Queen Elizabeth Death : ब्रिटनच्या महाराणी एलिझाबेथ द्वितीय यांचं निधन, पंतप्रधान मोदींकडून श्रद्धांजली
Queen Elizabeth Death : ब्रिटनच्या महाराणी क्वीन एलिझाबेथ यांचे वयाच्या 96 व्या वर्षी निधन झालं आहे. ब्रिटनसह जगातील अनेक देशांनी शोक व्यक्त केला आहे. पंतप्रधान नरेंद्र मोदी यांनीही ट्विट करून त्यांना श्रद्धांजली वाहिली आहे.
Queen Elizabeth Death : ब्रिटनच्या महाराणी क्वीन एलिझाबेथ (Queen Elizabeth II) यांचे वयाच्या 96 व्या वर्षी निधन झालं आहे. ब्रिटनसह जगातील अनेक देशांनी शोक व्यक्त केला आहे. त्यांच्या निधनानंतर पंतप्रधान नरेंद्र मोदी यांनीही ट्विट करून त्यांना श्रद्धांजली वाहिली आहे. राणी क्विन एलिझाबेथ यांच्यासोबतचा फोटो शेअर करत पंतप्रधान मोदी यांनी त्यांच्या निधनाने आपल्याला दुख: झाले आहे, अशा भावना व्यक्त केल्या आहेत.
"महाराणी एलिझाबेथ द्वितय या आपल्या काळातील एक दिग्गज म्हणून स्मरणात राहतील. त्यांनी आपल्या देशाला आणि लोकांना प्रेरणादायी नेतृत्व दिले. सार्वजनिक जीवनात त्यांनी प्रतिष्ठा आणि सभ्यता दाखवली. त्यांच्या निधनाने मला दुख: झाले असून या दुःखाच्या काळात माझा संवेदना त्यांच्या कुटुंबियांसोबत आणि ब्रिटनच्या लोकांसोबत आहेत.” असे ट्विट पंतप्रधान मोदींनी केले आहे.
I had memorable meetings with Her Majesty Queen Elizabeth II during my UK visits in 2015 and 2018. I will never forget her warmth and kindness. During one of the meetings she showed me the handkerchief Mahatma Gandhi gifted her on her wedding. I will always cherish that gesture. pic.twitter.com/3aACbxhLgC
— Narendra Modi (@narendramodi) September 8, 2022
"2015 आणि 2018 मध्ये माझ्या यूकेच्या भेटींमध्ये राणी एलिझाबेथ यांच्यासोबत माझ्या संस्मरणीय भेटी झाल्या. त्याचा दयाळूपणा मी कधीही विसरणार नाही. एका भेटीत त्यांनी मला महात्मा गांधींनी त्यांच्या लग्नासाठी भेट दिलेला रुमाल दाखवला होता, अशी आठवण पंतप्रधान नरेंद्र मोदी यांनी आपल्या ट्विटमध्ये लिहिली आहे.
महाराणी क्वीन एलिझाबेथ द्वितीय यांनी आज वयाच्या 96 वर्षी स्कॉटलंडमधील बाल्मोरल कॅसल या ठिकाणी अंतिम श्वास घेतला. जगभरातून त्यांच्या निधनावर शोक व्यक्त केला जात आहे.
राहुल गांधींकडून शोक व्यक्त
महाराणी एलिझाबेथ द्वितीय यांच्या निधनानंतर काँग्रेसचे खासदार राहुल गांधी यांनी शोक व्यक्त केला आहे. ब्रिटनमधील लोक आणि राजघराण्यातील लोकांसोबत माझ्या संवेदना आहेत. त्यांचे दीर्घ आणि गौरवशाली राज्य होते. त्यांनी अत्यंत वचनबद्धतेने आणि आदराने आपल्या देशाची सेवा केल, असे ट्विट राहुल गांधी यांनी केले आहे.
My condolences to the people of UK and the Royal Family on the passing away of Her Majesty Queen Elizabeth II.
— Rahul Gandhi (@RahulGandhi) September 8, 2022
She had a long and glorious reign, serving her country with utmost commitment and dignity.
Before You Go
Raj Thackeray Speech | दुचाकी, चारचाकी, सिग्नल ते सरकार... नवी मुंबईतील मेळाव्यातलं राज यांचं भाषण!
महत्त्वाच्या बातम्या
