Corona Vaccination For Children LIVE : मुलामुलींच्या लसीकरणाला सुरुवात, पाहा लाईव्ह अपडेट्स
Corona Vaccination For Children LIVE : मुलामुलींच्या लसीकरणाला सुरुवात, पाहा लाईव्ह अपडेट्स
Corona Vaccination For Children Latest updates : कोरोना रुग्णसंख्या वाढत असताना देशात आजपासून लहान मुलांचं लसीकरण सुरु होणार आहे.
Advertisement
abp majha web teamLast Updated: 03 Jan 2022 12:59 PM
पंढरपुरात लसीकरणासाठी आरोग्य विभाग थेट शाळेत पोहोचला, शहरातून सुरु न करता ग्रामीण भागात सुरु केल्याने विद्यार्थी हुडकण्याची वेळ
ओमायक्रोनाचा धोका वाढू लागल्यानंतर पंतप्रधानांनी 15 ते 18 वयोगटातील मुलांच्या लसीकरणाची घोषणा केली आणि आजपासून देशभर या लसीकरणाला सुरुवात झाली. सोलापूर जिल्ह्यात 16 केंद्रावरून ही लस दिली जात असताना पंढरपूर तालुक्यात मात्र एकमेव गादेगाव या ग्रामीण भागातील केंद्रावर लसीकरणाला सुरुवात झाली आहे . शहरातून लसीकरण सुरु करणे आवश्यक असताना प्रशासनानं तालुक्यातील एक गाव निवडल्याने शहरातील अनेक मुले लसीकरणासाठी गादेगावकडे जाऊ लागली आहेत. मात्र गादेगावात एवढ्या संख्येने मुले लसीकरणाला यात नसल्याने आरोग्य विभागाने लसीकरणासाठी गावातील हायस्कुलमध्ये जाऊन विद्यार्थ्यांच्या लसीकरणाला सुरुवात केली. या ऐवजी या लसीकरणाची सुरुवात पंढरपूर शहरातून केली असती तर मोठ्या संख्येने मुलांचे लसीकरण करता आले असते. आता मात्र आरोग्य विभागाला लसीकरण करायला शाळातून मुले हुडकायची वेळ आली आहे .
Continues below advertisement
आजपासून 15 ते 18 वयोगटातील मुलांचं लसीकरण; पहिल्याच दिवशी दुपारी 1 वाजेपर्यंत 12 लाख मुलांना लस
आजपासून 15 ते 18 वयोगटातील मुलांच्या लसीकरणाला सुरुवात झाली आहे. पहिल्या दिवशी दुपारी 1 वाजेपर्यंत 12 लाख 91 हजार 532 मुलांना लस दिली जाईल. CoWin वेबसाइटवरील डेटानुसार, 12 लाख (12,69,338) मुलांना त्यांचा पहिला डोस सोमवारी दुपारी 1 वाजेपर्यंत, 15-18 वयोगटातील लोकांसाठी लसीकरण मोहिमेच्या पहिल्या दिवशी मिळाला होता.
सिंधुदुर्ग जिल्ह्यामध्ये मुलामुलींना लसीकरणाला सुरुवात
सिंधुदुर्ग जिल्ह्यामध्ये ८ ठिकाणी १५ ते १८ वयोगटातील मुला मुलींना लसीकरणाला सुरुवात झाली आहे. आजपासून जिल्ह्यातील ४० हजार मुलामुलींना ८ केंद्रांवरील लसीकरण केले जात आहे. जिल्ह्यातील १५ ते १८ वयोगटातील मुला मुलींना १५ जानेवारीपर्यंत लसीकरण पूर्ण केलं जाईल अशी माहिती डॉ महेश खलीपे जिल्हा आरोग्य अधिकारी यांनी दिली आहे.
Continues below advertisement
गोंदियात 49 केंद्रावर लसीकरण, 68 हजार बालकांना कोरोना लस दिली जाणार
संपूर्ण राज्यासह आज गोंदियात देखील 15 ते 18 वयोगटातील तरुण तरुणीचे कोरोना लसीकरण करण्यात सुरवात झाली. गोंदिया जिल्ह्यात पहिल्याच दिवशी 49 केंद्रावर लसीकरण करून घेण्यात येत असून जिल्यातील 68 हजार 321 मुलामुलींना ही लस देण्यात येणार आहे.
