Uttarkashi Tunnel Accident : बोगद्यामध्ये अडकले 41 कामगार, 10 दिवसांनंतर समोर आली आतमधील ह्रदयद्रावक परिस्थिती; VIDEO पाहा

Uttarakhand Tunnel Accident : उत्तरकाशीमध्ये मागील 41 कामगार 10 दिवसांपासून बोगद्यामध्ये अडकले असून त्यांना बाहेर काढण्यासाठी शर्थीचे प्रयत्न सुरु आहेत.

Uttarkashi Tunnel Inside Video Viral

Source : @pushkardhami

Uttarkashi Silkyara Tunnel Accident Video : उत्तराखंड (Uttarakhand) मधील बोगदा दुर्घटनेत (Tunnel Accident) अडकलेल्या मजुरांचा पहिला व्हिडीओ समोर आला आहे. गेल्या 10 दिवसांपासून 41 कामगार बोगद्यामध्ये अडकून पडले आहेत. बांधकाम सुरु असलेल्या बोगद्यात माती कोसळून (Tunnel Collapse) मोठी दुर्घटना घडली, यामुळे मजूर आतमध्ये अडकले आहे. स्थानिक प्रशासनासह केंद्रीय यंत्रणा या बचावकार्यात गुंतले आहेत. आता या मजुरांचा पहिला व्हिडीओ समोर आला आहे.

बोगद्यामध्ये अडकलेल्या मजुरांचा व्हिडीओ समोर

उत्तरकाशीतील सिल्क्यरा 41 मजूर 12 नोव्हेंबरपासून अडकले आहेत. त्यांना बाहेर काढण्यासाठी युद्धपातळीवर बचावकार्य राबवलं जात आहे. या मजुरांना पाईपद्वारे अन्न आणि ऑक्सिजन पुरवठा सुरु आहे. आता या पाईपद्वारे इंडोस्कोपिक कॅमेरा पाठवून कामगारांची परिस्थिती जाणण्याचा प्रयत्न करण्यात आला आहे. यामुळे बोगद्याच्या आतील मजुरांची परिस्थिती समोर आली आहे.

स्कोपिक फ्लॅक्सी कॅमऱ्याद्वारे मजुरांना मदत

सिल्क्यारा येथील बोगदा दुर्घटनेच्या बचावकार्याला आज पुन्हा एकदा सुरुवात झाली आहे. मागील 10 दिवसांपासून हे मजूर येथे अडकले असून त्यांना बाहेर काढण्यासाठी सर्व यंत्रणांकडून युद्धपातळीवर बचावकार्य राबवण्यात येत आहे. सध्या एंडोस्कोपिक फ्लॅक्सी कॅमऱ्याद्वारे मजुरांना मदत केली जात आहे.

पाहा व्हिडीओ : बोगद्याच्या आतील मजुरांची अवस्था

#WATCH | Uttarkashi (Uttarakhand) tunnel rescue | Rescue team officials establish audio-visual contact with the workers trapped in the tunnel for the first time, through the pipeline and endoscopic flexi camera.

(Video Source: District Information Officer) pic.twitter.com/JKtAtHQtN4

— ANI (@ANI) November 21, 2023

मजुरांसाठी पहिल्यांदाच खिचडी पाठवली

उत्तरकाशीमधील बोगद्यामध्ये मागीत 10 दिवसांपासून 41 मजूर अडकले आहेत. त्यांना वाचवण्यासाठी 200 हून अधिक लोकांची टीम 24 तास बचावकार्य राबवत आहे. बोगद्यात अडकलेल्या कामगारांना सोमवारी पहिल्यांदाच अन्न पाठवण्यात आलं आहे. मुख्यमंत्री पुष्कर सिंह धामी यांनी सोशल मीडियाच्या माध्यमातून ही माहिती दिली. त्यांनी सांगितलं की, पहिल्यांदाच अडकलेल्या मजुरांसाठी खिचडी पाठवण्यात आली आहे.

बोगद्यामध्ये अडकलेल्या 41 कामगारांची सुटका कधी?

या कामगारांची सुटका नेमकी कधी होईल, असा प्रश्न सर्वांना पडला आहे. या कामगारांना सुखरुप बाहेर काढण्यास आणखी पाच ते सहा दिवस लागण्याची शक्यता आहे. बोगद्यातील माती पुन्हा खाली आल्याने बचावकार्य लांबलं आहे. दुसऱ्या चार बाजूने उभे आणि तिरप्या मार्गाने बोगदा खणून मजुरांना बाहेर काढण्याचा प्रयत्न सुरु आहे.

महत्त्वाच्या इतर बातम्या :