Lok Sabha Elections 2024 : राज्यात 'या' 7 आमदारांना खासदारकी मिळाली; आमदारकीचा कोणता निर्णय घेणार?

महाराष्ट्रातून 13 आमदारांनी लोकसभा निवडणूक लढवली होती, त्यापैकी फक्त 7 आमदार विजयी झाले. विजयी झालेल्यांमध्ये काँग्रेसचे 5 आणि एकनाथ शिंदे यांच्या शिवसेनेचे 2 आहेत

Lok Sabha Elections 2024

Lok Sabha Elections 2024 : लोकसभा निवडणुकीत अनेक आमदार विजयी झाले आहेत. त्यामुळे लोकसभा विजयानंतर आता आमदारकीचा राजीनामा द्यावा लागणार आहे. समाजवादी पक्षाचे (एसपी) प्रमुख अखिलेश यादव यांनी आज (12 जून) उत्तर प्रदेशातील करहल विधानसभा मतदारसंघाचा राजीनामा दिल. कन्नौज लोकसभा मतदारसंघातून ते प्रचंड मतांनी विजयी झाले. भाजप खासदार जितिन प्रसाद आणि सपा नेते अवधेश प्रसाद यांनीही राजीनामा दिला आहे. उत्तर प्रदेशातील आणखी सात आमदारांनी लोकसभा निवडणुकीत विजय मिळवला आहे.

मोदींच्या मंत्रिमंडळात स्थान मिळाले

भाजपचे जितिन प्रसाद उत्तर प्रदेश सरकारमध्ये पीडब्ल्यूडी विभागाची जबाबदारी सांभाळत होते, परंतु एनडीए कॅबिनेटमध्ये स्थान मिळाल्यानंतर त्यांनी हे पद सोडले. त्यांना केंद्र सरकारमध्ये वाणिज्य आणि उद्योग राज्यमंत्रीपदाची जबाबदारी मिळाली आहे. यासोबतच इलेक्ट्रॉनिक्स आणि माहिती तंत्रज्ञान विभागाचा कार्यभारही देण्यात आला आहे. त्याचवेळी फैजाबादच्या मिल्कीपूर मतदारसंघातून अवधेश प्रसाद यांनी राजीनामा दिला आहे. यावेळी त्यांनी फैजाबाद लोकसभा मतदारसंघातून विजय मिळवला आहे.

महाराष्ट्राचे 7 आमदार खासदार झाले

महाराष्ट्रातून 13 आमदारांनी लोकसभा निवडणूक लढवली होती, त्यापैकी फक्त 7 आमदार विजयी झाले. विजयी झालेल्यांमध्ये काँग्रेसचे 5 आणि एकनाथ शिंदे यांच्या शिवसेनेचे 2 आहेत, तर एक आमदार सध्याच्या महाराष्ट्र सरकारमध्ये मंत्री आहे. काँग्रेस आमदारांमध्ये कल्याण काळे, प्रतिभा धानोरकर, बळवंत वानखेडे, वर्षा गायकवाड आणि प्रणिती शिंदे यांचा समावेश आहे. त्याचवेळी एकनाथ शिंदे यांच्या शिवसेनेचे संदिपान भुमरे आणि रवींद्र वायकर हेही खासदार झाले आहेत. राज्यमंत्रिपदाची जबाबदारीही संदिपान भुमरे सांभाळत आहेत. दरम्यान, महाराष्ट्र विधानसभेचा कालावधी काही महिन्यांचा राहिल्याने या जागा आता रिक्त राहण्याची चिन्हे आहेत.  

राहुल गांधी यांनीही राजीनामा दिल्याची चर्चा 

काँग्रेसचे खासदार राहुल गांधी यांनीही राजीनामा दिल्याची चर्चा आहे. केरळमधील वायनाड आणि उत्तर प्रदेशातील रायबरेली येथून त्यांनी लोकसभा निवडणूक लढवली आणि दोन्ही जागा जिंकल्या. आपण कोणती जागा घेणार आणि कोणती जागा सोडणार हे त्यांनी अद्याप ठरवलेले नाही. मात्र, गेल्या लोकसभेत ते वायनाडचे प्रतिनिधीत्व करत होते. कोणती जागा सोडायची या द्विधा मनस्थितीत असल्याचे त्यांचे म्हणणे आहे.

यूपीचे हे आमदार खासदारही झाले

आंबेडकर नगरच्या कटेहरी विधानसभा मतदारसंघातून सपा आमदार लालजी वर्मा, अलिगडच्या खैर मतदारसंघातून भाजपचे आमदार प्रवीण पटेल, मिर्झापूर जिल्ह्यातील माझवा येथून निषाद पक्षाचे आमदार विनोद कुमार बिंद, मुरादाबादच्या कुंडरकी विधानसभा मतदारसंघातून सपा आमदार झियाउर रहमान बुर्के, गाझियाबाद विधानसभा मतदारसंघातून निवडून आले आहेत. अतुल गर्ग, फुलपूरचे भाजप आमदार प्रवीण पटेल आणि मीरापूरमधून आरएलडीचे आमदार चंदन चौहान यांनीही लोकसभा निवडणुकीत विजय मिळवला आहे.

आसाम काँग्रेसच्या आमदारानेही राजीनामा दिला 

आसाममधील काँग्रेस आमदार रकीबुल हुसैन यांनी मंगळवारी राजीनामा दिला. लोकसभा निवडणुकीत ते मोठ्या मताधिक्याने विजयी झाले होते. नागाव जिल्ह्यातील समगुरी विधानसभा मतदारसंघातून ते सलग पाच वेळा आमदार राहिले आहेत. पक्षाने त्यांना धुबरी मतदारसंघातून लोकसभेत उभे केले होते.

पंजाबमधील चार आमदारांना 20 जूनपर्यंत राजीनामा द्यावा लागणार

पंजाबमध्येही लोकसभा निवडणुकीत विजयी झालेले चार आमदार 20 जूनपर्यंत राजीनामा देऊ शकतात. त्यापैकी दोन काँग्रेसचे तर दोन आम आदमी पक्षाचे (आप) आमदार आहेत. सुखजिंदरसिंग रंधावा हे गुरुदासपूरचे काँग्रेसचे आमदार आहेत आणि अमरिंदर सिंग राजा वाडिंग हे लुधियानाचे आहेत. त्याचवेळी संगरूरमधून खासदार झालेले आप मंत्री गुरमीत सिंग हे बर्नालाचे आमदार आहेत आणि होशियारपूर लोकसभा मतदारसंघातून विजयी झालेले राज कुमार हे चब्बेवालचे आमदार आहेत.