Jalna vacations : 15 ते 18 वयोगटातील मुलांचं लसीकरण, काय म्हणाले आरोग्यमंत्री राजेश टोपे
Mumbai Childrens Vaccine : 15 ते 18 वयोगटातील मुलांच्या लसीकरणाला सुरुवात ABP Majha
Mumbai Childrens Vaccine : 15 ते 18 वयोगटातील मुलांच्या लसीकरणाला सुरुवात ABP Majha
गडचिरोलीत आरोग्य यंत्रणेच्या वतीने विविध केंद्रांवर, शाळांमध्ये जय्यत तयारी
15 ते 18 वर्ष वयोगटातील कोरोना लसीकरणाला आज देशभर सुरुवात झाली आहे. गडचिरोलीत आरोग्य यंत्रणेच्या वतीने विविध केंद्रांवर, शाळांमध्ये जय्यत तयारी केली गेली आहे. जिल्ह्यात एकूण 11,39,539 नागरिकांना लसीकरण करणे अपेक्षित आहे. या टप्प्यात यातील 15 ते 18 वर्ष वयोगटातील 55,522 लाभार्थ्यांना ही लस दिली जाणार आहे. सोबतच 26,645 वृद्ध नागरिकांनाही बूस्टर डोज दिला जाणार आहे. देशात कोरोना प्रतिबंधक लसीकरण सुरू झाल्यानंतर या गटातील युवकांना लसींची प्रतीक्षा होती. सार्वजनिक ठिकाणी जाण्यासाठी आतुर झालेल्या या युवकांना लस मिळणार असल्याने आनंद व्यक्त केला जातोय.
नांदेड जिल्ह्यातील 101 केंद्रावर 15 ते 18 वयोगटातील मुलामुलींच्या लसीकरणास सुरुवात.
कोरोनाची वाढती रुग्णसंख्या आणि नवा व्हेरियंट ओमीक्रोनची चिंता यातून मुलांचा बचाव करण्यासाठी केंद्र शासनाने 15 ते 18 वर्षे वयोगटातील मुला मुलींना कोरोना प्रतिबंधक लस देण्याचे निर्देश दिले आहेत. त्यानुसार नांदेड जिल्ह्यातील 101 केंद्रावर, लस दिली जाणार आहे.यात ग्रामीण भागातील उपकेंद्र, ग्रामीण रुग्णालय, प्राथमिक आरोग्य केंद्र, तर शहरातील उपजिल्हा रुग्णालय, शासकीय रुग्णालय, वैद्यकीय महाविद्यालय व महापालिकेच्या 15 रुग्णालयातून लसीकरणास आज सकाळी 10 वाजल्यापासून सुरुवात झालीय. त्याच प्रमाणे 15 ते 18 वयोगटातील लसीकरणास गती यावी यासाठी शहरातील खासगी कोचिंग क्लासेस, महाविद्यालय, शाळा याठिकाणी ही कोविड लसीकरण केंद्र ठेवण्यात आले आहेत .नांदेड जिल्ह्याची एकूण लोकसंख्या 37 लाख 34 हजार 803 इतकी आहे .त्यातील 1 लाख 81हजार 972 लोकसंख्या ही 15 ते 18 वयोगटातील आहे.त्यामुळे जिल्ह्यातील 15 ते 18 वयोगतील जवळपास दोन लाख मुलामुलींचे लसीकरण करण्यास आज पासून सुरुवात झालीय.नांदेड जिल्ह्यातील महाविद्यालय, शाळा, कोचिंग क्लासेस मधून या लसीकरणास चांगला प्रतिसाद आहे.
