Kolhapur Ganesh : 'निर्विघ्न' दणदणाटाची कोल्हापूरमध्ये गणरायांच्या आगमनादिवशी जोरदार झलक!
Kolhapur Ganesh : तब्बल दोन वर्षांच्या प्रतीक्षेनंतर आणि होऊ घातलेल्या निवडणुकांच्या पार्श्वभूमीवर यंदा कोल्हापूरच्या गणेशोत्सवाला वेगळाच रंग चढला आहे. याची झलक गणरायांच्या आगमनादिवशी दिसून आली.
Kolhapur Ganesh : तब्बल दोन वर्षांच्या प्रतीक्षेनंतर आणि होऊ घातलेल्या निवडणुकांच्या पार्श्वभूमीवर यंदा कोल्हापूरच्या गणेशोत्सवाला वेगळाच रंग चढला आहे. याची झलक गणरायांच्या आगमनादिवशी दिसून आली.
आज कोल्हापूर शहरासह जिल्ह्यामध्ये भक्तीमय आणि अपूर्व आनंदमय वातावरणात लाडक्या बाप्पांचे आगमन झाले. पारंपरिक वाद्यांसह डीजे दणदणाटामध्ये गणरायांचे आगमन झाल्याचे दिसून आले. अनेक मंडळांनी यापूर्वीच गणरायांची मूर्ती आणून प्रतिष्ठापना केली आहे. राजारामपुरीमध्ये आज गणरायांच्या आगमनाला तरुणाई डीजेच्या तालावर थिरकताना दिसून आली. त्यामुळे उत्साह शिगेला पोहोचल्याचे दिसून आले. डीजे आणि लेझर शोमुळे आगमन मिरवणूक चांगलीच झळाळून निघाली.
यंदा कोल्हापूर शहरासह जिल्ह्यातील गणेशोत्सव हात सैल सोडूनच साजरा होणार आहे. त्यामुळे राजकीय इच्छुकांच्या मांदियाळींकडून सढळ हस्ते मदत करण्यात आली आहे. अनेक मंडळांकडून देखाव्याची तयारी करण्यात आली आहे.
आगमन मिरवणुकीसाठी 12 पर्यंत डीजेला परवानगी
दरम्यान, कोल्हापूर शहरासह जिल्ह्यात विविध गणेशोत्सव मंडळांनी दिलेल्या निवदेनानंतर जिल्हाधिकारी राहुल रेखावार यांनी 31 ऑगस्टला रोजी गणेश चतुर्थीला रात्री 12 वाजेपर्यंत डीजे लावण्यास परवानगी दिली आहे. या संदर्भात आदेश जारी करण्यात आला आहे. आवाजाची मर्यादा राखून परवानगी देण्यात येत असल्याचे जिल्हाधिकारी राहुल रेखावार यांनी आदेशात म्हटले आहे.
इतर महत्वाच्या बातम्या
महत्त्वाच्या बातम्या
