Kolhapur Crime : कोल्हापुरात आत्महत्यांचे सत्र सुरुच; एकाच दिवसात विशीतील तरुणासह तिघांनी आयुष्य संपवलं
Kolhapur News : कोल्हापूर शहर (Kolhapur News) आणि जिल्ह्यात गेल्या काही दिवसांपासून आत्महत्यांचे सत्र सलग सुरुच आहे. यामध्ये तरुण आणि तरुणींच्या आत्महत्यांचे प्रमाण अत्यंत चिंताजनक आहे.
Kolhapur Crime : कोल्हापूर शहर (Kolhapur News) आणि जिल्ह्यात गेल्या काही दिवसांपासून आत्महत्यांचे सत्र सलग सुरुच आहे. यामध्ये तरुण आणि तरुणींच्या आत्महत्यांचे प्रमाण अत्यंत चिंताजनक आहे. रविवारी कोल्हापूर शहराच्या (Kolhapur Crime) उपनगरामध्ये एकाच दिवसात तिघांनी आत्महत्या केली. पाचगाव, मोरेवाडी आणि नागावमध्ये आत्महत्येच्या घटना घडल्या आहेत.
आर. के. नगरमधील दीपक करमचंद रयत (वय 50, गणेश नगर, रुमाले माळ) यांनी राहत्या घरी दोरीच्या सहाय्याने आत्महत्या केली. त्यांच्या मागे तीन भाऊ, बहीण असा परिवार आहे. आत्महत्येची दुसरी घटना मोरेवाडीत घडली. तेजस प्रशांत यादव (वय 19, रा. म्हाडा कॉलनी) या तरुणाने राहत्या घरी साडीने गळफास घेत आत्महत्या केली. तेजस हा महाविद्यालयीन विद्यार्थी होता. त्याच्या मागे आई, वडील, बहिण असा परिवार आहे. तिसरी घटना हातकणंगले तालुक्यातील नागावात घडली. नुरमहमंद साहेबजी मुल्लाणी (वय 42) यांनी राहत्या घरी आत्महत्या केली. या आत्महत्यांची नोंद करवीर आणि हातकणंगले पोलिस ठाण्यात झाली आहे.
एकाच गावात दीड महिन्यात चार तरुणांची आत्महत्या
करवीर तालुक्यातील वाकरे गावामध्ये (vakare, kolhapur) अवघ्या दीड महिन्यात चार उमद्या तरुणांनी आत्महत्या केल्याने गावकरी हबकून गेले आहेत. गावात समुपदेशन केल्यानंतरही विशाल रामचंद्र कांबळे (वय 26 वर्षे) या तरुणाने राहत्या घरी आत्महत्या करत जीवन यात्रा संपवली होती. विशाल हा फरशी फिटिंग करण्याचे काम करत होता. खोलीतून विशाल बाहेर न आल्याने वडिलांनी आंघोळीसाठी त्याला हाक मारली. मात्र, विशालकडून कोणताही प्रतिसाद न आल्याने वडिलांनी वर जाऊन पाहिले असता दोरीने गळफास घेतल्याचे दिसून आले.
काही दिवसांपूर्वीच दोनवडे (ता. करवीर) येथे एका तरुणीने दोरीने गळफास घेऊन आत्महत्या केली. समृद्धी कृष्णात कदम (वय 18 वर्षे) असे तिचे नाव आहे. पोलिसांकडून मिळालेल्या माहितीनुसार, समृद्धीने जनावरांच्या गोठ्यात दोरीने गळफास घेतला. तातडीने तिला बेशुद्ध अवस्थेत सीपीआर रुग्णालयात दाखल केले. मात्र, उपचारापूर्वीच तिचा मृत्यू झाला. दुसरीकडे लष्करात कार्यरत असलेल्या जवानाने सुट्टीवर आल्यानंतर आत्महत्या केली होती. पन्हाळा तालुक्यात काखे गावामध्ये सत्यजीत खुडे या जवानाने घरीच आत्महत्या केली. या घटनेची नोंद कोडोली पोलीस ठाण्यात झाली आहे.
इतर महत्वाच्या बातम्या
महत्त्वाच्या बातम्या