नंदुरबार जिल्ह्यात दहा लसीकरण केंद्र
नंदुरबार जिल्ह्यात दहा लसीकरण केंद्रांवर 15 ते 18 वर्षे वयोगटातील शालेय विद्यार्थ्यांच्या लक्ष करण्याला सुरुवात झाली असून लसीकरणाला मोठ्या प्रमाणात विद्यार्थ्यांचा प्रतिसाद मिळत असल्याचे चित्र पाहण्यास मिळत आहे
पुण्याचे महापौर मुरलीधर मोहोळांच्या हस्ते १५ ते १८ वयोगटातील मुलांच्या लसीकरणाला सुरुवात
पुण्याचे महापौर मुरलीधर मोहोळांच्या हस्ते १५ ते १८ वयोगटातील मुलांच्या लसीकरणाला सुरुवात झाली. पुण्यात चाळीस तर पिंपरी चिंचवडमध्ये आठ लसीकरण केंद्रावर मुलांसाठी ही लस उपलब्ध आहे. ज्या मुलांना ऑनलाईन नोंदणी करता आली नाही त्यांच्यासाठी ऑफलाईन नोंदणीची देखील सुविधा ठेवण्यात आली आहे. या वयोगटातील अडीच लाख मुलांचे उद्धिष्ट लवकरात लवकर पूर्ण करू. लस कमी पडणार नाही याची काळजी घेऊ. पहिला दिवस असल्याने प्रतिसाद कमी असला तरी तो वाढविण्यासाठी प्रयत्न करणार असल्याचं महापौरांनी सांगितलं.
यवतमाळ जिल्ह्यामध्ये लसीकरणाला सुरुवात झाली
यवतमाळ जिल्ह्यामध्ये लसीकरणाला सुरुवात झाली आहे . 15 ते 18 वयोगटातील बालकांना लसीकरण केले जात आहे. यवतमाळ जिल्ह्यातील साधारण 42 केंद्रांवरील लसीकरण केले जाते आहे. वेगवेगळ्या महाविद्यालयांमध्ये आणि विद्यालयांमध्ये हे लसीकरण केले जात आहे आणि जिल्ह्यातील साधारण 1 लाख 48 हजार च्या जवळपास मुलं आहेत.
खुद्द आरोग्य मंत्री राजेश टोपे यांनी केले शंकांचे निरसन
पंधरा ते अठरा वयोगटातील मुलांच्या आज पासून लसीकरणाला सुरुवात झाली आहे. अनेक मुलांच्या मनामध्ये शंका आहे का? लसीकरण केंद्रावर पोहोचल्यावर काय करायचं. आधार कार्ड नसेल तर चालेल का दुसरा कुठला पुरावा ग्राह्य धरला जाणार. याच मुलांच्या मनातील शंकांचे निरसन केले खुद्द आरोग्य मंत्री राजेश टोपे यांनी केले आहे
मुंबईतील 9 जम्बो लसीकरण केंद्रांवर 15 ते 18 वयोगटातील मुलाचं लसीकरण सुरु
आज मुंबईतील ९ जम्बो लसीकरण केंद्रांवर १५ ते १८ वयोगटातील मुलाचं लसीकरण सुरु झालंय. अशातच महापालिकेच्या मुलुंडमधील रिचर्डसन ॲण्ड क्रुडस जम्बो कोव्हिड सेंटरवर देखील लसीकरणाला सुरुवात झाली आहे. पालिकेतील शाळेतील मुलांना आज बसमध्ये आणत लसीकरण करण्यात येत आहे. सोबतच इतर मुलं देखील आपल्या पाल्यांसोबत येत लस घेत असल्याचं बघायला मिळालं. आज ह्या लसीकरण केंद्रावर १०० कोव्हॅक्सिन लसीचे डोस देण्यात येणार आहे.
पार्श्वभूमी
Corona Vaccination For Children : देशातील 15 ते 18 वर्षे वयोगटातील मुलांना 3 जानेवारीपासून कोरोनाची लस दिली जाणार आहे, यासंदर्भातील घोषणा काही दिवसांनी पंतप्रधानांनी केली होती. यासाठी आधीपासून कोविन अॅपवर नोंदणी सुरु झाली आहे. आतापर्यंत 8 लाखांहून अधिक लोकांनी कोविन अॅपवर नोंदणी केली आहे. नोंदणीसाठी इयत्ता दहावीचं ओळखपत्र देखील ओळखीचा पुरावा म्हणून ग्राह्य धरला जाणार आहे. आजपासून म्हणजेच, 3 जानेवारीपासून लहान मुलांच्या लसीकरणाला सुरुवात करण्यात येणार आहे. यासाठी केंद्रीय आरोग्य मंत्रालयानं गाईडलाईन्स जारी केली आहे. लहान मुलांना लस देण्यासाठीची सीरींज, नीडल कदाचित वेगळी असणार आहे. 1 जानेवारीपासून रजिस्ट्रेशन प्रक्रिया सुरु होणार आहे. CoWIN पोर्टलवर आणखी एक स्लॉट जोडण्यात आला असून तिथून मुलांना लसीकरणासाठी स्लॉट बुक करता येणार आहे.
CoWIN पोर्टलवर आपला COVID-19 वॅक्सिन स्लॉट बुक करण्यासाठी विद्यार्थ्यांना आपल्या आयकार्डचा वापर करावा लागणार आहे. ज्या मुलांकडे आधार कार्ड नसेल त्यांच्या लसीकरणात अडथळा येऊ नये म्हणून आयकार्डचा वापर करण्याचा पर्याय केंद्राकडून अंमलात आणण्यात आला आहे. भारत सरकारनं 15 ते 18 वर्ष वयोगटातील मुलांसाठी दोन लसींना मंजुरी दिली आहे. भारत बायोटेकची कोवॅक्सिन लसीचे दोन डोस आणि Zydus Cadila's ZyCoV-D चे तीन डोस या लसींमधून पर्याय निवडावा लागणार आहे.
मुलांच्या लसीकरणासाठी स्लॉट कसा बुक कराल? (How To Book COVID-19 Vaccine Slot For Children)
लहान मुलांसाठी COVID-19 वॅक्सिन स्लॉट बुक करण्यासाठी फारसं काही नवीन करण्याची गरज नाही. यापूर्वी लसीकरणासाठी स्लॉट बुक करण्याची जी प्रक्रिया होती तिच फॉलो करावी लागणार आहे. वॅक्सिनचा स्लॉट रजिस्टर करण्यासाठी CoWIN पोर्टल (cowin.gov.in) वर लॉगइन करा. आधार कार्ड किंवा मोबाईल क्रमांकाचा उपयोग करुन रजिस्ट्रेशन करा. विद्यार्थी शाळेच्या आयकार्डचा वापरही करु शकतात.
रजिस्ट्रेशन पूर्ण केल्यानंतर विद्यार्थी 3 जनवरी, 2022 पासून लसीकरणासाठी सेंटर शोधू शकतील. तसेच अपॉइंटमेंट बुक करु शकतील. पोर्टलवर राज्य, जिल्हा किंवा शहरानुसार जवळचं लसीकरण केंद्र उपलब्ध होईल. त्यासोबतच पोर्टलवर Google मॅपवर जवळचं लसीकरण केंद्र शोधता येईल.
लसीसाठी कोविन पोर्टलवर नोंदणी कशी कराल?
कोविनच्या वेबसाईटवरून किंवा कोविन अॅपवरून लसीकरणासाठी नोंदणी करणं बंधनकारक आहे. जेणेकरून लसीकरण केंद्र, तारीख, वेळ इत्यादी माहिती तुम्हाला आधीच कळवलं जाईल.
त्यावर क्लिक केल्यानंतर तुम्हाला मोबाईल नंबर विचारला जाईल आणि त्यावर OTP येईल. तो OTP टाकल्यानंतर नवीन विंडो उघडेल.
त्यानंतर Register for Vaccination ची विंडो दिसेल. फोटो आयडी प्रूफ, फोटो आयडी नंबर, नाव, जन्मतारीख, लिंग आणि सहव्याधी इत्यादी माहिती इथे तुम्हाला द्यावी लागेल. त्यानंतर Register पर्यायावर क्लिक करा.
