऊस पडला.

10:51 AM (IST)  •  03 Jun 2020

नांदेडमध्ये आज प्राप्त झालेल्या 101 अहवालांपैकी 89 जण कोरोना निगेटिव्ह आहेत. तर दोघांचे अहवाल पॉझिटिव्ह आले आहेत. या दोघांमध्ये 41 वर्षांची महिला आणि 21 वर्षांच्या तरुणाचा समावेश आहे. नांदेड जिल्ह्यात कोरोनाबाधितांची संख्या 154 पोहोचली असून 126 जण कोरोनामुक्त झाले आहेत. तर उर्वरित 20 जणांवर उपचार सुरु आहेत. आतापर्यंत आठ कोरोनाबाधितांचा मृत्यू झाला आहे.

23:42 PM (IST)  •  03 Jun 2020

अकोल्यात आज आणखी 36 नवे कोरोना रूग्ण आढळले. जिल्ह्याची रूग्णसंख्या 663 वर पोहोचली आहे. आतापर्यंत कोरोना मृतांची संख्या 34 वर पोहोचली असून 462 रूग्ण आतापर्यंत झालेत कोरोनामुक्त झाले आहेत. सध्या 167 रूग्णांवर उपचार सुरू आहेत.