Kolhapur Rain Update : कोल्हापूर- रत्नागिरी मार्गावरील केर्लीजवळ पाणी रस्त्यावर, कोकणात जाणारे दोन्ही मार्ग वाहतुकीसाठी बंद
गेल्या चार दिवसांपासून सुरु असलेल्या धुवाँधार पावसाने पंचगंगा नदीने मोसमात प्रथमच इशारा पातळी गाठली आहे. त्याचबरोबर राधानगरी धरणही पुर्ण क्षमतेने भरल्याने भोगावती नदीमध्ये मोठा विसर्ग सुरु आहे.
Kolhapur Rain Update : गेल्या चार दिवसांपासून सुरु असलेल्या धुवाँधार पावसाने पंचगंगा नदीने मोसमात प्रथमच इशारा पातळी गाठली आहे. त्याचबरोबर राधानगरी धरणही पुर्ण क्षमतेने भरल्याने भोगावती नदीमध्ये मोठा विसर्ग सुरु आहे. काल दिवसभरात गगनबावडा तालुक्यात सर्वाधिक 96.9 मिमी पाऊस झाला. पंचगंगेची पाणी पातळी 40 फुट 4 फुटावर गेली असून तिने इशारा पातळी गाठली आहे, तर धोका पातळी 43 फुट आहे. कोल्हापूर-रत्नागिरी मार्गावर केर्लीनजीक रस्त्यावर पाणी आल्याने वाहतूक बंद करण्यात आली आहे. त्याचबरोबर गगनबावडा मार्गही बंद झाला आहे.
राधानगरी धरणातून पाण्याचा विसर्ग सुरु झाल्याने पंचगंगा नदीच्या पाणी पातळी झपाट्याने वाढ होत आहे. आज, दुपारी 12 वाजता पंचगंगा नदीची पाणी पातळी 40 फूट 04" इंच इतकी झाली होती. पंचगंगा नदीने इशारा पातळी ओलांडल्यामुळे कोल्हापूरकरांच्या चिंतेत वाढ झाली आहे. पंचगंगेवरील 75 बंधारे पाण्याखालील गेले आहेत. यामुळे वाहतूक विस्कळीत झाली आहे. पाटबंधारे विभागाच्या वतीने नदीकाठच्या गावांना सतर्कतेचा इशारा देण्यात आला आहे.
जिल्ह्यातील प्रमुख धरणातील पाणीसाठ्याची स्थिती
राधानगरी 236.13 दलघमी, तुळशी 88.19 दलघमी, वारणा 879.31 दलघमी, दूधगंगा 599.89 दलघमी, कासारी 65.46 दलघमी, कडवी 71.24 दलघमी, कुंभी 66.25 दलघमी, पाटगाव 93.49 दलघमी, चिकोत्रा 39.72 दलघमी, घटप्रभा 44.17 दलघमी, आंबेआहोळ 30.98 जंगमहट्टी, जांबरे, चित्री मध्यम प्रकल्प व कोदे लघु प्रकल्प पूर्ण क्षमतेने भरले आहेत.
गेल्या 24 तासात तालुकानिहाय झालेला पाऊस
हातकणंगले- 12, शिरोळ -3.9, पन्हाळा- 48.9, शाहूवाडी- 56.2, राधानगरी- 54.2, गगनबावडा- 96.9, करवीर- 26.4, कागल- 13.6, गडहिंग्लज- 13.9, भुदरगड- 35.6, आजरा- 44.5, चंदगड- 51.4
#कोल्हापूर
— DISTRICT INFORMATION OFFICE, KOLHAPUR (@Info_Kolhapur) August 10, 2022
पाणीसाठा: पाटबंधारे विभाग सकाळी 7 वा. अहवाल @MahaDGIPR @InfoDivKolhapur pic.twitter.com/vB011DpnGf
#कोल्हापूर
— DISTRICT INFORMATION OFFICE, KOLHAPUR (@Info_Kolhapur) August 10, 2022
जिल्ह्यातील खंडित/बंद मार्ग- सार्वजनिक बांधकाम विभाग@MahaDGIPR @InfoDivKolhapur pic.twitter.com/lncDJZ3LWs
महत्त्वाच्या बातम्या
ट्रेंडिंग न्यूज
