ONGC Chopper : ओएनजीसीच्या हेलिकॉप्टरची अरबी समुद्रात इमर्जन्सी लँडिंग, चार जणांचा मृत्यू तर पाच जणांना वाचवण्यात यश
ONGC Chopper: ओएनजीसीच्या पवन हंस हेलिकॉप्टरची मुंबईजवळील अरबी समुद्रात इमर्जन्सी लँडिंग करावी लागली आहे. हेलिकॉप्टरमध्ये दोन क्रू पायलट आणि सात प्रवासी होते.
ONGC Chopper Accident : ओएनजीसीच्या (ONGC) पवन हंस हेलिकॉप्टरची (Pawan Hans Helicopter) मुंबईजवळील अरबी समुद्रात इमर्जन्सी लँडिंग करावी लागली. यावेळी हेलिकॉप्टरचा अपघात झाल्यानं चार जणांचा मृत्यू झाला. कंपनीच्या अधिकाऱ्यांनी ही माहिती दिली आहे. हेलिकॉप्टरमध्ये दोन पायलट आणि सात ओएनजीसीचे कर्मचारी होते. आतापर्यंत नऊ जणांपैकी पाच जणांना वाचवण्यात यश आले आहे.
मुंबई पश्चिमेकडील सागर किरण ऑईल रिगजवळ हा अपघात झाला. कंपनीच्या अधिकाऱ्यांनी दिलेल्या माहितीनुसार, फ्लोटर्सच्या मदतीने हेलिकॉप्टरला काही वेळ बुडण्यापासून वाचवण्यात यश आले ज्यामुळे पाच जणांना वाचवण्यात यश आले. त्यांच्यावर रुग्णालयात उपचार सुरू आहेत.
नौदलाच्या एका हेलिकॉप्टरमधून त्यांना रुग्णालयात दाखल करण्यात आले. डॉक्टरांनी त्यांना मृत घोषित केले. ओएनजीसीच्या पवन हंस हेलिकॉप्टरची मुंबईजवळील अरबी समुद्रात इमर्जन्सी लँडिंग करावी लागली आहे.
नौदलाने मुंबईपासून 60 नॉटिकल मैल दूर ओएनजीसीच्या हेलिकॉप्टरमधील प्रवाशांना वाचवण्यासाठ एएलएच हेलिकॉप्टर आणि भारतीय नौदलाच्या जहाज तेगची मदत घेतली. तसेच एका जहाजाला मुंबईतून बचावासाठी आणखी एका जहाजाची मदत असल्याचे सांगितले आणि यशस्वीरित्या बचावकार्य राबवले.
अधिकाऱ्यांनी दिलेल्या माहितीनुसार, कोस्ट गार्डच्या (Coast Guard) विमानांनी लोकांना सुरक्षित बाहेर काढण्यासाठी लाईफ राफ्ट समुद्रात सोडले. समुद्र बचाव समन्वय केंद्राने (Mumbai) आंतरराष्ट्रीय (International Security) नेटला देखील सक्रिय केले. दरम्यान, कोणत्या परिस्थितीत इमर्जन्सी लँडिंग करण्यात आले हे अद्याप स्पष्ट झालेले नाही. ओएनजीसीची अरबी समुद्रात अनेक रिग आहेत.
संबंधित बातम्या :
ONGC Chopper: ओएनजीसीच्या हेलिकॉप्टरची इमर्जन्सी लँडिंग; 9 पैकी 6 जणांना वाचवण्यात यश, बचावकार्य सुरू आहे
महत्त्वाच्या बातम्या
ट्रेंडिंग न्यूज
