Weather Update Today : थंडीची प्रतीक्षा कायम! पुढील चार ते पाच दिवस पावसाचा अंदाज
IMD Weather Forecast : देशातील काही भागात पुढील चार ते पाच दिवसांत हलका ते मध्यम पाऊस स्वरुपाचा पडेल. पर्वतीय भागांत बर्फवृष्टी झाल्यामुळे उत्तर भारतात थंडी वाढू लागली आहे.
Weather Update Today : देशात थंडीची (Cold Weather) प्रतीक्षा अद्याप कायम आहे. हवामान विभागाने वर्तवलेल्या अंदाजानुसार, देशातील काही भागात पुढील चार ते पाच दिवसांत हलका ते मध्यम पाऊस स्वरुपाचा पडेल. केरळ, माहे, तामिळनाडू, पुद्दुचेरी, कराईकल आणि लक्षद्वीपमध्ये विजांचा कडकडाट आणि गडगडाटासह पावसाची शक्यता आहे. आज केरळ, तामिळनाडू आणि आज लक्षद्वीपमध्ये मुसळधार पावसाची शक्यता आहे. 12 डिसेंबरपर्यंत सिक्कीम, बंगालमध्ये भागात गारपीट होण्याची शक्यता आहे.
पुढील 24 तासांत पावसाची शक्यता
पुढील 24 तासांत नागालँड, मणिपूर, मिझोराम, त्रिपुरा, मेघालय आणि आसाम तसेच झारखंड, बिहार, उत्तर प्रदेश आणि पश्चिम बंगालमध्ये पावसाची शक्यता आहे. या आठवड्याच्या सुरुवातीला मिचॉन्ग चक्रीवादळामुळे (Cyclone Michaung) चेन्नईमध्ये जनजीवन अद्याप विस्कळीत आहे. 4 आणि 5 डिसेंबर रोजी चक्रीवादळामुळे मुसळधार पाऊस पडला, यामुळे शहरात पूर आला आणि मोठ्या प्रमाणात नुकसान झालं आहे.
उत्तर भारतात गारठा वाढला
पर्वतीय भागांत बर्फवृष्टी झाल्यामुळे उत्तर भारतात थंडी वाढू लागली आहे. लोक उबदार कपडे घालूनच घराबाहेर पडत आहेत. राजधानी दिल्लीत तापमानात सातत्याने घट होत आहे. उत्तर प्रदेश, पंजाब आणि हरियाणामध्ये जोरदार वारे वाहत असल्याने हवेत गारठा जाणवू लागला आहे. हवामान खात्याने उत्तर प्रदेश, बिहार, झारखंडमध्ये हलक्या पावसाचा अंदाज वर्तवला आहे.
उत्तर भारतात कडाक्याची थंडी
दिल्लीसह उत्तर भारतात आता तापमानात घट दिसून येत आहे. अनेक राज्यांमध्ये सकाळपासून दाट धुक्याची चादर पाहायला मिळत आहे आहे. दरम्यान, येत्या काही दिवसांत उत्तर भारतासह देशात कडाक्याची थंडी पडणार असल्याचं हवामान खात्यानं म्हटलं आहे. हवामान खात्याने दिलेल्या माहितीनुसार, आज म्हणजेच 9 डिसेंबरला बिहार, उत्तर प्रदेश, पश्चिम बंगाल, त्रिपुरा, अरुणाचल प्रदेश, तामिळनाडू, केरळ, झारखंड, तेलंगणामध्ये हलका पाऊस पडण्याची शक्यता आहे.
दक्षिण भारतात मुसळधार पावसाची शक्यता
हवामान खात्याच्या अंदाजानुसार, महाराष्ट्रात पुढील 24 तास पावसाची शक्यता असून अनेक भागात तापमानात घट झाल्याचं पाहायला मिळणार आहे. आज पंजाब, हरियाणा आणि उत्तर प्रदेशात दाट धुके दिसून येईल. याशिवाय पुढील तीन दिवस दक्षिण भारतात मुसळधार पावसाची शक्यता हवामान खात्याने वर्तवली आहे. याशिवाय बिहारमध्ये 10 डिसेंबरपर्यंत आणि ईशान्येकडील राज्यांमध्ये 9 ते 11 डिसेंबरपर्यंत दाट धुके कायम राहू शकते.
महत्त्वाच्या इतर बातम्या :
Maharashtra Weather : राज्यात गारठा वाढणार! पुढील 24 पावसाची शक्यता, हवामान कसं असेल? जाणून घ्या
Before You Go
Sharad Pawar NCP MP Meet PM Modi : मोदींच्या दरबारी कोणती 'तुतारी'? Special Report
महत्त्वाच्या बातम्या
