Ramdas Athawale : आयकर विभागाच्या छापेमारीने अजित पवारांना फरक पडणार नाही : रामदास आठवले
पाकिस्तान भारतावर अनेक हल्ले करत आहेत. त्यामुळे भारत पाकिस्तान मॅच होऊ नये, असे मत केंद्रीय राज्यमंत्री रामदास आठवले यांनी व्यक्त केले आहे.
पुणे : आयकर विभागाने छापेमारी केली असली तरी त्याचा उपमुख्यमंत्री अजित पवारांना काही फरक पडणार नाही, असं वक्तव्य केंद्रीय राज्यमंत्री रामदास आठवलेंनी केले आहे. ते पुण्यात पत्रकार परिषदेत बोलत होते. शिवाय अजित पवारांच्या बहिणींच्या घरी जी पाच दिवसांची चौकशी झाली. ती चौकशी आयकर विभागाने तातडीनं करायला हरकत नव्हती, असं ही आठवलेंनी यावेळी सूचित केलं. पण आयकर विभाग, ईडी, सीबीआय यासारख्या यंत्रणांकडून सुरू असणाऱ्या चौकशीमागे केंद्राचा कोणताही हात नाही, हे सांगायला आठवले विसरले नाहीत.
पाकिस्तानवर पुन्हा एकदा सर्जिकल स्ट्राईक करायला पाहिजे
रामदास आठवले म्हणाले, अनेकजण उद्योग करण्यासाठी जम्मू काश्मीरमध्ये येत असतात त्यांना दहशतवादी मारत आहेत. पाकिस्तानवर पुन्हा एकदा सर्जिकल स्ट्राईक करायला पाहिजे. पाकिस्तानने हल्ले थांबवले पाहिजेत त्यांना विकास करायचा असेल तर दहशतवादी कारवाई थांबवून पाकव्याप्त जम्मू भारताच्या ताब्यात द्यायला हवा. नाही तर एकदा पाकशी आर पार लढाई करायला लागेल. पाकिस्ताचे फार लाड करून चालणार नाही.
भारत पाकिस्तान मॅच होऊ नये
भारत पाकिस्तान मॅच होऊ नये असं माझं मत आहे. भारताने पाकिस्तान बरोबर खेळू नये. पाकिस्तान अनेक हल्ले करत आहेत. मी जयेश शहा यांना पाकिस्तानशी खेळू नये असे सांगेल. खेळामध्ये राजकारण आणू नये खरं आहे पण अशा परिस्थितीत खेळू नये, असे देखील ते म्हणाले.
सरकार अस्थिर करण्याची आम्हाला गरज नाही
सरकार अस्थिर करण्याची आम्हाला गरज नाही. सर्व यंत्रणा देशाच्या ताब्यात असल्या तरी मोदी सरकार अशा सूचना देत नाही. सरकार अस्थिर करायचं असत तर एक वर्षांपूर्वी केलं असते. पवार साहेबांचा आदर आहे. पण केंद्र सरकार धाडी टाकायला लावत नाही, असे देखील आठवले म्हणाले.
राज्यात महापालिका निवडणुकीत आम्ही भाजपसोबत आमचा पक्ष राहणार
राज्यात महापालिका निवडणुकीत आम्ही भाजपसोबत आमचा पक्ष राहणार आहे. आरपीआयला पुण्याच महापौर पद मिळालं पाहिजे तर मुबंईमध्ये उपमहापौर मिळाले पाहिजे. पुण्यात 15 ते 20 तर मुबंईमध्ये 30 ते 35 जागा मिळाल्या पाहिजे, असे आठवले म्हणाले.
आरपीआय असताना भाजपला मनसेची गरज नाही
आरपीआय असताना भाजपला मनसेची गरज नाही. मनसेमुळे भाजपचे नुकसान होऊ शकते. त्यांचा परप्रांतियांचा मुद्दा भाजपला नुकसानकारक ठरेल. भाजपने राज ठाकरे यांच्या नादी लागू नये, आम्ही भाजपचा नाद सोडला तर ते आमचा नाद सोडणार नाहीत, असा इशारा देखील त्यांनी या वेळी दिला आहे.
महत्त्वाच्या बातम्या
