Latur News: माजी केंद्रीय गृहमंत्री शिवराज पाटील चाकूरकर यांच्या भावाची स्वतःवर गोळी झाडून आत्महत्या

Latur News: घटनेची माहिती मिळताच पोलिसांनी घटनास्थळी धाव घेतली असून, पोलिसांकडून पंचनामा करण्यात येत आहे.

Latur News: माजी केंद्रीय गृहमंत्री शिवराज पाटील चाकूरकर यांच्या भावाची स्वतःवर गोळी झाडून आत्महत्या

Latur News: माजी केंद्रीय गृहमंत्री शिवराज पाटील चाकूरकर (Shivraj Patil Chakurkar) यांच्या चुलत भावाने स्वतःवर गोळी झाडून आत्महत्या (Suicide) केल्याची धक्कादायक घटना लातूरमध्ये समोर आल्याने खळबळ उडाली आहे. चंद्रशेखर पाटील चाकूरकर (वय 81 वर्षे) (Chandrasekhar Patil Chakurkar) असे आत्महत्या करणाऱ्या चाकूरकरांच्या भावाचे नाव आहे. चंद्रशेखर चाकूरकर हे लातूर शहरातील आदर्श कॉलनी भागात राहत होते. दरम्यान घटनेची माहिती मिळताच पोलिसांनी घटनास्थळी धाव घेतली असून, पोलिसांकडून पंचनामा करण्यात येत आहे. तर चंद्रशेखर चाकूरकर यांचे मृतदेह शवविच्छेदनासाठी शासकीय रुग्णालयात पाठवण्यात येणार आहे. विशेष म्हणजे आत्महत्या करण्यापूर्वी त्यांनी परिचित असलेल्या अनेकांना 'गूड बाय' असा टेक्स मॅसेज केला होता. 

चंद्रशेखर चाकूरकर हे शिवराज पाटील चाकूरकर यांचे चुलत भाऊ आहेत. दररोज सकाळी ते फिरायला घराबाहेर पडायचे. त्यानंतर ते स्वताच्या घरी जाण्याऐवजी शिवराज पाटील चाकूरकर यांच्या घरी जत होते. तिथे चहा पाणी झाल्यावर तेथील पेपर वाचत बसणे ही त्याची खूप वर्षापासूनची सवय आहे. त्यानंतरच ते बाजूलाच असलेल्या स्वतःच्या घरी जात होते. तर शिवराज पाटील चाकूरकर यांच्या कुटुंबातील अधिकतर व्यक्ती हे लातूर येथील निवासस्थानी कधीतरीच हजर असतात. आज शिवराज पाटील चाकूरकर यांचे चिरंजीव शैलेश पाटील हे सकाळी घरातच होते.  

दरम्यान सकाळी फिरून आल्यावर नित्याप्रमाने चंद्रशेखर चाकूरकर हे शिवराज चाकूरकर यांच्या घरी आले. घरात आल्यावर शैलेश पाटील यांनी त्यांना चहा घ्या मी आवरून येतो, असे सांगून निघून गेले.  मात्र काहीवेळाने गोळीचा आवाज झाला. त्यामुळे घरातील नोकर आणि शैलेश पाटील हे धावत हॉलमध्ये आले. यावेळी त्यांना तिथे चंद्रशेखर पाटील चाकूरकर हे रक्ताच्या थारोळ्यात पडलेले दिसून आले. तर घटनेची माहिती तात्काळ लातूर पोलिसांना देण्यात आली आहे. पोलिसांनी घटनास्थळी धाव घेत पंचनामाची प्रक्रिया सुरू केली आहे. 

अनेकांना केला 'गूड बाय'चा मॅसेज 

दरम्यान चंद्रशेखर चाकूरकर यांनी आधीच आत्महत्या करण्याचा निश्चीय केला असल्याचं समोर आले आहे. कारण आज सकाळी जेव्हा ते नेहमीप्रमाणे घरातून बाहेर पडले, त्यानतंर त्यांनी स्वताच्या मोबाईल मधील परिचित असलेल्या अनेकांना 'गूड बाय' असा टेक्स मॅसेज केला होता. तर काही वेळाने व्हॉट्सअँपवर देखील त्यांनी 'गूड बाय' स्टेटस ठेवला होता. त्यानंतर त्यांनी स्वतःच्या परवानाधारक पिस्तुलातून गोळी झाडून आत्महत्या केली आहे.

सततच्या आजारपणाला कंटाळून गेले होते.

चंद्रशेखर पाटील चाकूरकर हे वडिलोपार्जित शेती पाहत होते. त्यांना दोन मुले आणि दोन मुली आहेत. सर्वच मुलांची लग्न झाले आहेत. तर ते सध्या एका मुलाबरोबर शिवराज चाकूरकर यांच्या घराच्या बाजूला असलेल्या फ्लॅटमध्ये राहत होते. वयोमानाप्रमाणे त्यांना अनेक शारीरिक व्याधी होत्या. त्यामुळे ते सततच्या आजारपणाला कंटाळून गेले होते. तर घरात सून मुलगा आणि नातवंडे असल्यामुळे त्यांनी एकांत जागा म्हणून चाकूरकर यांच्या घरातील हॉलमध्ये आत्महत्या केली असावी, असा अंदाज व्यक्त करण्यात येत आहे. तर चंद्रशेखर पाटील चाकूरकर याचे चिरंजीव ॲड. लिंगराज पाटील यांनी दिलेल्या माहितीनुसार, चंद्रशेखर चाकूरकर यांची बायपास झालेली होती. अशातच अनेक व्याधी जडल्या होत्या. सततच्या आजारपणाला ते कंटाळून गेले होते. त्यातून हे कृत्य केले असावे, असा अंदाज त्यांनी वर्तवला आहे. 

महत्वाच्या इतर बातम्या :