कधी ठरणार उपराष्ट्रपतीपदाचा NDA चा उमेदवार? महत्वाची माहिती आली समोर
21 जुलैच्या रात्री भारताचे उपराष्ट्रपती जगदीप धनखड यांनी राजीनामा दिला होता. त्यानंतर लवकरच नवीन उपराष्ट्रपती कोण होणार हे समजणार आहे.
नवी दिल्ली : 21 जुलैच्या रात्री भारताचे उपराष्ट्रपती जगदीप धनखड यांनी राजीनामा दिला होता. राष्ट्रपतींना लिहिलेल्या राजीनाम्यामध्ये जगदीप धनखड यांनी आपल्या आरोग्याच्या कारणास्तव हा राजीनामा देत असल्याचं नमूद केलं आहे. दरम्यान, धनखड यांनी राजीनामा दिल्यानंतर नवीन उपराष्ट्रपती कोण होणार? याची चर्चा सर्वत्र सुरु आहे. दरम्यान, येत्या 17 ऑगस्ट रोजी उपराष्ट्रपतीपदाचा एनडीएचा उमेदवार ठरण्याची शक्यता आहे.
उपराष्ट्रपती पदासाठी एनडीएची रणनीती निश्चित झाली आहे. येत्या 17 तारखेला उमेदवाराचे नाव जाहीर होण्याची शक्यता आहे. उपराष्ट्रपती पदाच्या उमेदवाराबाबत एनडीए पक्षाच्या संसदीय मंडळाची बैठक 17 ऑगस्ट रोजी होण्याची शक्यता आहे, जी पंतप्रधान नरेंद्र मोदी आणि भाजप अध्यक्ष जेपी नड्डा अधिकृत करतील.
उमेदवार निवडण्याचे अधिकार पंतप्रधान नरेंद्र मोदी आणि भाजप अध्यक्ष जेपी नड्डा यांच्याकडे
उपराष्ट्रपतीपदाच्या निवडणुकीसाठी भारतीय जनता पक्षाच्या (भाजप) नेतृत्वाखालील सत्ताधारी राष्ट्रीय लोकशाही आघाडी (एनडीए) उमेदवाराचे नाव अंतिम करण्यासाठी पक्षाच्या संसदीय मंडळाची बैठक 17 ऑगस्ट रोजी होण्याची शक्यता आहे. ही बैठक सायंकाळी 6 वाजता भाजप मुख्यालयात होऊ शकते. भाजपचे राष्ट्रीय अध्यक्ष जेपी नड्डा, पंतप्रधान नरेंद्र मोदी, राजनाथ सिंह, अमित शहा, बीएल संतोष आणि इतर सदस्य संसदीय मंडळाच्या बैठकीत उपस्थित आहेत. राष्ट्रीय लोकशाही आघाडीने उपाध्यक्षपदासाठी उमेदवार निवडण्याचे अधिकार पंतप्रधान नरेंद्र मोदी आणि भाजप अध्यक्ष जेपी नड्डा यांना दिले आहेत. त्यामुळं 17 तारखेला उपराष्ट्रपतीपदाच्या उमेदवाराचे नाव अंतिम केले जाईल. येथे नाव अंतिम झाल्यानंतर, एनडीएच्या मित्रपक्षांना देखील त्याबद्दल माहिती दिली जाईल.
उपराष्ट्रपतीपदासाठी नामांकनाची शेवटची तारीख कोणती?
एनडीएचा उपराष्ट्रपतीपदाचा उमेदवार 20 किंवा 21 ऑगस्ट रोजी नामांकन दाखल करू शकतो अशी शक्यता आहे. या पदासाठी होणाऱ्या निवडणुकीसाठी नामांकन दाखल करण्याची शेवटची तारीख 21 ऑगस्ट आहे. जर विरोधी पक्षानेही आपला उमेदवार जाहीर केला, ज्याची शक्यता खूप जास्त आहे, तर उपराष्ट्रपती पदाची निवडणूक 9 सप्टेंबर रोजी होईल. एनडीएकडे लोकसभा आणि राज्यसभेच्या सदस्यांचा समावेश असलेल्या निवडणूक मंडळात पूर्ण बहुमत आहे. जर स्पर्धा झाली तर सत्ताधारी आघाडीचा उमेदवार जिंकण्याची खात्री आहे. जगदीप धनखड यांनी आरोग्याच्या कारणास्तव उपराष्ट्रपती पदाचा अचानक राजीनामा दिल्याने ही निवडणूक घ्यावी लागली आहे.
मुख्यमंत्री आणि उपमुख्यमंत्री देखील सहभागी असतील
सूत्रांनुसार, एनडीए शासित राज्यांच्या सर्व मुख्यमंत्री आणि उपमुख्यमंत्र्यांनाही दिल्लीला बोलावण्यात आले आहे जेणेकरून ते उपराष्ट्रपती पदाच्या उमेदवाराच्या नामांकनात सहभागी होऊ शकतील. संसदीय कामकाज मंत्री किरेन रिजिजू यांनी सांगितले की उपराष्ट्रपती निवडणुकीसाठी एनडीएचा उमेदवार पंतप्रधान मोदी आणि पक्षाध्यक्ष जेपी नड्डा अंतिम करतील.
Before You Go
Manoj Jarange Patil Sangli : मराठा आमदार-खासदारांचे फोन; गुपचूप पाठिंबा असल्याचा जरांगेंचा दावा
महत्त्वाच्या बातम्या
