Agriculture News : पेरणी केल्यावर शेतीला दोन महिने पाण्याची गरज भासणार नाही?; जळगावच्या शेतकरी पुत्राची कमाल

Agriculture News : मका व अनेक दिवस पाणी आपल्यात साठवून ठेवण्याची क्षमता असलेल्या अन्य काही जैविक घटकांना एकत्र करून ही जैविक पावडर बनवण्यात आली आहे.

Agriculture News

मुंबई : जळगाव (Jalgaon) जिल्ह्यातील शेतकरी पुत्र व मेकॅनिकल इंजिनिअर असलेल्या प्रकाश पवार या तरुणाने शेती क्षेत्रात अत्यंत प्रभावी असे संशोधन केले आहे. एक विशिष्ट जैविक पावडर उत्पादित केली असून ही जैविक पावडर पेरणीच्या वेळी बियाण्यासोबत मिश्रण केल्यानंतर संबंधित पिकाला दीड ते दोन महिने पाण्याची गरज लागत नाही. प्रकाश पवार याने हा दावा केला आहे. या पावडरचे पेटंट देखील प्रकाश पवार याने नोंद केले आहे. 

विशेष म्हणजे प्रकाश पवार यांच्या या संशोधनाची कृषिमंत्री धनंजय मुंडे यांनी दखल घेतली आहे. मुंडे यांनी सुनील पवार यांच्याशी दूरध्वनीवरून संपर्क साधून चर्चा केली आहे. तसेच कृषी विद्यापीठातील तज्ञांची एक टीम पुढील आठवड्यात प्रकाश पवार यांनी संशोधन केलेल्या या पावडरचा व त्यांनी वापर केलेल्या शेतीचा अभ्यास करण्यासाठी जळगाव जिल्ह्यात जाणार आहे. या टीमचा अहवाल आल्यानंतर पुढील निर्णय घेण्यात येईल, असे मुंडे यांच्याकडून सांगण्यात आले आहे. 

मका व अनेक दिवस पाणी आपल्यात साठवून ठेवण्याची क्षमता असलेल्या अन्य काही जैविक घटकांना एकत्र करून ही जैविक पावडर बनवण्यात आली आहे. त्यामुळे दीड ते दोन महिने पाणी साठवून ठेवण्याची क्षमता या जैविक पावडरमध्ये आहे. कमी पावसाच्या किंवा दुष्काळी भागात ही पावडर शेतीला वरदान देणारी ठरणार असल्याचा दावा प्रकाश पवार यांनी केला आहे. 

...तर शेती क्षेत्रात क्रांती घडवणारा हा निर्णय ठरेल?

पेरणी पासून ते पिकांना पाणी देण्याच्या काळात देखील प्रकाश पवार यांनी संशोधन केलेली जैविक पावडर दीड ते दोन महिने पाणी नसले तरी पिकांना जगवु शकते. हा प्रयोग पूर्णपणे जर यशस्वी झाला तर शेती क्षेत्रात क्रांती घडवणारा हा निर्णय ठरेल. तसेच दुष्काळी व अवर्षण ग्रस्त भागात देखील ही पावडर एक प्रकारचे वरदान ठरणार आहे. म्हणूनच चाळीसगाव येथे आम्ही लवकरच कृषी विद्यापीठाच्या तज्ञांची एक टीम प्रकाश पवार यांच्या भेटीला पाठवत आहोत. या टीमचा अहवाल प्राप्त झाल्यानंतर पुढील निर्णय घेऊ, असे मत धनंजय मुंडे यांनी व्यक्त केले आहे.

मराठवाड्यासाठी वरदान ठरेल! 

नेहमी दुष्काळाचा सामना करणाऱ्या मराठवाड्यात सतत पाणीप्रश्न निर्माण होतो. त्यामुळे अनेकदा पावसाचा खंड पडल्यास दुबार पेरणीचे संकट निर्माण होतात. बऱ्याचदा दुबार पेरणी करूनही पावसाअभावी पिकं करपून जातात. त्यामुळे, प्रकाश पवार यांनी दावा केलेला प्रयोग यशस्वी ठरल्यास हे मराठवाड्यासाठी हे वरदान ठरू शकते. 

इतर महत्वाच्या बातम्या: