महिला दिन विशेष : 'बीजमाता' राहीबाई पोपेरेंसह सहा महाराष्ट्रीय महिलांचा नारीशक्ती पुरस्काराने राष्ट्रपतींच्या हस्ते सन्मान

महाराष्ट्रात बियाणांची बँक चालवणाऱ्या 'बीजमाता' राहीबाई पोपेरे यांच्यासह सहा महाराष्ट्रीय महिलांचा नारीशक्ती पुरस्काराने सन्मानित करण्यात आला. राष्ट्रपती रामनाथ कोविंद यांच्या हस्ते राजधानी दिल्लीत राष्ट्रपती भवनात आज त्यांचा सन्मान झाला.

अहमदनगर : महाराष्ट्रात बियाणांची बँक चालवणाऱ्या 'बीजमाता' राहीबाई पोपेरे यांच्यासह सहा महाराष्ट्रीय महिलांचा नारीशक्ती पुरस्काराने सन्मानित करण्यात आला. राष्ट्रपती रामनाथ कोविंद यांच्या हस्ते राजधानी दिल्लीत राष्ट्रपती भवनात आज त्यांचा सन्मान झाला. आपण केलेल्या मेहनतीचं  फळ मिळालं असल्याची भावना त्यांनी व्यक्त केली. या सन्मानामुळे आणखी काम करण्यासाठी  बळ मिळेल, असे राहीबाईंनी एबीपी माझाशी बोलताना सांगितले. WATCH VIDEO | 'बीजमाता' राहीबाई पोपरे यांच्यासह सहा महाराष्ट्रीय महिलांचा नारीशक्ती पुरस्काराने सन्मान कृषी क्षेत्रात वैविध्यपूर्ण प्रयोगासाठी `नारी शक्ती’ पुरस्काराने सन्मानित करण्यात आले. कठीण परिस्थितीत केलेल्या कामाबद्दल आणि त्यांच्या संघर्षाबद्दल त्यांनी 'माझा कट्टा'वर व्यथा मांडल्यानंतर त्यांच्यासाठी अनेक मदतीचे हात पुढे आले होते. विविध क्षेत्रात उल्लेखनीय कामगिरी करणाऱ्या महाराष्ट्रातील 6 महिलांना नारी शक्ती पुरस्काराने आज सन्मानित करण्यात आले. यात आदिवासी दुर्गम भागात बियाणांची बँक चालवणाऱ्या  राहीबाई पोपेरे यांचाही समावेश होता. WATCH VIDEO | राहीबाई पोपेरेंना हक्काचं घर मिळणार | माझा इम्पॅक्ट | अहमदनगर | एबीपी माझा केंद्रीय महिला व बाल कल्याण मंत्रालयाच्यावतीने दरवर्षी जागतिक महिला दिनाचे औचित्य साधून विविध क्षेत्रात उल्लेखनिय कार्य करणा-या माहिलांना ‘नारी शक्ती’ या प्रतिष्ठित पुरस्काराने गौरविण्यात येते. यावर्षी देशभरातील एकूण 44 महिलांना हा पुरस्कार प्रदान करण्यात आला. यामध्ये महाराष्ट्रातील  सीमा राव, स्मृती मोरारका, कल्पना सरोज, सीमा मेहता, अहमदनगर जिल्ह्यातील  राहीबाई पोपेरे, सातारा जिल्ह्याच्या चेतना गाला सिन्हा यांचा सन्मान झाला. महाराष्ट्रातील या सहा दिग्गज महिलांचा सन्मान मुंबईच्या सीमा राव या देशातील एकमेव महिला कमांडो प्रशिक्षक आहेत. त्यांनी आतापर्यंत 15000 पेक्षा अधिक सैनिक प्रशिक्षित केले.  शिवाय त्यांनी  स्वत: ची शुटींगचे तंत्र विकसित केले आहे. त्यांचे  हे तंत्र भारतीय सेनेनही स्वीकारले आहे. त्यांच्या या कार्याची दखल घेत त्यांना `नारी शक्ती’ पुरस्काराने सन्मानित करण्यात आले. मुंबईच्या  सुप्रसिद्ध कथक नृत्यागंना सीमा मेहता  यांना कथक नृत्य क्षेत्रातील भरीव कामगिरीसाठी सन्मानित करण्यात आले. पद्मश्री पुरस्कार प्राप्त उद्योजिका कल्पना सरोज यांनी   उद्योग क्षेत्रात स्वत:च्या कर्तृत्वाने जो ठसा उमटविला आहे. त्यांच्या या उत्कृष्ट कामगिरीसाठी त्यांना गौरविण्यात आले. मुंबईच्या स्मृती मोरारका यांनी ‘तंतुवी’ या संस्थेच्या माध्यमातून  पारंपरिक हातमाग क्षेत्रातील कारागिरांना रोजगार उपलब्ध करून देण्यासाठी हातमाग समूह सुरू केला त्यांच्या या कार्याची दखल घेत त्यांना `नारी शक्ती’ पुरस्काराने गौरविण्यात आले. सातारा जिल्यातील माण देशी महिला सहकारी  बँकेच्या संस्थापिका चेतना गाला सिन्हा  यांना ग्रामीण क्षेत्रातील महिलांना आर्थिकरित्या सक्षम करण्यासाठीच्या योगदानाबद्दल `नारी शक्ती’ पुरस्काराने सन्मानित करण्यात आले. WATCH VIDEO | देशी वाणाच्या बँकर राहीबाई पोपेरे यांच्याशी मनमोकळ्या गप्पा | माझा कट्टा | एबीपी माझा