Petrol Diesel Price : सणासुदीच्या काळात पेट्रोल-डिझेल स्वस्त होणार? आंतरराष्ट्रीय बाजारात कच्च्या तेलाच्या किमतीत मोठी घट

Petrol Diesel Price Today : महाराष्ट्र, मेघालय वगळता देशभरात तब्बल 107 दिवसांपासून पेट्रोल-डिझेलच्या किमती स्थिर. तुमच्या शहरांतील दर काय?

Petrol Diesel Price Today 08 September 2022

Petrol Diesel Price Today 08 September 2022 : भारतीय तेल कंपन्यांनी आज म्हणजेच, गुरुवारचे पेट्रोल-डिझेलचे दर जारी केले आहेत. आजही देशातील पेट्रोल-डिझेलच्या किमतींमध्ये कोणताही बदल करण्यात आलेला नाही. गेल्या अनेक महिन्यांपासून देशात पेट्रोल-डिझेलचे दर स्थिर आहेत. एकिकडे आंतरराष्ट्रीय बाजारात कच्च्या तेलाच्या किमतींमध्ये मोठी घट झाल्याचं पाहायला मिळत आहे. तर दुसरीकडे देशातील इंधन दरांवर याचा कोणताही परिणाम झालेला नाही. महाराष्ट्र आणि मेघालय वगळता देशातील इतर राज्यांत तब्बल साडेतीन महिन्यांपासून पेट्रोल-डिझेलचे दर (Petrol Diesel Price) स्थिर आहेत. 

कच्च्या तेलाच्या दरांत मोठी घट, 8 फेब्रुवारीनंतर पहिल्यांदाच किमती 90 डॉलर प्रति बॅरल खाली

कच्च्या तेलाच्या किंमती 8 फेब्रुवारीनंतर पहिल्यांदाच 90 डॉलर प्रति बॅरल खाली उतरल्या आहेत. जागतिक बाजारात कच्च्या तेलाच्या किंमतीत मोठी घट झाल्याचं पाहायला मिळत आहे. कच्च्या तेलाच्या किंमती 88 डॉलर प्रति बॅरलवर पोहोचल्या आहेत.  5 सप्टेंबर रोजी ओपेककडून मागणीत होत असलेली घट आणि जागतिक बाजारातील मंदीच्या सावटाच्या भीतीनं ऑक्टोबरपासून उत्पादन 1 लाख बॅरल प्रति दिवस कमी करण्याचा निर्णय घेण्यात आला आहे. 

तेलाचे भाव स्थिर करण्याचा ओपेकचा प्रयत्न सुरु आहे. मात्र कच्च्या तेलाच्या दरांत मोठी अस्थिरता दिसून येत आहे. ओपेकनं घेतलेल्या निर्णयानंतर तेलाच्या किंमतीत मोठी उसळी आली. मात्र मागणीत घट होत असल्यानं पुन्हा किंमती अस्थिर होण्यास सुरुवात झाली आहे. दरम्यान, ओपेककडून उत्पादनात केलेली घट ही जागतिक बाजाराच्या तुलनेत 0.1 टक्के असल्यानं येत्या काळात तेलाच्या दरांत फार मोठी उसळी पाहायला मिळणार नाही. मात्र तेलाच्या दरांत मोठी वाढ झाल्यास त्याचा परिणाम थेट भारतावर होणार आहे. 

भारत मोठ्या प्रमाणात कच्चं तेल ओपेक संघटनेकडून आयात करतो. अशातच आयातीचं तेल महाग झाल्यास भारताला अधिकचे पैसे मोजावे लागणार आहेत. सध्या भारतही महागाईच्या गर्तेत अडकला आहे. महागाईवर नियंत्रण मिळवण्याचा प्रयत्न भारताकडून सुरु आहे. अशातच तेलाच्या दरांत मोठी वाढ झाली तर भारताच्या संपूर्ण प्रयत्नांना खिळ बसणार आहे. संपूर्ण जगात सध्या महागाईनं नाकी नऊ आणले आहेत. गॅसच्या किंमतीत मोठी वाढ झाली असून अमेरिकेतही मागील काही महिन्यात गॅसचे दर 130 टक्क्यांनी वाढले आहेत. तर युरोपात 120 टक्क्यांची उसळी घेतली आहे. रशियाच्या ऊर्जा साठवणुकीस कॅप लावण्याचा विचार आहे. ज्यामुळे जागतिक स्तरावरील ऊर्जेचे दर वाढू शकतात. याचाही ज्याचा थेट परिणाम भारतावर होणार आहे. 

देशातील पेट्रोल-डिझेलचे आजचे दर 

इंडियन ऑइल कॉर्पोरेशन (IOCL) च्या अधिकृत वेबसाइट iocl.com नं जारी केलेल्या दरांनुसार, आज देशातील पेट्रोल-डिझेलच्या किमतींमध्ये कोणतीही वाढ अथवा घट केलेली नाही. नव्या पेट्रोल-डिझेलच्या दरांनुसार, आजही देशातील पेट्रोल-डिझेलच्या किमती स्थिर आहेत. देशाची आर्थिक राजधानी असणाऱ्या मुंबईत पेट्रोल 106.31 रुपये प्रति लिटर आणि डिझेल 94.27 रुपये प्रति लिटर दरानं विकलं जात आहे. तर देशातील राजधानीचं शहर असणाऱ्या दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर दरानं विकलं जात आहे.

महाराष्ट्रातील इतर शहरांतील पेट्रोल-डिझेलचे दर

शहर	पेट्रोलच्या किमती	डिझेलच्या किमती
मुंबई	106.25	94.22
105	92
नागपूर	106.03	92.58
नाशिक	106.74	93.23
हिंगोली	107.29	93.80
परभणी	108.92	95.30
धुळे	106.05	92.58
नांदेड	108.24	94.71
रायगड	105.96	92.47
अकोला	106.05	92.55
वर्धा	106.56	93.10
नंदुरबार	106.99	93.45
वाशिम	106. 37	93.37
चंद्रपूर	106.14	92.70
सांगली	105.96	92.54
जालना	107.76	94.22

पेट्रोल आणि डिझेलचे दर (Petrol Diesel Price ) कुठे आणि कसे पाहाल?

इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).