Arvind Kejriwal: E-20 पेट्रोलविरोधात अरविंद केजरीवालांचा एल्गार; सरकारकडे तीन मागण्या अन् थेट पीएम मोदींच्या निवासस्थानापर्यंत 4 ऑगस्टला किती लोकांचा मोर्चा नेणार हे सुद्धा सांगितलं
Arvind Kejriwal: टाऊन हॉलनंतर झालेल्या पत्रकार परिषदेत केजरीवाल म्हणाले की, जर इथेनॉल फायदेशीर नसेल, तर त्याचा प्रचार का केला जात आहे? सरकार ते नागरिकांवर का लादत आहे?
Arvind Kejriwal: आम आदमी पार्टीने E-20 पेट्रोलच्या मुद्द्यावर 'राष्ट्रीय टाऊन हॉल'चे आयोजन केले होते. 'आप'चे संयोजक अरविंद केजरीवाल म्हणाले की, ते 3 ऑगस्ट रोजी दुपारी याचिका गोळा करतील. त्यानंतर ते 4 ऑगस्ट रोजी सुमारे 100 लोकांसोबत लोक कल्याण मार्गावरील पंतप्रधान नरेंद्र मोदी यांच्या निवासस्थानापर्यंत मोर्चा काढतील. टाऊन हॉलनंतर झालेल्या पत्रकार परिषदेत केजरीवाल म्हणाले की, जर इथेनॉल फायदेशीर नसेल, तर त्याचा प्रचार का केला जात आहे? सरकार ते नागरिकांवर का लादत आहे?
आजच्या टाऊन हॉलमध्ये लोकांनी तीन मागण्या केल्या
- पेट्रोल पंपावरील ग्राहकांना पर्याय उपलब्ध असावा: ज्यांना ई20 इंधन हवे आहे त्यांना ई20 खरेदी करता यावे आणि ज्यांना शुद्ध पेट्रोल हवे आहे त्यांना शुद्ध पेट्रोल खरेदी करण्याचा पर्याय असावा.
- ई20 इंधनाची किंमत शुद्ध पेट्रोलपेक्षा कमी असावी.
- जागतिक स्तरावर कच्च्या तेलाच्या किमती कमी असल्यामुळे, पेट्रोलची किरकोळ किंमत प्रति लिटर 84 रुपयांपेक्षा कमी असावी.
केजरीवाल म्हणाले, इथेनॉल पेट्रोलपेक्षा महाग
केजरीवाल म्हणाले की, इथेनॉलमुळे लोकांना समस्या येत आहेत. ते पेट्रोलपेक्षा महाग आहे, कमी मायलेज देते, शेतकऱ्यांना फायदा होत नाही आणि परकीय चलनाची बचतही होत नाही. शिवाय, इथेनॉल प्रकल्पांच्या आसपासच्या भागातील भूजल प्रदूषित होते. ई-20 मुळे वाहनांना कोणतेही नुकसान होत नाही, असा दावा करण्यासाठी सरकारने जो अहवाल सादर केला होता, तो सार्वजनिक करावा, असे आवाहनही त्यांनी सरकारला केले. या कार्यक्रमात विविध राज्यांतील लोकांनी सहभाग घेतला आणि ई-20 वापरण्याचे त्यांचे अनुभव तसेच त्यांना त्यांच्या वाहनांसोबत येत असलेल्या समस्यांबद्दल सांगितले.
भारतात ई-20 पेट्रोलला विरोध का होत आहे?
20 टक्के इथेनॉल आणि 80 टक्के पेट्रोलच्या या मिश्रणाला भारतात विरोध होत आहे. 2023 पूर्वी उत्पादित पेट्रोल वाहनांचे मालक विशेषतः चिंतित आहेत. त्यांचा दावा आहे की, या इंधनामुळे वाहनांचे मायलेज कमी होत आहे, देखभालीचा खर्च वाढत आहे आणि इंजिनचे भाग लवकर खराब होत आहेत.
आपने पंतप्रधानांना उद्देशून एक ऑनलाइन याचिका सुरू केली
यापूर्वी, आपने पंतप्रधानांना उद्देशून एक ऑनलाइन याचिका सुरू केली होती, ज्यावर दोन लाखांहून अधिक लोकांनी स्वाक्षरी केली आहे. शनिवारच्या कार्यक्रमानंतर, ते ही याचिका सादर करण्यासाठी पंतप्रधानांच्या निवासस्थानी भेट देतील.
इतर महत्वाच्या बातम्या
Before You Go
Narendra Modi On Jantar Mantar : मला आणि माझ्या आईला शिवीगाळ, मोदींकडून नवीन व्हिडिओ पोस्ट
महत्त्वाच्या बातम्या
