Kolhapur Accident VIDEO : कोल्हापुरातील 'ती' भरधाव कार विद्यापीठाच्या माजी कुलगुरूंची, आतापर्यंत तिघांचा मृत्यू
Kolhapur Accident : कोल्हापुरातील शिवाजी विद्यापीठाचे माजी प्रभारी कुलगुरू वसंत चव्हाण हे कार चालवत होते. या अपघातात त्यांचाही मृत्यू झाल्याचं समोर आलं.
कोल्हापूर: सायबर चौकात झालेल्या अपघातामध्ये (Kolhapur Siber Chowk Accident) आता मोठी माहिती समोर आली आहे. तिघांच्या मृत्यूला कारणीभूत ठरलेल्या कारचे चालक हे कोल्हापुरातील माजी प्रभारी कुलगुरू असल्याचं समोर आलं आहे. वसंत चव्हाण असं माजी प्रभारी कुलगुरूंचे नाव असून त्यांची तब्येत बरी नसतानाही ते गाडी चालवत असल्याची माहिती आहे. या अपघातात वसंत चव्हाण यांचाही मृत्यू झाला आहे.
भरधाव गाडीने दोनजणांना चिरडलं
कोल्हापुरातील सायबर चौकात एका भरधाव गाडीने दोन जणांना चिरडलं तर इतर गंभीर जखमी आहेत. या भीषण अपघातात आतापर्यंत तिघांचा मृत्यू झाला आहे. या अपघातातील अन्य तीन गंभीर जखमी झाले आहेत. एका चारचाकी गाडीने चार दुचाकीस्वारांना धडक दिली असून यामध्ये दोन दुचाकीस्वार आणि ज्या कारने धडक दिली त्याचे चालक वसंत चव्हाण यांचा जागीच मृत्यू झाला.
वसंत चव्हाण हे शिवाजी विद्यापीठाचे माजी प्रभारी कुलगुरू होते. शिवाजी विद्यापीठकडून सायबर चौकात येणाऱ्या कारने ही धडक दिली. या अपघाताचा सीसीटीव्ही व्हायरल झाला असून यामधून अपघाताची भीषणता समोर येत आहे.
आजारी असतानाही गाडी चालवली
या अपघातातील कार चालक असलेले वसंत चव्हाण हे आजारी असल्याची माहिती समोर आली आहे. कारचे चालक वसंत चव्हाण यांच्या नातेवाईकांची पोलीस चौकशी करत असून त्यांना कोणता आजार होता का याची देखील तपासणी पोलीस करत आहेत. या अपघातातील जखमींना कोल्हापुरातील खाजगी रुग्णालय त्याचबरोबर सीपीआर रुग्णालयामध्ये दाखल करण्यात आले.
ही बातमी वाचा :
Before You Go
Nilesh Chandramuni Mumbai : कबुतरखाना वादानंतर निलेश चंद्रमुनींचा राज ठाकरेंना पाठिंबा : ABP Majha
महत्त्वाच्या बातम्या
