(Source: ECI/ABP News/ABP Majha)
Petrol and Diesel Price: धुलिवंदनाच्या दिवशी देशातील पेट्रोल-डिझेलचे दर काय? झटपट चेक करा
Petrol and Diesel Price : भारतीय तेल कंपन्यांकडून देशात पेट्रोल-डिझेलचे दर जाहीर करण्यात आले आहेत. आजही देशातील पेट्रोल-डिझेलचे दर स्थिर आहेत.
Petrol and Diesel Price : भारतातील सरकारी तेल कंपन्या दररोज पेट्रोल आणि डिझेलचे दर (Petrol and Diesel Price) जाहीर करतात. भारतीय तेल वितरण कंपन्यांनी मंगळवार, 7 मार्च 2023 साठी पेट्रोल (Petrol) आणि डिझेलच्या (Diesel) नव्या किमती जाहीर केल्या आहेत, ज्यामध्ये कोणतीही वाढ झालेली नाही. आज सलग 287वा दिवस असून देशात पेट्रोल आणि डिझेलच्या दरांत कोणताही बदल झालेला नाही.
आंतरराष्ट्रीय बाजारातील कच्च्या तेलाच्या किमतींच्या आधारे या किमती निश्चित केल्या जातात. अशा परिस्थितीत आज मंगळवार, 07 मार्च 2023 रोजी कच्च्या तेलाच्या किमतीत किंचित वाढ नोंदवली गेली आहे.
WTI क्रूड ऑइल 0.01 टक्क्यांच्या किंचित वाढीसह प्रति बॅरल 80.47 डॉलरवर व्यापार करत आहे. तसेच, ब्रेंट क्रूड ऑइल 0.41 टक्क्यांनी वाढून प्रति बॅरल 86.18 डॉलरवर व्यापार करत आहे. या वाढीनंतरही आज देशातील अनेक शहरांमध्ये पेट्रोल आणि डिझेलच्या दरांत कपात होत असल्याचं पाहायला मिळत आहे.
देशातील महानगरांतील किमती काय?
सध्या दिल्लीत पेट्रोल 96.72 रुपये प्रति लिटर तर डिझेल 89.62 रुपये प्रति लिटरनं विकलं जात आहे. तर मुंबईत पेट्रोल 106.31 रुपये आणि डिझेल 94.27 रुपये प्रति लिटर आहे. तर कोलकात्यात पेट्रोल 106.03 रुपये आणि डिझेल 92.76 रुपये प्रति लिटर आहे. दुसरीकडे, चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर दरानं विकलं जात आहे.
पेट्रोल आणि डिझेलचे दर कसे ठरवले जातात?
पेट्रोल आणि डिझेलच्या किंमती ठरवण्यासाठी अनेक घटक जबाबदार असतात. यामध्ये आंतरराष्ट्रीय बाजारात कच्च्या तेलाची किंमत आणि रुपया आणि डॉलरचा दर यांचाही मोठा वाटा आहे. ओपेक प्लस म्हणजे पेट्रोलियम उत्पादक देशांनी केलेल्या उत्पादनात कपात आणि रशिया-युक्रेन युद्धामुळे निर्माण झालेली परिस्थिती यामुळे सध्या पेट्रोल आणि डिझेलचे दर स्थिर आहेत. भारतातील तेल कंपन्यांनी गेल्या काही महिन्यांपासून पेट्रोल आणि डिझेलचे दर कायम ठेवले आहेत.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
