एक्स्प्लोर
Advertisement
कमी बोला...भाजप नेते आशिष शेलार यांचा संजय राऊतांना सल्ला
शिवसेना नेते खासदार संजय राऊत यांच्यावर सध्या लीलावती रुग्णालयात उपचार सुरु आहेत. आज सकाळपासून अनेक नेते त्यांना भेटण्यासाठी रुग्णालयात येत आहेत. भाजप नेते आशिष शेलार यांनीही राऊत यांना भेटून त्यांच्या तब्बेतीची विचारपूस केली. यावेळी माध्यमांशी बोलताना त्यांनी राऊत यांना कमी बोलण्याचा सल्ला दिला आहे.
मुंबई - शिवसेनेचे फायब्रँड नेते खासदार संजय राऊत यांच्यावर सध्या लीलावती रुग्णालयात उपचार सुरु आहेत. या पार्श्वभूमीवर भाजप नेते आमदार आशिष शेलार यांनी रुग्णालयात येऊन संजय राऊत यांच्या तब्बेतीची विचारपूस केली. या भेटीत कुठलाही राजकीय हेतू नसून ही महाराष्ट्राची परंपरा असल्याचे सांगितले. यावेळी राऊत यांनी कमी बोलावं हीच आमची इच्छा असल्याचे शेलार यांनी एबीपी माझाशी बोलताना सांगितले.
गेल्या काही दिवसांपासून रोज पत्रकार परिषदा घेऊन शिवसेनेची भूमिका परखडपणे मांडणारे फायरब्रँड नेते संजय राऊत सध्या रुग्णालयात दाखल आहेत. संजय राऊत यांना काल (11 नोव्हेंबर) दुपारी लीलावती रुग्णालयात दाखल करण्यात आलं. राऊत यांच्या हृदयाला रक्त पुरवठा करणाऱ्या रक्तवाहिनीमध्ये 2 ब्लॉक होते. राऊत यांच्यावर डॉक्टर अजित मेनन यांच्या देखरेखीखाली अँजिओप्लास्टी करण्यात आली. राऊत यांच्या रक्तवाहिनीमध्ये तीन स्टेन टाकण्यात आले आहेत, असे त्यांचे बंधू आमदार सुनील राऊत यांनी सांगितले आहे.
या पार्श्वभूमीवर सकाळपासून विविध पक्षाचे नेते लीलावती रुग्णालयात येऊन राऊत यांची भेट घेत आहे. यामध्ये राष्ट्रवादी काँग्रेसचे अध्यक्ष शरद पवार, शिवसेनेचे पक्षप्रमुख उद्धव ठाकरे, रश्मी ठाकरे, माजी आमदार हर्शवर्धन जाधव आणि भाजप नेते आशिष शेलार यांनी राऊत यांची भेट घेतली. भेट घेतल्यानंतर शेलार यांनी एबीपी माझाशी संपर्क साधला.
काय म्हणाले आशिष शेलार?
कितीही वैचारीक मतभेद असले तरीही एकमेकांच्या तब्बेतीची विचारपूस करणे ही महाष्ट्राची संस्कृती आणि परंपरा आहे. त्यामुळंच आमचे मित्र संजय राऊत यांची भेट घेण्यासाठी मी इथे आलो होतो. अशा परिस्थिती त्यांनी कमी बोलावं, अशी आमची इच्छा असल्याचेही ते म्हणाले. गेल्या काही दिवासांपासून संजय राऊत रोज पत्रकार परिषदा घेऊन भाजपच्या तोंडचे पाणी पळवले होते. कदाचित त्यामुळंच शेलार यांनी हा सल्ला दिला नसेल ना? अशा प्रश्न उपस्थित होत आहे.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
महाराष्ट्र
मुंबई
राजकारण
महाराष्ट्र
Advertisement