Smart Bulletin : स्मार्ट बुलेटिन : 21 जानेवारी 2022 : शुक्रवार : ABP Majha

देश-विदेशातील महत्त्वाच्या बातम्यांचा आढावा एबीपी माझाच्या स्मार्ट बुलेटीनमध्ये...

SMART BULLETIN

दररोज सकाळी हे बुलेटिन प्रसारित केलं जातं. एबीपी माझाच्या या बुलेटीनमध्ये दररोज सकाळी राजकीय, सामाजिक, आर्थिक, शैक्षणिक, मनोरंजन, क्रिडा विश्वातील महत्त्वाच्या दहा बातम्यांचा आढावा घेतला जातो... 

1. 18 वर्षांवरील सर्वांचं लसीकरण सुरु असतानाही कॉलेज सुरु करण्याबाबत अद्याप निर्णय नाही, तर सोमवारपासून राज्यभरातल्या शाळा सुरु होणार

2.  पाच वर्षांखालील मुलांना मास्क बंधनकारक नाही, आरोग्य मंत्रालयाची नवीन नियमावली, 6 ते 11 वयोगटातील मुलांना पालकांच्या निगराणीखाली मास्कचा वापर करण्याच्या सूचना

3. राष्ट्रवादीचे खासदार अमोल कोल्हे नथुराम गोडसेच्या भूमिकेत, 'Why I Killed Gandhi' चित्रपटावरुन वादाची शक्यता, 2017 मधील चित्रपट ओटीटी प्लॅटफॉर्मवर प्रदर्शित होणार

अमोल कोल्हे... राष्ट्रवादी काँग्रेसचे खासदार... मात्र अमोल कोल्हे म्हटलं की डोळ्यासमोर उभी राहते ती त्यांनी साकारलेली छत्रपती शिवाजी महाराज आणि संभाजीराजेंची भूमिका... मात्र हेच अमोल कोल्हे आता नथुराम गोडसेच्या भूमिकेत दिसणार आहेत. होय तोच नथुराम ज्याने राष्ट्रपिता महात्मा गांधी यांची हत्या केलीय. कोल्हे यांच्या २०१७ साली चित्रीत झालेल्या WHY I KILLED GANDHI या चित्रपटातील नथुराम गोडसेच्या भूमिकेवरुन वाद निर्माण झालाय. हा चित्रपट आता लाईमलाईट या ओटीटी प्लॅटफॉर्मवर प्रदर्शित होणार आहे. मात्र या चित्रपटात कोल्हे यांनी साकारलेली भूमिका अनेकांना रुचलेली नाही. राष्ट्रवादी काँग्रेसचे नेते जितेंद्र आव्हाड यांनीही कोल्हे यांनी साकारलेल्या नथुरामच्या भूमिकेला विरोध केलाय. दरम्यान महात्मा गांधींजींच्या हत्येचं कधीही समर्थन केलेलं नाही असं कोल्हे यांनी म्हटलंय. तसंच नथुरामचं उद्दातीकरण केलं नसल्याचंही त्यांनी स्पष्ट केलं आहे.  

4. अभिनेता किरण माने आणि स्टार प्रवाहमधला वाद मिटवण्यासाठी राजकीय मध्यस्थी, मानेंसह वाहिनीचे प्रमुख सतीश राजवाडे जितेंद्र आव्हाडांच्या भेटीला, वादावर तोडगा निघण्याची शक्यता

5. मुंबईकरांपाठोपाठ ठाणेकरांनाही दिलासा, 500 चौरस फुटांपर्यंतच्या घरांना मालमत्ता कर माफ करण्याचा लवकरच निर्णय, नगरविकासमंत्री एकनाथ शिंदेंची माहिती

पाहा व्हिडीओ : स्मार्ट बुलेटिन : 21 जानेवारी 2022 : शुक्रवार

6. रुग्णालयातील महिला सफाई कामागारानं चुकीचं इंजेक्शन दिल्यानं बाळ दगावलं, मुंबईतल्या शिवाजी नगरमधल्या नूर रुग्णालयातील धक्कादायक प्रकार, डॉक्टरांसह चौघांवर गुन्हा

7. भाजपनं पणजीतून तिकीट नाकारल्यानंतर पर्रिकरांचे पुत्र उत्त्पल अपक्ष लढण्याची शक्यता, तर माजी मुख्यमंत्री लक्ष्मीकांत पार्सेकरही बंडाच्या पवित्र्यात

8. हिंदू वारसाहक्क कायदा येण्यापूर्वीच्या प्रकरणातही महिलांना वडिलोपार्जित संपत्तीत समान हक्क, सर्वोच्च न्यायालयाचा महत्त्वपूर्ण निर्णय

9. 23 ऑक्टोबरला क्रिकेटच्या मैदानावर हायव्होल्टेज सामना, टी-20 विश्वचषकात भारत आणि पाकिस्तान एकमेकांशी भिडणार

10. टीम इंडियासमोर एकदिवसीय मालिका वाचवण्याचं आव्हान, दक्षिण आफ्रिकेविरोधातल्या दुसऱ्या सामन्यात ऋतुराज गायकवाडला संधी मिळण्याची शक्यता

दिवसभरातील महत्त्वाच्या बातम्यांचा आढावा घेण्यासाठी एबीपी माझा लाईव्ह पाहा