तुम्हाला अकाऊंट डिटेल्स दिसतील. एका मोबाईल नंबरच्या नोंदणीत तुम्हाला तीन जणांसाठी लसीकरणाची नोंद करता येऊ शकते. त्यासाठी Add या पर्यायावर क्लिक करून पुढील नावं आणि त्यांची माहिती समाविष्ट करता येईल. एखादं नाव डिलिट करण्याचाही पर्याय देण्यात आला आहे.
लसीकरणासाठी तुम्हाला नोंदणी करण्यात आलेल्या प्रत्येक व्यक्तीसाठी स्वतंत्र स्लॉट बुक करावा लागेल.
पिन कोड टाकल्यानंतर तुम्हाला तिथल्या लसीकरण केंद्रांची यादी दिसेल.
तुम्ही जिल्हावार किंवा तुमच्या शहरानुसार यादीही शोधू शकता.
तुम्हाला एखाद्या लसीकरण केंद्रावर स्लॉट उपलब्ध आहेत वा नाहीत, हे दिसेल. स्लॉट्स उपलब्ध असल्यास ते कोणत्या वयोगटासाठी आहेत, कोणती लस उपलब्ध आहे, हे देखील तुम्हाला स्क्रीनवर दिसेल.
तुमच्या वयोगटासाठी हा स्लॉट उपलब्ध असल्यास तुम्ही तो बुक करू शकता. तसा मेसेज तुमच्या नोंदणीकृत मोबाईलवर येईल.
लहान मुलांच्या लसीकरणासाठी 1 हजार 500 व्यक्तींच्या स्टाफला प्रशिक्षण देण्यात आलंय. दरम्यान, खासगी रुग्णालयातील डॉक्टरांनाही प्रशिक्षण देण्यात आलंय. महत्वाचं म्हणजे, लसीकरणानंतर लहान मुलांना काही रिअॅक्शन झालं तर यापूर्वीच उभारलेल्या पेडिएट्रीक वॉर्डचा वापर करण्यात येईल. लहान मुलांच्या लसीकरणाकरताही महापालिका जनजागृती मोहिम हातात घेईल. प्रायोगिक तत्वावर ज्या लहान मुलांना आतापर्यंत लसी देण्यात आल्या आहेत त्यांच्यावर कोणतेही गंभीर रिअॅक्शन झाली नसल्याची माहिती आहे.
लहान मुलांच्या लसीकरणासाठी 1 हजार 500 व्यक्तींच्या स्टाफला प्रशिक्षण देण्यात आलंय. दरम्यान, खासगी रुग्णालयातील डॉक्टरांनाही प्रशिक्षण देण्यात आलंय. महत्वाचं म्हणजे, लसीकरणानंतर लहान मुलांना काही रिअॅक्शन झालं तर यापूर्वीच उभारलेल्या पेडिएट्रीक वॉर्डचा वापर करण्यात येईल. लहान मुलांच्या लसीकरणाकरताही महापालिका जनजागृती मोहिम हातात घेईल. प्रायोगिक तत्वावर ज्या लहान मुलांना आतापर्यंत लसी देण्यात आल्या आहेत त्यांच्यावर कोणतेही गंभीर रिअॅक्शन झाली नसल्याची माहिती आहे.
पंतप्रधान नरेंद्र मोदी यांनी केली होती घोषणा
पंतप्रधान मोदी यांनी दिलेल्या देशाला संबोधित करताना तीन मोठ्या घोषणा केल्या होत्या. यामध्ये सर्वात पहिली घोषणा म्हणजे 15 ते 18 वयोगटातील (15 to 18 Age Vaccination) मुलांचं लसीकरण सुरु करणार असल्याची मोठी घोषणा केली. हे लसीकरण नव्या वर्षात 3 जानेवारीपासून सुरु होणार आहे. यामुळे शाळांमध्ये अखेरच्या वर्षात तसंच कनिष्ट महाविद्यालयात जाणाऱ्या विद्यार्थ्यांना याचा फायदा होणार असल्याने हा निर्णय घेण्यात आल्याचं मोदींनी सांगितलं होतं.