Ajit pawar plane crash :  विमान अपघातात अजित पवार यांचं निधन, 10 महत्वाचे मुद्दे 

Ajit pawar plane crash : उपमुख्यमंत्री अजित पवार यांचा विमानाचा अपघातात (Ajit Pawar Baramati Plane Crash)  मृत्यू झाला आहे.

Ajit pawar plane crash

Source : Getty Images

Ajit pawar plane crash :  राज्याचे उपमुख्यमंत्री अजित पवार यांचा विमानाचा अपघातात (Ajit Pawar Baramati Plane Crash)  मृत्यू झाला आहे. जिल्हा परिषद निवडणुकीच्या प्रचारासाठी अजित पवार बारामतीमध्ये येत असताना अजित पवारांचा हा अपघाती मृत्यू झाला. अजित पवार यांच्या निधनानंतर महाराष्ट्रात शोककळा पसरली आहे. बारामती येथील विमान अपघातात अजित पवारांसह पाच जणांचा मृत्यू झाला. गुरुवारी (29 जानेवारी) सकाळी 11 वाजता राजकीय इतमामात त्यांच्यावर अंत्यसंस्कार केले जाणार आहेत.

लँडिंगपूर्वी विमान अपघात

अजित पवार यांचे विमान बारामतीमध्ये उतरण्यापूर्वीच कोसळले. या अपघातात त्यांचा मृत्यू झाला आहे. आज अजित पवार हे बारामतीमध्ये तीन जाहीर सभांना उपस्थित राहणार होते. या अपघातानंतर लगेच सुरक्षा यंत्रणा, पोलिस आणि अग्निशमन दलाचे पथक घटनास्थळी पोहोचले होते. त्यानंतर विमानातील आग विझवण्यात आली.

बारामती विमान अपघाताबद्दल 10 महत्त्वाचे मुद्दे 

1) दिल्लीस्थित व्हीएसआर व्हेंचर्सच्या लिअरजेट 46 या विमानाने अजित पवार सकाळी 8 वाजून 10 मिनीटांनी मुंबईहून उड्डाण केले होते. त्यानंतर सकाळी 8 वाजून 45 वाजता विमानाचा रडारशी संपर्क तुटला होता.

2) डीजीसीएच्या अधिकाऱ्याने दिलेल्या माहितीनुसार या विमानात अजित पवार यांच्यासह पाच जण होते.

3) एका पोलिस अधिकाऱ्याने दिलेल्या माहितीनुसार विमान सकाळी 8.50 वाजता कोसळले.

4) अजित पवार यांच्या मृतदेहाची ओळख त्यांच्या घड्याळावरून पटवण्यात आली.

5) बारामती विमान अपघातात पायलट कॅप्टन सुमित कपूर आणि सह-पायलट कॅप्टन शांभवी यांचाही मृत्यू झाला आहे. विमान अपघाताचे कारण चौकशीनंतर स्पष्ट होईल.

6) बारामतीमध्ये झालेल्या अपघातावेळी सुरक्षा रक्षक विदिप जाधव हे अजित पवारांसोबत उपस्थित होते. विदिप जाधव यांचाही अपघातात मृत्यू झाला.

7) पंतप्रधान मोदींनी ट्विटरवर पोस्ट करून अजित पवार यांच्या निधनाबद्दल तीव्र शोक व्यक्त केला.अजित पवार हे तळागाळातील नेते होते. एक कृतीशील माणूस म्हणून लोकांमध्ये त्यांचा आदर होता. त्यांचे जाणे अत्यंत दुःखद आणि धक्कादायक असल्याच्या भावना पंतप्रधान नरेंद्र मोदी यांनी व्यक्त केल्या आहेत. 

8) अजित पवार यांच्या निधनाबद्दल महाराष्ट्राचे मुख्यमंत्री देवेंद्र फडणवीस यांनीही शोक व्यक्त केला आहे. पक्ष आणि कुटुंबासाठी हा कठीण काळ आहे. आम्ही दोघांनीही एकत्र संकटांचा सामना केला आहे.

9) अजित पवार यांच्या निधनानंतर, महाराष्ट्र सरकारने आज सर्व राज्यस्तरीय कार्यक्रम रद्द केले आहेत. महाराष्ट्रात तीन दिवसांचा शासकीय दुखवटा जाहीर करण्यात आला आहे.

10) बारामती विमान अपघाताची चौकशीची मागणी केली जात आहे. एएआयबी टीम विमान अपघात स्थळाला भेट देऊन चौकशी करणार आहे. ही टीम दिल्लीहून बारामतीला रवाना झाली आहे.

महत्वाच्या बातम्या: