Loksabha Election : 18व्या लोकसभेचा अडीच महिने लांबलेला इतिहासातील दुसरा सर्वात मोठा प्रचार अखेर थंडावला; 1 जून रोजी अखेरच्या टप्प्यातील मतदान
सातव्या टप्प्यात एकूण 904 उमेदवार रिंगणात आहेत. एकूण उमेदवारांपैकी 328 पंजाबमधील, 144 उत्तर प्रदेश, 134 बिहार, 66 ओडिशा, 52 झारखंड, 37 हिमाचल प्रदेश आणि चार चंदीगडमधील आहेत.
Loksabha Election : लोकसभा निवडणुकीच्या (Loksabha Election) सातव्या आणि शेवटच्या टप्प्यातील मतदान शनिवारी 1 जून रोजी होणार आहे. सार्वत्रिक निवडणुकीच्या 7 व्या टप्प्यासाठीचा प्रचार आज संपेल, दोन दिवस आधी 57 लोकसभा मतदारसंघातील मतदार आठ राज्ये आणि केंद्रशासित प्रदेशात मतदान करतील. 1 जून रोजी उत्तर प्रदेश, बिहार, हिमाचल प्रदेश, पंजाब, ओडिशा, पश्चिम बंगाल, झारखंड आणि चंदीगडमधील मतदारसंघात मतदान होणार आहे. 2019 मध्ये भाजपने या 57 पैकी 25 जागा जिंकल्या होत्या. टीएमसीने आठ जागा जिंकल्या होत्या, तर काँग्रेसने सात जागा जिंकल्या होत्या. मागील निवडणुकीत या 57 जागांवर एकूण 65.29 टक्के मतदान झाले होते. पश्चिम बंगालमध्ये सर्वाधिक 78.80 टक्के मतदान झाले. त्याच वेळी, बिहारमध्ये सर्वात कमी 51.34 टक्के मतदान झाले होते.
सातव्या टप्प्यात एकूण 904 उमेदवार रिंगणात आहेत. एकूण उमेदवारांपैकी 328 पंजाबमधील, 144 उत्तर प्रदेश, 134 बिहार, 66 ओडिशा, 52 झारखंड, 37 हिमाचल प्रदेश आणि चार चंदीगडमधील आहेत.
सातव्या टप्प्यातील हाय होल्टेज लढती
वाराणसीमध्ये पंतप्रधान नरेंद्र मोदी (भाजप) विरुद्ध अजय राय (काँग्रेस)
निवडणुकीच्या शेवटच्या टप्प्यात पंतप्रधान नरेंद्र मोदी वाराणसीमध्ये काँग्रेस नेते अजय राय यांच्या विरोधात निवडणूक लढवणार आहेत. पीएम मोदी 2014 आणि 2019 मध्ये वाराणसी मतदारसंघातून विजयी झाले आणि आता त्यांच्या तिसऱ्या कार्यकाळाकडे लक्ष लागले आहे. अजय राय पूर्वी भाजपचे नेते होते, परंतु 2012 मध्ये त्यांनी काँग्रेसमध्ये प्रवेश केला.
कंगना रणौत (भाजप) विरुद्ध विक्रमादित्य सिंह (काँग्रेस) मंडीत
2024 च्या सार्वत्रिक निवडणुकांसाठी भाजपने अभिनेत्री कंगना रणौत हिमाचल प्रदेशच्या मंडी मतदारसंघातून उमेदवारी दिली आहे. माजी मुख्यमंत्री दिवंगत वीरभद्र सिंह यांचा मुलगा विक्रमादित्य सिंग यांच्याविरोधात राणौत निवडणूक लढवणार आहेत. मंडी हा वीरभद्र कुटुंबासाठी बालेकिल्ला आहे.
गोरखपूरमध्ये रवी किशन (भाजप) विरुद्ध काजल निषाद (समाजवादी पार्टी)
अभिनेते आणि राजकारणी रवी किशन हे उत्तर प्रदेशातील गोरखपूर मतदारसंघातून भाजपचे उमेदवार आहेत आणि ते समाजवादी पक्षाच्या उमेदवार काजल निषाद यांच्या विरोधात निवडणूक लढवणार आहेत.
अनुराग ठाकूर (भाजप) विरुद्ध सतपाल सिंग रायजादा (काँग्रेस) हमीरपूर
केंद्रीय मंत्री अनुराग ठाकूर हे हिमाचल प्रदेशातील हमीरपूर मतदारसंघातून भाजपचे उमेदवार असून, ते काँग्रेसचे उमेदवार सतपाल सिंह रायजादा यांच्याविरोधात निवडणूक लढवत आहेत.
डायमंड हार्बरमध्ये अभिषेक बॅनर्जी (TMC)
ममता बॅनर्जी यांचे पुतणे आणि तृणमूल काँग्रेसचे उमेदवार अभिषेक बॅनर्जी हे पश्चिम बंगालच्या डायमंड हार्बर लोकसभा मतदारसंघातून निवडणूक लढवत आहेत.
इतर महत्वाच्या बातम्या
महत्त्वाच्या बातम्या
