योगी बनण्यासाठी फडणवीस बायकोला सोडणार आहेत का? दीपाली सय्यद यांचं वादग्रस्त वक्तव्य
माजी मुख्यमंत्री आणि विरोधी पक्षनेते देवेंद्र फडणवीस यांच्या पत्नी अमृता फडणवीस यांनी मुख्यमंत्र्यांवर केलेल्या टीकेला उत्तर देताना दीपाली सय्यद यांनी घणाघाती टीका केली आहे.
मुंबई : मशिदींवरील भोग्यांच्या मुद्द्यावरून सध्या राज्यातील राजकीय वातावरण तापलं आहे. दरम्यान अभिनेत्री आणि शिवसेनेच्या नेत्या दीपाली सय्यद यांनी अमृता फडणवीस यांच्या टीकेला एक व्हिडीओ शेअर करत प्रत्युत्तर दिले आहे. फडवणीस साहेब योगी बनण्यासाठी आपल्या बायकोला सोडणार आहेत का? असा सवाल उपस्थित केला आहे. माजी मुख्यमंत्री आणि विरोधी पक्षनेते देवेंद्र फडणवीस यांच्या पत्नी अमृता फडणवीस यांनी मुख्यमंत्र्यांवर केलेल्या टीकेला उत्तर देताना दीपाली सय्यद यांनी घणाघाती टीका केली आहे.
"ऐ 'भोगी', कुछ तो सीख हमारे 'योगी' से !" अशा शब्दात ट्वीट करत अमृता फडणवीसांनी मुख्यमंत्र्यांवर निशाणा साधला होता. यावर प्रत्युत्तर देताना दीपाली सय्यद यांनी टीका केली. दीपाली सय्यद म्हणाल्या, अमृताजी योगी बनण्यासाठी बायको सोडावी लागते. फडवणीस साहेबांना मोदींकडून शिकण्याची गरज आहे. फडवणीस साहेब योगी बनण्यासाठी आपल्या बायकोला सोडणार आहेत का? असा सवाल दीपाली सय्यद यांनी केल्या.
ऐ ‘भोगी’ , कुछ तो सीख हमारे ‘योगी’ से !#Maharashtra #thursdayvibes
— AMRUTA FADNAVIS (@fadnavis_amruta) April 28, 2022
ऐ ‘भोगी’, कुछ तो सीख हमारे ‘योगी’से असे म्हणत अमृता फडणवीस यांनी महाविकासअघाडीला डिवचण्याचा प्रयत्न केला आहे. अमृता फडणवीस म्हणाल्या, कलियुग के इस राजा ने अब दिया एक फ़रमान है.... जो उगलेगा ‘च’ की गाली, उसे इज़्ज़त और मान है, जो जपेगा नाम प्रभु का, उसकी हलक में जान है ! याच मुद्द्यावरून दीपाली सय्यद यांनी टीका केली. त्या म्हणाल्या की, 'योगी होण्यासाठी बायकोला सोडावं लागतं. देवेंद्र फडणवीस योगी होण्यासाठी बायकोला सोडणार का?' अशा शब्दात त्यांनी फडणवीसांवर वादग्रस्त वक्तव्य केलं आहे. दीपाली सय्यद यांच्या वादग्रस्त वक्तव्यामुळे आता राजकीय वातावरण आणखी तापलं असून भाजप नेत्यांकडून याचा कडाडून विरोध केला आहे.
महत्त्वाच्या बातम्या
ट्रेंडिंग न्यूज
