Priyanka Gandhi Corona Positive : प्रियांका गांधी यांना दोन महिन्यांत दुसऱ्यांदा कोरोनाची लागण, घरीच क्वॉरंटाईन
Priyanka Gandhi Corona Positive : काँग्रेस महासचिव प्रियांका गांधींना दुसऱ्यांदा कोरोनाची लागण झाली आहे. त्या घरी क्वॉरंटाईन होणार असून कोरोनाच्या सर्व नियमांचं पालन करणार आहेत.
Priyanka Gandhi Covid-19 Positive : काँग्रेस (Congress) महासचिव प्रियांका गांधी (Priyanka Gandhi) यांना दुसऱ्यांदा कोरोनाची (Covid-19) लागण झाली आहे. प्रियांका गांधी यांचा कोरोना चाचणी अहवाल पॉझिटिव्ह आला आहे. कोरोनाची लागण झाल्यानंतर त्या घरीच क्वॉरंटाईन होणार आहेत. तसेच, त्या क्वॉरंटाईनच्या सर्व नियमांचं पालन करणार आहेत. दरम्यान, प्रियांका गांधींना दुसऱ्यांदा कोरोनाची लागण झाली आहे. यापूर्वी जूनमध्ये प्रियांका गांधी आणि सोनिया गांधींना कोरोनाची लागण झाली होती.
कोरोना अहवाल पॉझिटिव्ह आल्यानंतर प्रियांका गांधी यांनी स्वतः ट्वीट करुन यासंदर्भात माहिती दिली. त्यांनी ट्वीटमध्ये लिहिलंय की, "आज कोविड चाचणी (पुन्हा) पॉझिटिव्ह आली. होम आयसोलेशनमध्ये राहणार असून सर्व कोविड प्रोटोकॉलचे पालन करिन."
Tested positive for covid (again!) today. Will be isolating at home and following all protocols.
— Priyanka Gandhi Vadra (@priyankagandhi) August 10, 2022
दोन महिन्यांत प्रियांका दुसऱ्यांदा कोरोना पॉझिटिव्ह
प्रियंका गांधी यांना दोन महिन्यांत दुसऱ्यांदा कोरोनाची लागण झाली आहे. यापूर्वी 3 जून रोजी त्यांचा कोरोना चाचणी अहवाल पॉझिटिव्ह आला होता. त्यानंतर त्यांची आई आणि काँग्रेस अध्यक्षा सोनिया गांधी यांचाही कोरोना रिपोर्ट पॉझिटिव्ह आला होता. त्यानंतर प्रियांकानं ट्वीट करून सौम्य लक्षणं जाणवत असल्यानं कोरोना चाचणी केल्याची माहिती दिली होती. कोरोना चाचणी अहवाल पॉझिटिव्ह आल्यानंतर मात्र, त्या होम आयसोलेशनमध्ये होत्या.
काही दिवसांपूर्वीचं महागाई विरोधातील आंदोलन चर्चेत
महागाई आणि जीएसटी विरोधात काँग्रेसनं काही दिवसांपूर्वी देशभरात आंदोलन केलं होतं. यावेळी राहुल गांधी यांच्या नेतृत्वाखाली काँग्रेस खासदारांनी संसदेतून मोर्चा काढला. पोलिसांनी सर्व खासदारांना विजय चौकात ताब्यात घेतलं होतं. काँग्रेस कार्यालयापासून प्रियांका गांधी यांच्या नेतृत्वाखाली मोर्चा काढण्यात आला होता. प्रियांका गांधी रस्त्यावरच धरणं धरून बसल्या होत्या. त्यानंतर त्यांना पोलिसांनी ताब्यात घेतलं होतं.
महत्त्वाच्या बातम्या
