एक्स्प्लोर

सर्जिकल स्ट्राईक: डोग्रा आणि बिहार रेजिमेंटने बदला घेतला !

By : एबीपी माझा वेब टीम | Updated at : 30 Sep 2016 11:01 AM (IST)

नवी दिल्ली: ज्यांनी आपल्या 20 साथिदारांना गमावलं, ज्यांनी उरी हल्ल्याची भळभळती जखम घेऊन इतके दिवस प्रतीक्षा केली, त्याच जवानांनी आपल्या मित्रांच्या बलिदानाचा बदला घेतला. ज्या भारतीय जवानांनी पाकव्याप्त काश्मीरमध्ये घुसून सर्जिकल स्ट्राईक यशस्वी केलं, त्या जवानांमध्ये डोग्रा रेजिमेन्ट आणि बिहार रेजिमेन्टच्या जवानांचा समावेश होता.

चुकून नियंत्रण रेषा ओलांडलेला भारतीय जवान पाकच्या ताब्यात

पाक व्याप्त काश्मीरमध्ये झालेल्या धडक कारवाईमध्ये डोग्रा रेजिमेन्ट आणि बिहार रेजिमेन्टच्या जवानांनी लीड केल्याची माहिती एबीपी माझाच्या हाती लागली आहे. उरीमध्ये झालेल्या दहशतवादी हल्ल्यात सर्वाधिक शहीद हे बिहार आणि डोग्रा रेजमेंटचे होते. त्यामुळे आपल्या साथिदारांचा जीव घेणाऱ्या अतिरेक्यांचा खात्मा करण्याची जबाबदारी लष्कराने डोग्रा आणि बिहार रेजिमेटन्वर दिली. 27 आणि 28 तारखेच्या मध्यरात्री या दोन्ही रेजिमेन्टच्या जवानांनी अतिरेक्यांच्या 7 तळांवर चढाई केली. आणि आपल्या साथिदारांच्या बलिदानाचा बदला घेतला. त्यांनी आपले 20 जवान धारातीर्थी पाडले... पण आपल्या सैनिकांनी त्यांच्या 40 जणांचा खात्मा केला. उरी हल्ला जम्मू काश्मीरमधील उरी इथं 18 सप्टेंबर रोजी जैश-ए-मोहम्मदच्या दहशतवाद्यांनी 10 डोग्रा रेजिमेंटच्या बटालियन मुख्यालयावर हल्ला केला होता. त्या हल्ल्यात शहीद झालेल्या भारतीय जवानांची संख्या आज 20 वर पोहोचली आहे. भारताचं सर्जिकल स्ट्राईक उरी हल्ल्यानंतर आक्रमक झालेल्या भारताने थेट पाकव्याप्त काश्मीरमध्ये घुसून हल्ला चढवला. भारतीय जवानांनी 27 आणि 28 सप्टेंबरच्या रात्री दहशतवाद्यांच्या तळावर हल्ला करुन, 38 ते 40 अतिरेक्यांचा खात्मा केला. भारतीय लष्कराच्या ‘सर्जिकल स्ट्राईक’ची माहिती महासंचालक (लष्करी कारवाई) डीजीएमओ लेफ्टनंट जनरल रणबीर सिंह यांनी दिली. संबंधित बातम्या :