(Source: ECI/ABP News/ABP Majha)
Maharashtra Breaking News LIVE Updates : शिवसेना आमदार संजय राठोड वर्षा बंगल्यावर मुख्यमंत्र्याच्या भेटीला
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
राष्ट्रीय-आंतरराष्ट्रीय तसेच स्थानिक पातळीवरील घडणाऱ्या घडामोडींची सर्वात पहिली बातमी 'एबीपी माझा' आपल्या प्रेक्षक-वाचकांना देण्याचा प्रयत्न करत आहे. त्यामध्ये आज राजकीय, सामाजिक, आर्थिक घडामोडींपासून ते खेळ आणि मनोरंजनाच्या बाबतीत अपडेट्स देण्याचा प्रयत्न असतो. आपल्या प्रेक्षक-वाचकांना अप-टू-डेट ठेवण्याचा एक भाग म्हणून आम्ही आज दिवसभरात काय-काय महत्त्वाच्या घडामोडी घडणार आहेत याची माहिती देत आहोत.
राज ठाकरेंची दुपारी 12 वाजता पत्रकार परिषद
राज ठाकरे पुण्याच्या दौऱ्यावर असून शनिवारी त्यांनी खालकर चौकातील मारुती मंदिरामध्ये महाआरती केली. मशिदींचे भोंगे आणि हनुमान चालीसा यावरुन राज्यातील राजकारण तापलं असताना राज ठाकरेंवर अनेकांकडून टीका केली जातेय. त्या टीकेला आज राज ठाकरे उत्तर देणार असून त्यासंबंधी दुपारी 12 वाजता पत्रकार परिषद आहे.
आज मुंबईत मेगाब्लॉक
मध्य रेल्वेवरील अपघातामुळे रेल्वे प्रवाशांना मोठा त्रास सहन करावा लागला. आजही प्रवाशांचे मेगा हाल होऊ शकतात. मध्य रेल्वेने आज मेगा ब्लॉक घेतला आहे. मध्य आणि हार्बर मार्गावरील रेल्वे रूळ, सिग्नल यंत्रणा, ओव्हर हेड वायरच्या देखभाल आणि दुरुस्तीसाठी रविवारी मेगाब्लॉक आहे. सीएसएमटी ते विद्याविहार दरम्यान धीम्या मार्गावरील गाड्या बंद ठेवण्यात येणार आहेत. पश्चिम रेल्वेवर रविवारी रात्रकालीन ब्लॉक घेण्यात येणार आहे.
जम्मूमध्ये सुरक्षा दल आणि दहशतवाद्यांमध्ये चकमक
जम्मू काश्मीरच्या अनंतनाग परिसरात काल सुरक्षा दल आणि दहशतवाद्यांमध्ये चकमक झाली. यामध्ये एक जवान शहीद झाला. अजूनही या परिसरात सर्च ऑपरेशन सुरू आहे.
प्रशांत किशोर आणि काँग्रेसमध्ये महत्वाची बैठक
काँग्रेस अध्यक्षा सोनिया गांधी यांच्या निवासस्थानी 10 जनपथ येथे झालेल्या एका हायप्रोफाईल बैठकीत निवडणूक रणनीतीकार प्रशांत किशोर काँग्रेसमध्ये प्रवेश करण्यासंबंधी चर्चा झाली आहे. यावर प्रशांत किशोर यांनी सहमती दर्शवली असल्याची माहिती समोर येत आहे. निवडणुकीत राजकीय पक्षांना सल्ला देणारी खाजगी संस्था IPAC चे माजी प्रमुख प्रशांत किशोर यांनी 2024 च्या लोकसभा निवडणुकीबाबत काँग्रेसच्या दिग्गज नेत्यांसमोर PPT Presentation केलं आहे. ज्यामध्ये त्यांनी काँग्रेसच्या विजयासाठी त्यांची योजना स्पष्ट केली. या बैठकीला सोनिया गांधी आणि राहुल गांधी यांच्याशिवाय काँग्रेसचे ज्येष्ठ नेते मल्लिकार्जुन खर्गे, एके अँटनी, अंबिका सोनी, जय राम रमेश, मुकुल वासनिक, दिग्विजय सिंह, अजय माकन आणि केसी वेणू गोपाल हेही उपस्थित होते.
