Petrol-Diesel Price : पेट्रोल-डिझेलचे आजचे दर जाहीर; इंधनांच्या किमतींमध्ये किती झाले बदल?

Petrol Diesel Price : आंतरराष्ट्रीय बाजारात कच्च्या तेलाच्या दरात घसरण, देशात मात्र पेट्रोल-डिझेलचे दर स्थिर...

Petrol Diesel Price Today 29 September 2022

Petrol Diesel Price Today 29 September 2022 : देशात पेट्रोल आणि डिझेलचे नवे दर (Petrol Diesel Price) जाहीर करण्यात आले आहेत. आज 29 सप्टेंबर 2022 रोजी पेट्रोल (Petrol) -डिझेलच्या दरांत कोणताही बदल करण्यात आलेला नाबी. दरम्यान, भारतीय तेल कंपन्यांकडून दररोज सकाळी 6 वाजता देशातील पेट्रोल-डिझेलचे (Diesel) नवे दर जाहीर केले जातात. आजच्या दरांनुसार, देशातील इंधन दरांत कोणताही बदल करण्यात आलेला नाही. एकिकडे आंतरराष्ट्रीय बाजारात पेट्रोल-डिझेलच्या किमतींमध्ये कोणताही बदल करण्यात आलेला नाही. तर दुसरीकडे देशातील पेट्रोल-डिझेलच्या दरांतही गेल्या कित्येत दिवसांत कोणताही बदल करण्यात आलेला नाही. 

आजचे इंधन दर काय? 

IOCL नं आज पेट्रोल-डिझेलच्या दरांत कोणताही बदल केलेला नाही. देशातील चार महानगरांतही पेट्रोल-डिझेलच्या किमती स्थिर आहेत. यापूर्वी देशात 22 मे रोजी केंद्र सरकारनं उत्पादन शुल्कात कपात केली होती. तेव्हा पेट्रोल (Petrol Price) आणि डिझेलचे दर (Diesel Price) घटले होते. त्यामुळे सर्वसामान्यांना दरात दिलासा मिळाला होता. तेव्हापासून देशात पेट्रोल-डिझेलच्या किमती स्थिर आहेत. त्यानंतर महाराष्ट्र आणि मेघालयमध्ये पेट्रोल-डिझेलच्या दरांत बदल करण्यात आला होता. राज्यात सत्तापालट झाल्यानंतर नवनिर्वाचित शिंदे सरकारनं व्हॅटमध्ये कपात केल्यामुळे पेट्रोल 5 रुपयांनी तर डिझेल 3 रुपयांनी स्वस्त झालं होतं. तेव्हापासून आतापर्यंत राज्यात पेट्रोल-डिझेलच्या किमती स्थिर आहेत. 

मुंबई, दिल्लीसह इतर महानगरांतील पेट्रोल-डिझेलच्या किमती 

शहरं	पेट्रोलच्या किमती (प्रति लिटर)	डिझेलच्या किमती (प्रति लिटर)
मुंबई	106.31 रुपये	94.27 रुपये
दिल्ली	96.72 रुपये	89.62 रुपये
चेन्नई	102.74 रुपये	94.33 रुपये
कोलकाता	106.03 रुपये	92.76 रुपये

राज्याच्या राजधानीत नाही, तर 'या' जिल्ह्यात सर्वात महाग पेट्रोल

महाराष्ट्रात सर्वात महाग पेट्रोल-डिझेल परभणी जिल्ह्यात विकलं जात आहे. परभणीत सध्याचा पेट्रोलचा दर 109.41 रुपये आणि डिझेलचा दर 95.81 रुपये प्रति लिटर आहे. तर, राज्याची उपराजधानी नागपूरमध्ये पेट्रोलचा दर 106.04 रुपये प्रति लिटर असून डिझेलचा दर 92.59 रुपये इतका आहे. पुण्यात पेट्रोलचा दर 105.84 रुपये आणि डिझेलचा दर 92.36 रुपये प्रति लिटर इतका आहे. कोल्हापूरमध्ये पेट्रोलचा दर 106.47 रुपये प्रति लिटर आणि डिझेलचा दर 93.01 रुपये प्रति लिटर इतका आहे. औरंगाबादमध्ये पेट्रोलचा दर 108 रुपये आणि डिझेलचा दर 95.96 प्रति लिटर इतका आहे. 

इंधन दर कसे पाहाल? 

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) पाहता येतील. पेट्रोल आणि डिझेलच्या किंमती ( Petrol Diesel Price) मोबाइलवरही इंधन दर पाहता येतील. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल.

महत्त्वाच्या इतर बातम्या :