Ease of Living Index: देशातील 'हे' शहर आहे राहण्यास सर्वोत्कृष्ट, केंद्र सरकारचा 'इज ऑफ लिव्हिंग इन्डेक्स' जाहीर

'इज ऑफ लिव्हिंग इन्डेक्स' यादीमध्ये बंगळुरु नंतर पुणे, अहमदाबाद, चेन्नई, सुरत, नवी मुंबई, कोईम्बतूर, वडोदरा, इंदोर आणि ग्रेटर मुंबई असा क्रम लागतो.

नवी दिल्ली: बंगळुरु हे भारतातील राहण्यासाठी सर्वोत्कृष्ट शहर असल्याचं केंद्र सरकारच्या 'इज ऑफ लिव्हिंग इन्डेक्स' मध्ये सांगण्यात आलंय. या यादीमध्ये पुणे, अहमदाबाद, चेन्नई, सुरत, नवी मुंबई, कोईम्बतूर, वडोदरा, इंदोर आणि ग्रेटर मुंबई असा क्रम लागतो.

केंद्र सरकारने जाहीर केलेल्या 'इज ऑफ लिव्हिंग इन्डेक्स' मध्ये दहा लाखांच्या वरती लोकसंख्या असलेल्या 49 शहराची यादी देण्यात आली आहे. ही शहरं नागरिकांना चांगलं जीवन जगण्यास योग्य असल्याचं सांगण्यात आलंय. या यादीत दिल्लीचा 13 वा क्रमांक लागतोय.

Union Minister HS Puri announces rankings of Ease of Living Index (EoLI) 2020 & Municipal Performance Index (MPI) 2020

Bengaluru, Pune, Ahmedabad best cities in EoLI 2020 (Mn Plus Category). Shimla first in EoLI 2020 (Less than Mn Category). Indore & NDMC leading in MPI 2020. pic.twitter.com/fWdDDJqJ2V — ANI (@ANI) March 4, 2021

हा इन्डेक्स केंद्रीय गृहनिर्माण आणि शहरी मंत्रालयाकडून जाहीर केला जातो. दहा लाख लोकसंख्येपेक्षा कमी लोकसंख्येच्या शहरांमध्ये शिमला या शहराने अव्वल क्रमांक पटकवला आहे. या कॅटेगरीमध्ये भूवनेश्वर या शहराने दुसरा क्रमांक पटकावला आहे. त्यानंतर अनुक्रमे सिल्व्हासा, काकिनाडा, सेलम, वेल्लोर, गांधीनंगर, गुरुग्राम या शहरांचा क्रमांक लागतोय. मुझफ्फरपूर या शहराचा शेवटचा क्रमांक लागतोय.

'मुन्सिपल परफॉर्मन्स इन्डेक्स' मध्ये नवी दिल्ली महापालिकेने अव्व्ल क्रमांक पटकावला आहे. त्यानंतर तिरुपती, गांधीनगर, कर्नाल, सेलम, तिरुप्पूर, बिलासपूर, उदयपूर, झांशी या शहरांचा क्रमांक लागतोय.