प्रज्वल रेवण्णानंतर आता पश्चिम बंगालच्या राज्यपालांवर विनयभंग केल्याचा आरोप! पोलिसांनी सुद्धा घेतला मोठा निर्णय

3 मे रोजी राजभवनाच्या एका कंत्राटी महिला कर्मचाऱ्याने बंगालच्या राज्यपालांवर राजभवनात लैंगिक छळाचा आरोप करत कोलकाता पोलिसांकडे लेखी तक्रार दाखल केली होती.

Governor C V Ananda Bose

कोलकाता : पश्चिम बंगालचे राज्यपाल सीव्ही आनंद बोस यांच्याविरोधात एका महिलेच्या विनयभंगाच्या आरोपप्रकरणी कोलकाता पोलिसांनी तपास पथक तयार केले आहे. एका वरिष्ठ अधिकाऱ्याने दिलेल्या माहितीनुसार येत्या काही दिवसांत साक्षीदारांशी चर्चा केली जाणार आहे. त्यांनी असेही सांगितले की तपासकर्त्यांनी राजभवनाचे सीसीटीव्ही फुटेज शेअर करण्याची विनंती केली आहे.

पीटीआय या वृत्तसंस्थेनुसार, अधिकाऱ्याने सांगितले की, “आम्ही एक तपास पथक तयार केले आहे जे पुढील काही दिवसांत या प्रकरणातील काही संभाव्य साक्षीदारांशी बोलणार आहे. “आम्ही राजभवनाला सीसीटीव्ही फुटेज उपलब्ध झाल्यावर शेअर करण्याची विनंती केली आहे.” 3 मे रोजी राजभवनाच्या एका कंत्राटी महिला कर्मचाऱ्याने बंगालच्या राज्यपालांवर राजभवनात लैंगिक छळाचा आरोप करत कोलकाता पोलिसांकडे लेखी तक्रार दाखल केली होती.

राजभवनानकडून एक निवेदन जारी 

घटनेच्या कलम 361 अन्वये राज्यपालांविरुद्ध त्यांच्या कार्यकाळात कोणतीही फौजदारी कारवाई करता येत नाही. राजभवनाने एक निवेदन जारी करून म्हटले आहे की, आनंद बोस यांनी "निवडणुकीदरम्यान अनधिकृत, बेकायदेशीर, बनावट आणि प्रेरित तपास करण्याच्या नावाखाली राजभवनात पोलिसांच्या प्रवेशावर बंदी घालण्याचे आदेश दिले आहेत."

राजभवनने आरोप फेटाळला 

राजभवनने या आरोपांचे खंडन केले असून राज्यपालांना बदनाम करण्याचा हा डाव असल्याचे म्हटले आहे. तृणमूल काँग्रेसच्या वरिष्ठ नेत्यांनी दावा केला की, राज्यपाल बोस यांच्यावर राजभवनात काम करणाऱ्या एका महिलेने विनयभंगाचा आरोप आहे. बोस यांच्याविरोधात तक्रार करण्यासाठी महिलेला पोलीस ठाण्यात नेण्यात आले आहे. राजभवनने हे आरोप फेटाळून लावले आहेत.

राज्यपाल बोस म्हणाले की, ते 'बनावट आरोपांना' घाबरणार नाहीत आणि 'सत्याचाच विजय होईल'. एका निवेदनात ते म्हणाले, 'सत्याचाच विजय होईल. मी रचलेल्या कथांना घाबरत नाही. माझी बदनामी करून कोणाला काही निवडणूक फायदा मिळवायचा असेल तर देव त्यांचे भले करो पण ते बंगालमधील भ्रष्टाचार आणि हिंसाचाराच्या विरोधातील माझा लढा थांबवू शकत नाहीत. राजभवनातून जारी करण्यात आलेल्या निवेदनात म्हटले आहे की, 'दोन असंतुष्ट कर्मचाऱ्यांनी केलेल्या काही अनादरपूर्ण कृत्यांनंतर, राजभवनच्या कर्मचाऱ्यांनी त्यांच्याशी (राज्यपाल) एकता व्यक्त केली. त्यांच्याकडे तक्रार आली असून ते तपास करत असल्याचे वरिष्ठ पोलिस अधिकाऱ्यांचे म्हणणे आहे.

इतर महत्वाच्या बातम्या