भाजप अध्यक्ष जेपी नड्डा कर्नाटक दौऱ्यावर
भाजपचे अध्यक्ष जेपी नड्डा हे दोन दिवसांच्या कर्नाटक दौऱ्यावर आहेत.
मॉरिशसचे पंतप्रधान भारत दौऱ्यावर
मॉरिशसचे पंतप्रधान प्रविंद कुमार जगन्नाथ हे त्यांच्या पत्नीसोबत दोन दिवसांच्या भारत दौऱ्यावर येणार आहेत. त्यांचा हा दौरा 24 एप्रिलपर्यंत असणार आहे.
'हुनार हाट'च्या 40 व्या कार्यक्रमाचे आज मुंबईत उद्धाटन
केंद्र सरकारच्या महत्वाकांक्षी योजनेपैकी एक असलेल्या आणि स्थानिक कारागिरांना तसेच शिल्पकारांच्यां कलेला संरक्षण देणाऱ्या 'हुनार हाट'च्या 40 व्या कार्यक्रमाचे उद्धाटन केंद्रीय मंत्री अनुराग ठाकुर यांच्या हस्ते होणार आहे. हा कार्यक्रम मुंबईमध्ये होत आहे.
आएपीएलच्या (IPL 2022) आज दोन लढती आहेत
PBKS vs SRH : आज रंगणार पंजाब विरुद्ध हैदराबाद
यंदाच्या आयपीएलमधील (IPL 2022) 27 व्या सामन्यात पंजाब किंग्स आणि सनरायजर्स हैदराबाद (PBKS vs SRH) हे दोन्ही संघ आमने-सामने असणार असणार आहेत. आजचा सामना नवी मुंबईतील डी.वाय. पाटील स्टेडियमवर खेळवला जाणार आहे. आजचा सामना दुपारी तीन वाजता वेळेत होणार आहे, त्यामुळे उष्णता अधिक असल्याने दवाची अडचण अधिक होणार नाही. दवाची अडचण नसल्याने नाणेफेक आजच्या सामन्यात मोठा प्रभाव पाडणार नसल्याचं ही तज्ज्ञांचं मत आहे.
GT vs SCK : गुजरात विरुद्ध चेन्नईमध्ये रंगणार आजची लढत
ही लढत संध्याकाळी साडेसात वाजता पुण्यातील एमसीए मैदानावर होणार आहे. गुजरात आपली विजयी लय कायम राखण्याच्या इराद्याने मैदानात उतरत आहे तर चेन्नईचा संघ दुसऱ्या विजयासाठी दोन हात करणार आहे.
Maharashtra News : राज्यातील वीज टंचाईचा मुद्यावर मुख्यमंत्र्यांनी बोलावली उर्जा विभागाची बैठक
Maharashtra News : राज्यातील विज टंचाईचा मुद्यावर मुख्यमंत्री यांनी ऊर्जा विभागाची बैठक बोलावली. उद्या 12 वाजता बैठक होणार आहे. राज्यातील अनेक विद्युत निर्मिती केंद्रांवर कोळशाचा तुटावडा जाणवत आहे. नाशिक आणि भुसावळ विज निर्मिती केंद्रांवर फक्त दिड दिवस पुरेल एवढाच कोळाशाचा साठा तर इतर केंद्रांवर दोन ते तीन दिवस पुरेल एवढाच कोळशाचा साठा आहे. त्यामुळे मुख्यमंत्री उद्या आढावा बैठक घेणार आहेत. राज्य अंधारात जाऊ नये यासाठी करणार उपाययोजना करण्यात येणार आहेत
Sanjay Rathod : शिवसेना आमदार संजय राठोड वर्षा बंगल्यावर मुख्यमंत्र्याच्या भेटीला
Sanjay Rathod : शिवसेना आमदार संजय राठोड मुख्यमंत्र्याच्या भेटीसाठी वर्षा बंगल्यावर गेले आहेत.
