चलो अयोध्या! मुख्यमंत्री उद्धव ठाकरेंसोबत असंख्य शिवसैनिकही अयोध्येला जाणार

महाराष्ट्र सरकारच्या 100 दिवसपूर्तीला उद्धव ठाकरे अयोध्येत जाऊन श्रीरामाचं दर्शन घेणार असल्याची माहिती राऊत यांनी ट्विटरद्वारे दिली होती.

मुंबई : मुख्यमंत्री उद्धव ठाकरे 7 मार्चला अयोध्या दौऱ्यावर जाणार आहेत. अशी माहिती शिवसेना खासदार संजय राऊत यांनी दिली आहे. यावेळी त्यांच्यासोबत असंख्य शिवसैनिकही सोबत असतील असं राऊत म्हणाले आहेत. ट्विटरवरुन त्यांनी ही माहिती दिली आहे. खासदार संजय राऊत यांनी याआधीही ट्वीट करून याबाबत माहिती दिली होती. दुपारी श्रीरामाचं दर्शन घेऊन, संध्याकाळी शरयू आरती करतील असंही संजय राऊत यांनी ट्वीटमध्ये म्हटलं आहे. तसेच आपल्या ट्वीटमधून ऐतिहासिक सोहळ्यात सामील होण्याचंही आवाहन शिवसैनिकांना केलं आहे. महाराष्ट्र सरकारच्या 100 दिवसपूर्तीला उद्धव ठाकरे अयोध्येत जाऊन श्रीरामाचं दर्शन घेणार असल्याची माहिती राऊत यांनी ट्विटरद्वारे दिली होती.

चलो अयोध्या .. 7 मार्च मुख्यमंत्री ऊदधव ठाकरे असंख्य शिवसैनिकांसह अयोध्येत जाणार! * दुपारी श्रीराम दर्शन * संध्याकाळी शरयू आरती ऐतिहासिक सोहोळ्यात सामील व्हा!!

— Sanjay Raut (@rautsanjay61) February 22, 2020

29 नोव्हेंबर रोजी महाराष्ट्रात शिवसेनेने राष्ट्रवादी काँग्रेस आणि काँग्रेस पक्षांच्या पाठिंब्यावर राज्यात सत्तास्थापन केली. उद्धव ठाकरे यांनी शिवतीर्थावर (शिवाजी पार्क, दादर) मुख्यमंत्रीपदाची शपथ घेतली. मार्च महिन्यात या सरकारला 100 दिवस पूर्ण होतील. त्यानंतर उद्धव ठाकरे अयोध्येत प्रभू श्रीरामाचं दर्शन घेण्यासाठी जाणार आहेत.

Chalo Ayodhya ! CM #UddhavThackeray will visit Ayodhya on the completion of 100 days in power! @OfficeofUT

— Sanjay Raut (@rautsanjay61) January 22, 2020

गेल्या वर्षी लोकसभा निवडणुकीत महाराष्ट्रात भाजप-शिवसेना युतीला मोठं यश मिळालं होतं. महाराष्ट्रातील 48 जागांपैकी भाजपने 23 तर शिवसेनेने 18 जागा जिंकल्या होत्या. त्यानंतर उद्धव ठाकरे अयोध्या दौऱ्यावर गेले होते. 15 जून 2019 रोजी उद्धव यांचा अयोध्या दौरा पार पडला.

त्याअगोदर 25 नोव्हेंबर 2018 रोजी उद्धव ठाकरे अयोध्येला गेले होते. लोकसभा निवडणुकीचा प्रचार सुरु करण्यापूर्वी उद्धव यांनी या दौऱ्याचे आयोजन केले होते. राम मंदिर हा शिवसेना-भाजप युतीचा लोकसभा निवडणुकीपूर्वीचा महत्त्वाचा अजेंडा होता. त्यामुळे लोकसभा निवडणुकीपूर्वी उद्धव ठाकरे अयोध्या दौऱ्यावर गेले होते.

संबंधित बातमी :