Solapur : सोलापूर जिल्ह्यात उडाला बैलगाडा शर्यतीचा धुराळा, वेळापूर येथील शर्यतीत 100 पेक्षा जास्त बैलगाडे धावले
महाराष्ट्रात गावोगावच्या जत्रा आणि यात्रांमध्ये बैलगाडा शर्यत भरवण्याची परंपरा आहे. अशाच पद्धतीने कोरोना संकटानंतर दोन वर्षांनी पहिल्यांदाच सोलापूर जिल्ह्यातील वेळापूर येथे बैलगाडा शर्यतीचा धुराळा उडाला. जिल्ह्यात झालेली ही पहिलीच शर्यत असल्याने हजारोंच्या संख्येने हौशी प्रेक्षकांनी ही शर्यत पाहण्यासाठी गर्दी केली होती. वेळापूर येथील अर्धनारी नटेश्र्वर यात्रेनिमित्त पंच कमिटीचे उत्तमराव जानकर यांनी ही स्पर्धा आयोजित केली होती. या शर्यतीत पहिल्या क्रमांकाला बुलेट गाडीचे बक्षीस तर इतर विजेत्यानाही 5 मोटारसायकलचा बक्षीस स्पर्धा कमिटीने जाहीर करण्यात आले होते. यामुळे अनेक वर्षांनंतर सर्जा-राजा, ढवळ्या-पवळ्या या शर्यतीत तुफान वेगाने पळाले. भिर्र-भिर्रच्या आवाजात धुरळा उडवत अनेक बैलगाडा मालकांनी यात सहभाग घेतला. बैलगाडा मालकांना अशा शर्यतीची ओढ लागलेली असते. त्यामुळे सुप्रीम कोर्टाने दिलेल्या निर्णयानंतर महाराष्ट्रात बैलगाडा शर्यतीचा धुरळा उडाला असताना सोलापूरमध्ये सुद्धा आता या बैलगाडा शर्यतीचा पहिला धुरळा उडला आहे.
Narayan Rane : केंद्रीय मंत्री नारायण राणे यांना पालिकेकडून 15 दिवसांची मुदतवाढ
Narayan Rane : केंद्रीय मंत्री नारायण राणे यांच्या बंगल्यातील बांधकाम नियमिततेचा अर्ज नामंजूर करण्यात आला आहे. कागदपत्र सादर करण्यासाठी नारायण राणे यांना पालिकेकडून 15 दिवसांची मुदतवाढ देण्यात आली आहे.
शेतकऱ्यांचा बाजार समिती मध्ये मुक्काम
हिंगोली कृषी उत्पन्न बाजार समितीमध्ये आपल्या हळदीचा लिलाव व्हावा यासाठी अनेक शेतकऱ्यांनी हळद भरून गाड्या कृषी उत्पन्न बाजार समिती मध्ये दाखल केले आहे परभणी नांदेड यवतमाळ वाशिम या जिल्ह्यातून मोठ्या प्रमाणात शेतकरी हळद विक्री साठी घेऊन आले आहेत मोठ्या प्रमाणात हळद आवक झाल्याने हळदीच्या गाड्यांच्या लांबच लांब रांगा लागल्या आहेत अनेक शेतकरी कालपासून हळद घेऊन आले आहेत या शेतकऱ्यांना 2 दिवसाचं वाहनाचा भाडे सुद्धा द्यावे लागत असल्याने मोठा आर्थिक फटका शेतकऱ्यांना बसतोय.
महत्त्वाच्या बातम्या
ट्रेंडिंग न्यूज
